အရာတော်တွင် စစ်ကောင်စီစစ်ကြောင်းမိုင်းထိပြီးတစ်ဦး ခြေလက်များပြတ်၍သေဆုံး၊ ၃ဦးဒဏ်ရာရ

▪︎ဆေးကုသနေစဥ် အဝေးပစ်လက်နက်ကြီးဖြင့် ထပ်မံတိုက်ခိုက်ခံရ

စစ်ကိုင်းတိုင်း၊ အရာတော်မြို့နယ်တွင် စစ်ကောင်စီတပ်ခြေလျင်စစ်ကြောင်းကိုမိုင်းဆွဲတိုက်ခိုက်ခဲ့ရာခြေပြတ်လက်ပြတ်များဖြင့် တစ်ဦးသေဆုံးပြီး သုံးဦးအပြင်းထန် ဒဏ်ရာရသွားကြောင်း မြောက်ပိုင်းညီနောင်များ မဟာမိတ်တော်လှန်ရေးအင်အားစု(NBARS)ကသတင်းထုတ်ပြန်သည်။

ယနေ့(စက်တင်ဘာလ ၉ ရက်နေ့)နံနက်၆နာရီခွဲခန့်ကစစ်ကောင်စီတပ်သည် အရာတော်မှကားကြီးနှစ်စီးဖြင့်ရှမ်းလည်ချောင်းရွာသို့လာ​ရောက်၍တဲနှစ်တဲကိုမီးရှို့ဖျက်ဆီးခဲ့သည်။

ထို​နောက်နောင်ကြီးအိုင်ဘက်သို့ ‌‌ခြေလျင်စစ်ကြောင်းရွှေ့လာသော စစ်တပ်လမ်းကြောင်းကို တောလမ်းတစ်နေရာအရောက်တွင် ပကဖ နှင့် NBARS -မြောက်ပိုင်းညီ‌နောင်များကမိုင်းဆွဲတိုက်ခိုက်ခဲ့ရာ ခြေပြတ်လက်ပြတ်များဖြင့် တစ်ဦးသေဆုံးပြီး သုံးဦးအပြင်းထန် ဒဏ်ရာရကာ တောထဲတွင်အရေးပေါ် ဆေးကုသမှု ပြုလုပ်ခဲ့ရကြောင်းအသိ​ပေးထားသည်။

“NBARS နဲ့ ကျွန်တော်တို့ ပကဖ တွေ ပူးပေါင်း တိုက်ခိုက်ခဲ့တာ”ဟု အရာတော်မြို့နယ် ပကဖ အဖွဲ့ဝင်တစ်ဦးက လူထုနွေဦးသို့ ပြောသည်။

Public Service Announcement

စစ်​ကောင်စီတပ်ထိခိုက်သေဆုံးမှုအခြေအနေနှင့်ပတ်သက်၍People’s Springက သီးခြားအတည်ပြုနိုင်ခြင်းမရှိသေးပေ။

ထိုသို့ဆေးကုနေစဉ် မုံရွာခရိုင်ရင်း(၆)နှင့်ပူးပေါင်းကာ အဝေးပစ်လက်နက်ကြီးများဖြင့် ထပ်မံ တိုက်ခိုက်ခဲ့သောကြောင့် ညအမှောင်ချိန်ရောက်မှ နောင်ကြီးအိုင်ခြံထဲသို့ ဝင်ရောက်သွားကြောင်း NBARSက အသိပေးသည်။

လက်ရှိတွင် မိုင်းဆွဲခံရသည့် စစ်ကောင်စီတပ်မှာနောင်ကြီးအိုင်ရဲစခန်းတွင်းသို့ ဝင်ရောက်တပ်စွဲ ထားသည်ဟု ထုတ်ပြန်ချက်၌ ဖော်ပြသည်။