ရန်ကုန်မြို့ (၁၀)မိုင်ကုန်းရှိ စစ်ကောင်စီတပ် အရာရှိရိပ်သာအား အဝေးထိန်းဗုံးဖြင့် ဖောက်ခွဲတိုက်ခိုက်ခဲ့ကြောင်း ပြောက်ကျားတပ်ဖွဲ့ War Of Hunter Revolution Force – WHO က ထုတ်ပြန်သည်။
ယမန်နေ့ (စက်တင်ဘာ ၈ ရက်နေ့)ည ၈ နာရီ ၃၄ ခန့်က အင်းစိန်မြို့နယ် ပြည်လမ်းနှင့် မင်းဓမ္မလမ်းထောင့်ရှိ (၁၀)မိုင်ကုန်း စစ်ကောင်စီတပ်အရာရှိရိပ်သာကို အဝေးထိန်းဗုံးတစ်လုံးဖြင့် ဖောက်ခွဲတိုက်ခိုက်ခဲ့ခြင်းဖြစ် ကြောင်း ဖော်ပြသည်။
ဖောက်ခွဲတိုက်ခိုက်မှုကြောင့် ပျက်စီးထိခိုက်မှု တစုံတရာအတိအကျ မသိရသေးဘဲ WHO အဖွဲ့သားများ ထိ ခိုက်မှုမရှိ ဘေးကင်းလုံခြုံစွာ ပြန်လည်ဆုတ်ခွာနိုင်ခဲ့ သည်ဟုပါရှိသည်။
“အထိအခိုက် ရှိမရှိမသိခဲ့ရပါဘူး။ စစ်လေကားတွေရောက်လာလို့ပါ”ဟု WHO ပြောက်ကျားတပ်ဖွဲ့မှ ရဲဘော်တစ်ဦးက ပြောသည်။
Public Service Announcement
ယခုတိုက်ခိုက်မှုမှာ မြို့ပြပြောက်ကျားတပ်ဖွဲ့ WHO ၏ လေးခုမြောက် စစ်ဆင်ရေးဖြစ်ပြီး စက်တင်ဘာ ၃ ရက်ကလည်း အင်းစိန် ဗဟိုလမ်း၊ မီးရထားသံလမ်းဘေးရှိ CID ရဲရုံးကို အဝေးထိန်းဗုံးတစ်လုံးဖြင့် ဖောက်ခွဲတိုက် ခိုက်ခဲ့သေးသည်။
အလားတူ ပြီးခဲ့သည့် သြဂုတ် ၂၄ ရက်က Human Right Defenders(HRD)အဖွဲ့နှင့်ပူးပေါင်းကာ ဒဂုံမြောက်ပိုင်းရှိ စစ်ကောင်စီလက်အောက်ခံထွေအုပ်ရုံးကိုဖောက်ခွဲတိုက်ခိုက်ခဲ့သည်။
