Connect with us

Hi, what are you looking for?

LuduNwayOo

သတင်း

စစ်ကောင်စီတပ်ကို တစ်ဦးတည်းခုခံတိုက်ခိုက်ရင်း ကျဆုံးခဲ့သည့် ပြည်သူ့ရဲဘော်၏နာရေး ဒေသခံပြည်သူအများအပြား လိုက်ပါပို့ဆောင်

ယမန်နေ့ (စက်တင်ဘာ ၆ ရက်)တွင် အာဇာနည်သူရဲကောင်း ရဲဘော်သန့်ဇင်ဦး၏ ဈာပနအခမ်းအနားအား ပြုလုပ်ခဲ့ပြီး Myaung PDF Cdsom နှင့် မဟာမိတ်များ၊ ပြည်သူများက တက်ရောက်ကာ အလေးပြုခဲ့ကြသည်။

ရဲဘော်သန့်ဇင်ဦး၏ စျာပနာအား တွေ့ရစဥ်၊ ဓာတ်ပုံ-CDSOM
ရဲဘော်သန့်ဇင်ဦး၏ စျာပနာအား တွေ့ရစဥ်၊ ဓာတ်ပုံ-CDSOM

စစ်ကိုင်းတိုင်း၊ မြောင်မြို့နယ်တွင် စစ်ကောင်စီတပ်ကို တစ်ဦးတည်းခုခံတိုက်ခိုက်ရင်း ကျဆုံးခဲ့ရသည့် မြောင် CDSOM အဖွဲ့မှ ရဲဘော်သန့်ဇင်ဦး၏ စျာပနာအား PDFရဲဘော်များနှင့် ဒေသခံပြည်သူအများအပြားက လိုက်ပါပို့ဆောင်ပေးခဲ့ကြသည်။

စက်တင်ဘာ ၂ ရက် မွန်းလွဲ ၁၂ နာရီ ၄၀မိနစ်ခန့်က မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့ – CDSOM ၏ အနောက်ပိုင်း ၀၀၆ အဖွဲ့မှ ရဲဘော်သန့်ဇင်ဦး အပါအဝင် ရဲဘော်နှစ်ဦးသည် မြစ်သာကျေးရွာသို့ ၀င်ရောက်ကင်းထောက် သွားခဲ့ရာ အကြမ်းဖက်စစ်ကောင်စီတပ် ကင်းပုန်းနှင့် တွေ့သဖြင့် ပြန်လည်ခုခံခဲ့သည်။

ထိုအချိန်တွင် ရဲဘော် သန့်ဇင်ဦးနှင့်အတူ ပါလာသော ရဲဘော်တစ်ဦး၏ ဘယ်ဘက်လက်မောင်းကို ကျည်ထိမှန်ခဲ့သဖြင့် အဆိုပါ ရဲဘော်ကိုနောက်ဆုတ်ခိုင်းပြီး ရဲဘော်သန့်ဇင်ဦးက ကျည်တစ် ရာပါဝင်သော ကျည်ဘောက်သုံးခုဖြင့် ပြန်လည် ကာပစ်ပေးခဲ့သည်။ သို့သော် ရဲဘော် သန့်ဇင်ဦး၏ ပေါင်ကို ကျည်ထိမှန်ခဲ့ပြီး ပြေးမထွက်လာနိုင်ချိန်တွင် အကြမ်းဖက်စစ်ကောင်စီတပ်သားသုံးဦးကို ရှင်းလင်းနိုင်ခဲ့ပြီးနောက် ၎င်းရဲဘော်မှာ ကျဆုံးသွားခဲ့သည်ဟု CDSOM အဖွဲ့က ပြောသည်။

ယမန်နေ့ (စက်တင်ဘာ ၆ ရက်)တွင် အာဇာနည်သူရဲကောင်း ရဲဘော်သန့်ဇင်ဦး၏ ဈာပနအခမ်းအနားအား ပြုလုပ်ခဲ့ပြီး Myaung PDF Cdsom နှင့် မဟာမိတ်များ၊ ပြည်သူများက တက်ရောက်ကာ အလေးပြုခဲ့ကြသည်။

Public Service Announcement

Public Service Announcement

မပြီးဆုံးသေးသည့် နွေဦးတော်လှန်ရေးခရီးလမ်းအား အဆုံးထိ ဆက်လက်တိုက်ပွဲဝင်သွားမည်ဟု CDSOM အဖွဲ့က ကတိပြုသည်။

ဆက်စပ်သတင်းများ

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။

သတင်း

တိုက်ခိုက်ခံရပြီးနောက် စစ်ကောင်စီတပ်ကလည်း လက်နက်ကြီးများဖြင့်အနီးအနား ကျေးရွာများသို့ ရမ်းသန်းပစ်ခတ်ခဲ့ပြီး MI-2 ရဟတ်ယာဉ် တစ်စီးဖြင့်လည်း လေကြောင်းမှ နှစ်ကြိမ်ရမ်းသမ်းပစ်ခတ်ခဲ့သည်ဟု ထုတ်ပြန်သည်။