အာဏာသိမ်းပြီး ၁၈ လကျော်ကာလအတွင်း စစ်ကောင်စီနဲ့ လက်အောက်ခံအဖွဲ့အစည်းတွ မီးရှို့လို့ နေအိမ် အလုံး ၂၈၀၀၀ ကျော် ပျက်စီးဆုံးရှုံးခဲ့ရကြောင်း Data for Myanmar အဖွဲ့က ဒီနေ့ညပိုင်းမှာစာရင်းထုတ်ပြန်ပါတယ်။
အဲဒီစာရင်းဟာ စစ်တပ်အာဏာသိမ်းတဲ့ ၂၀၂၁ ခုနှစ် ဖေဖော်ဝါရီလ ၁ ရက်ကနေ ဒီနှစ် သြဂုတ်လ ၂၅ ရက်အထိ ကာလအတွင်းဖြစ်ပါတယ်။
စစ်ကောင်စီတပ်ဟာ မီးရှို့ဖျက်ဆီးမှုတွေကို နေရာပေါင်း ၆၇၀ ကျော်မှာကျုးလွန်ခဲ့တာဖြစ်ပြီးအများဆုံးက စစ်ကိုင်းတိုင်းနဲ့မကွေးတိုင်းအတွင်းမှာဖြစ်ပါတယ်။
စစ်ကိုင်းတိုင်းမှာ အိမ်ခြေ ၂၀၁၅၃ လုံး ၊မကွေးတိုင်းမှာ အိမ်ခြေ ၅၄၁၈ လုံး မီးရှို့ဖျက်ဆီးခံခဲ့ရတာပါ။
Public Service Announcement
ကျန်တဲ့မီးရှို့ ဖျက်ဆီးခံရတဲ့ အိမ်ခြေ ၂၈၀၀ ကျော်ကတော့ ချင်းပြည်နယ် ၊ကယားပြည်နယ် ၊မွန်ပြည်နယ် ၊ရှမ်းပြည်နယ်တောင်ပိုင်း ၊ကရင်ပြည်နယ်နဲ့တနင်္သာရီတိုင်းတို့ကဖြစ်ပါတယ်။
စစ်ကောင်စီခေါင်းဆောင်ကတော့ ကုလအထူးကိုယ်စားလှယ်နဲ့ ပြီးခဲ့တဲ့ရက်ပိုင်းကတွေ့ဆုံရာမှာ စစ်တပ်ဟာ လူထုရဲ့အိုးအိမ်စည်းစိမ်ကို မီးရှို့ဖျက်ဆီးတာမရှိကြောင်း ငြင်းဆိုထားပါတယ်။
