ကရင်အမျိုးသားအစည်းအရုံး(KNU) တပ်မဟာ (၁)နယ်မြေ ကျိုက်ထိုမြို့နယ် အင်္ဂဘိုကျေးရွာ လက်ပံပင်သင်္ချိုင်းကုန်း၌ နယ်မြေကျူးကျော်ပြီးလက်နက်ကြီး ထိုင်တပ်စွဲထားသည့် စစ်ကောင်စီတပ်ကို ဒေသတွင်းတော်လှန်ရေးပူးပေါင်းတပ်ဖွဲ့များက တိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်ရှိခဲ့ကြောင်း ကျိုက်ထိုတော်လှန်ရေးအင်အားစု(KRF)က ထုတ်ပြန်သည်။
ဩဂုတ် ၂၈ရက် နံနက်ပိုင်းက စစ်ကောင်စီတပ်ကို KRF၊ KNU/KNLA တပ်မဟာ(၁) တပ်ရင်း(၃)၊ PDF တပ်ရင်း(၃)တို့ ပူးပေါင်းတိုက်ခိုက်ခဲ့ခြင်းဖြစ်သည်ဟု ဆိုသည်။
အနီးကပ် တိုက်ခိုက်မှုအတွင်း စစ်ကောင်စီတပ်မှ ၁၇ဦး သေဆုံးသွားကြောင်း KRFက ထုတ်ပြန်သည်။ပူးပေါင်းတပ်ဖွဲ့မှ ထိခိုက်မှုမရှိ ပြန်လည်ဆုတ် ခွာနိုင်ခဲ့ကြောင်း ဖော်ပြထားသည်။
KRF အနေဖြင့် စစ်အာဏာရှင်ကျဆုံးသည်အထိ ဆက်လက် တိုက်ပွဲဝင်သွားမည်ဖြစ်ပြီး စစ်ကောင်စီ လက်ပါးစေများ၊သတင်းပေး ဒလန်များ၊ စစ်ကောင်စီထောက်တိုင်များကိုဆက်လက် တိုက်ခိုက်သွားမည်ဟုလည်း အသိပေးထားသည်။
Public Service Announcement
