Connect with us

Hi, what are you looking for?

LuduNwayOo

သတင်း

သုံးခွမြို့နယ် ကတုံးပေါ်နယ်မြေရဲစခန်းကို ခရမ်း PDFက (၄၀)မမ ဗုံးသီးနှစ်လုံးဖြင့် ပစ်ခတ်တိုက်ခိုက်

“အဆောက်အဦးနှင့် စခများထိခိုက်မှုရှိနိုင်ပြီး အသေးစိပ်ကို မသိရှိရသေးပါ။ ပြည်သူ့ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ပါသည်”ဟု PDF-Khayan က အသိပေးသည်။

သုံးခွမြို့နယ် ကတုံးပေါ်နယ်မြေရဲစခန်းကို ခရမ်း PDFက (၄၀)မမ ဗုံးသီးနှစ်လုံးဖြင့် ပစ်ခတ်တိုက်ခိုက်
သုံးခွမြို့နယ် ကတုံးပေါ်နယ်မြေရဲစခန်းကို ခရမ်း PDFက (၄၀)မမ ဗုံးသီးနှစ်လုံးဖြင့် ပစ်ခတ်တိုက်ခိုက်

စစ်အုပ်စုက အပြစ်မဲ့ပြည်သူငါးဦးကို ဖမ်းဆီးသွား

ရန်ကုန်တိုင်း သုံးခွမြို့နယ်ရှိ စစ်ကောင်စီလက်အောက်ခံ ကတုံးပေါ်နယ်မြေရဲစခန်းကို (၄၀)မမ ဗုံးသီးနှစ်လုံးဖြင့် ပစ်ခတ်တိုက်ခိုက်ခဲ့ကြောင်း ခရမ်းမြို့နယ်ပြည်သူ့ကာကွယ်ရေးတပ်ဖွဲ့(PDF-Khayan)က ယနေ့(စက်တင်ဘာ ၂၂) ထုတ်ပြန်သည်။

ယနေ့နေ့လယ် ၁ နာရီ ၁၅မိနစ်ခန့်က စစ်ကောင်စီလက်အောက်ခံ ကတုံးပေါ်အထက်ရွာ နယ်မြေရဲစခန်းအား (၄၀)မမ ဗုံးသီးနှစ်လုံးဖြင့်တိုက်ခိုက်ခဲ့ရာ အဆောက်အဦးနှင့် စစ်ကောင်စီတပ်များ ထိခိုက်မှုရှိနိုင်ကြောင်း ဖော်ပြသည်။

“အဆောက်အဦးနှင့် စခများထိခိုက်မှုရှိနိုင်ပြီး အသေးစိပ်ကို မသိရှိရသေးပါ။ ပြည်သူ့ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ပါသည်”ဟု PDF-Khayan က အသိပေးသည်။

“ငြိမ်မနေဘူးဆိုတဲ့အကြောင်း ပြလိုက်တာပါ။သုံးခွကိုလည်း ညီအကိုမြို့ဖြစ်တဲ့အတွက် ကစားပေးရမှာဘဲဗျ အတူတူပါ တသားတည်းပါ ဆိုတာပြတာပါ” ဟု ခရမ်း PDF ခေါင်းဆောင်ကိုမီးပွားက ပြောသည်။

အထက်ပါ တိုက်ခိုက်မှုအပြီးတွင် စစ်ကောင်စီတပ်က ကတုံးပေါ်အလယ်ရွာ၊ ကတုံးပေါ်အထက်ရွာနှင့် ဘုံလုံကျေးရွာတို့မှ အပြစ်မဲ့ပြည်သူငါးဦးကို ဖမ်းဆီးခေါ်ဆောင်သွားကြောင်း ဒေသခံများက ပြောသည်။

“ပေါက်ကွဲတဲ့အသံက တော်တော်ကျယ်တယ်။ ရင်တွေပါတုန်တယ်။ ထိခိုက်ဘာညာတော့ သေချာမသိဘူး။ သူတို့ (စစ်အုပ်စု)က ပြည်သူငါးဦးကို လက်ထိပ်ခတ်ပြီး ခေါ်သွားတာတွေ့တယ်”ဟု ကတုံးပေါ်ရွာမှ ဒေသခံတစ်ဦးက ပြောသည်။

PDF-Khayan အနေဖြင့် ပြီးခဲ့သည့်နှစ် စက်တင်ဘာကတပ်ဖွဲ့ဝင်နှစ်ဦးကျဆုံးခဲ့ရခြင်းအပေါ် သွေးကြွေးပြန်တောင်းသည့်အနေဖြင့် စစ်ရေးတိုက်ခိုက်မှုများလုပ်ဆောင်လျှက်ရှိရာ စက်တင်ဘာ ၂၀ ရက်က ခရမ်းမြို့နယ်ထွေအုပ်ရုံကို (၄၀)မမ ဗုံးသီးဖြင့်တိုက်ခိုက်ခဲ့ပြီး စစ်ကောင်စီတပ်သားနှင့် ထွေအုပ်ဝန်ထမ်းအပါအဝင် ငါးဦးသေဆုံးခဲ့သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ယမန်နေ့(စက်တင်ဘာလ ၂၈ရက်)တွင်လည်း စစ်ကောင်စီတပ်က ထနောင်းတောတောင်ရွာကို ပစ်ခတ်ဝင်ရောက်ကာ နေအိမ် သုံးလုံးအား မီးရှို့ဖျက်ဆီးသွားခဲ့သည်။

သတင်း

"ပြန်မပစ်ဘူးဗျ ။စခန်းထဲမှာ​​တော့ဆူညံ​နေတာပဲ ။ ရန်သူ​သေတာကို​တော့ တပ်တွင်းသတင်း​ပေးကတစ်ဆင့်သိရတာပါ" ဟု အထက်ပါ ပြန်ကြား​ရေးတာဝန်ခံက​ပြောသည်။

သတင်း

စစ်ကောင်စီတပ်သည် ဘုန်းကြီးကျောင်းဝင်းထဲမှ ဆိုင်ကယ် လေးစီးကိုလည်း မီးပုံရှို့ခဲ့ပြီး ဒေသခံတစ်ဦး၏အိမ်ကို ဝင်မွှေကာ ကျပ်သိန်း ၁၀၀ခန့်နှင့် ဖုန်း လေးလုံးကို ခိုးယူသွားသည်ဟု ကိုနွေဦးက ဆိုသည်။

သတင်း

ဒဏ်ရာဖြင့် အရှင်ဖမ်းဆီးရမိသူ ၂ ဦးအနက် ၁ ဦးမှာ ဖမ်းဆီးခေါ်ဆောင်လာရာလမ်းတွင် သေဆုံး ၁ ဦးမှာ စခန်းတွင်ဆေးဝါးကုသပေး‌စဉ်သေဆုံးသွားခဲ့ကြောင်း ချောင်းဦး PDFက ပြောသည်။