ကုလအထူးကိုယ်စားလှယ် နိုလင်းဟေဇာဟာ ဒီနေ့မှာ မြန်မာနိုင်ငံထံ ရုတ်တရက်ရောက်လာပြီး မနက်ဖြန် မှာ စစ်ကောင်စီခေါင်းဆောင်နဲ့နေပြည်တော်မှာတွေ့ဆုံမှာဖြစ်ပါတယ်။
စစ်ကောင်စီရဲ့သတင်းထုတ်ချက်အရ နိုလင်းဟေဇာဟာ ဒီနေ့မနက်ပိုင်းက ရန်ကုန်လေဆိပ်ကိုရောက်ရှိလာ တယ်လို့သိရပါတယ်။
ဒီခရီးစဉ်နဲ့ပတ်သက်ပြီး ကုလသမဂ္ဂဘက်က ကြိုတင်ထုတ်ပြန်အသိပေးတာမျိုးမရှိသလို ကာယကံရှင် နိုလင်းဟေဇာကလည်း တစ်စုံတစ်ရာ ကြေညာတာမျိုးမရှိခဲ့ဘူး။
ခရီးစဉ်ဟာလည်း ကုလအထူးကိုယ်စားလှယ်အဖြစ် ခန့်အပ်ခံရပြီး ၁၀ လနီးပါးကြာချိန်မှ စစ်အုပ်စုဘက်က ခွင့်ပြုပေးခဲ့တာလည်းဖြစ်ပါတယ်။
NUG အစိုးရဘက်ကတော့ နိုလင်းဟေဇာရဲ့ခရီးစဉ်ဟာ အာဏာသိမ်းစစ်အုပ်စုကို အသိအမှတ်မပြုဖို့ အရေးကြီးပြီး အင်မတန်သတိထားရမယ့်အချိန်ဖြစ်တယ်လို့ အသိပေးပြောဆိုထားပါတယ်။