Connect with us

Hi, what are you looking for?

LuduNwayOo

သတင်း

မိုးဗြဲမြို့တွင် တိုက်ပွဲဆက်လက်ပြင်းထန်နေ

ယနေ့(စက်တင်ဘာ ၂၃ ရက်) နံနက် ၃နာရီခွဲကစ၍ ထိတွေမှုဖြစ်ခဲ့ပြီး ည ၆နာရီအထိ တစ်နေ ကုန်တိုက်ပွဲပြင်းထန်ခဲ့သည်ဟု ဆိုသည်။

ဓာတ်ပုံ - MBPDF
ဓာတ်ပုံ - MBPDF

စစ်ကောင်စီတပ်သားအများအပြားသေဆုံးပြီး ရဲဘော်နှစ်ဦးကျဆုံးခဲ့ရဟု PDF ထုတ်ပြန်

ရှမ်း – ကရင်နီ(ကယား)ပြည်နယ်အစပ် မိုးဗြဲမြို့တိုက်ပွဲ ဆက်လက်ပြင်းထန်နေပြီး စစ်ကောင်စီ တပ်သားအများအပြားသေဆုံးကာ ရဲဘော်နှစ်ဦးကျဆုံးခဲ့ရကြောင်း မိုးဗြဲပြည်သူ့ကာကွယ်ရေးတပ် (MBPDF)က ထုတ်ပြန်သည်။

ယနေ့(စက်တင်ဘာ ၂၃ ရက်) နံနက် ၃နာရီခွဲကစ၍ ထိတွေမှုဖြစ်ခဲ့ပြီး ည ၆နာရီအထိ တစ်နေ ကုန်တိုက်ပွဲပြင်းထန်ခဲ့သည်ဟု ဆိုသည်။

တိုက်ပွဲမှာ မိုးဗြဲမြို့လွယ်ယင်းမင်္ဂလာကျေးရွာ၏ ကာလဝါရီတောင်ပေါ်တွင် ထိုးစစ်ဆင်တပ်စွဲထားသော စစ်ကောင်စီတပ်ကို မဟာမိတ်တပ်ပေါင်းစုများ ဖြစ်ကြသော MBPDF 1001၊ MB PDF 1007၊ ဖယ်ခုံ PDF B-01၊ လွိုင်ကော် PDF၊ အလယ်ပိုင်းတိုင်း အထူးစစ်ဆင်ရေးတပ်ဖွဲ့၊ D MO 1102 တပ်ရင်း၊ နေပြည်တော် PDF၊ KNDF၊ KA၊ KGZ၊ URF တို့ ပူးပေါင်းတိုက်ခိုက်ခဲ့ကြောင်း အသိပေးသည်။

ဓာတ်ပုံ - MBPDF
ဓာတ်ပုံ – MBPDF

တိုက်ပွဲတွင် မဟာမိတ်တပ်ပေါင်းစုများ၏ ရဲဝံ့ကြံ့ခိုင်မှုများကြောင့် စစ်ကောင်စီတပ်မှ အမြောက် အမြားသေဆုံးထိခိုက် ဒဏ်ရာရရှိခဲ့သည်ဟု MBPDF က ပြောသည်။

မဟာမိတ်တပ်ပေါင်းစုအဖွဲ့မှ အသေစားဒဏ်ရာ လေးဦး၊ စိုးရိမ်ရဒဏ်ရာ သုံးဦးရရှိပြီး တာဝန်ထမ်းဆောင်ရင်း ရဲဘော် နှစ်ဦးမှာ နွေဦးတော်လှန်ရေးအတွက် အသက်စတေးခဲ့ရကြောင်း ဖော်ပြသည်။

ထို့အပြင် ယနေ့ည ၉ နာရီခန့်အထိ ပူပေါင်းမဟာမိတ်အဖွဲ့မှ စစ်ကောင်စီတပ်၏ ထိုးစစ်ဆင်မှု ကို ဆက်လက်တောက်ခံနေဆဲဖြစ်သည်။

ကရင်နီဒေသ၏ စစ်ရေးအရအရေးပါသော မိုးဗြဲမြို့ကို စစ်ကောင်စီက ထိန်းချုပ်နိုင်ရေးကြိုးပမ်းမှုသည် နှစ်ပတ်ကျော်ကြာမြင့်နေပြီလည်း ဖြစ်သည်။

စက်တင်ဘာ ၈ ရက်ကစတင်ခဲ့သည့် ထိုးစစ်ဆင်မှုအတွင်း စစ်ကောင်စီတပ်မှ သေဆုံးသူရာဂဏန်းဝန်းကျင်ရှိကာ ကရင်နီတပ်ပေါင်းစုမှ ရဲဘော်ခြောက်ဦး ကျဆုံးထားသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ယမန်နေ့(စက်တင်ဘာလ ၂၈ရက်)တွင်လည်း စစ်ကောင်စီတပ်က ထနောင်းတောတောင်ရွာကို ပစ်ခတ်ဝင်ရောက်ကာ နေအိမ် သုံးလုံးအား မီးရှို့ဖျက်ဆီးသွားခဲ့သည်။

သတင်း

တိုက်ပွဲဟာ မနက် ၆ နာရီကနေ မနက်၉ နာရီအထိ ပြင်းထန်ခဲ့တယ်လို့သိရပြီး စစ်ကောင်စီရဲ့စခန်းကျသွားတယ်လို့သိရပါတယ်။

သတင်း

"ပြန်မပစ်ဘူးဗျ ။စခန်းထဲမှာ​​တော့ဆူညံ​နေတာပဲ ။ ရန်သူ​သေတာကို​တော့ တပ်တွင်းသတင်း​ပေးကတစ်ဆင့်သိရတာပါ" ဟု အထက်ပါ ပြန်ကြား​ရေးတာဝန်ခံက​ပြောသည်။

သတင်း

ထို့အပြင် လက်နက်ကြီးကျည်ကျ၍ သေ့ဘော့ဘိုးကျေးရွာ ဘုန်းကြီးကျောင်းအား ထိမှန်ပျက်စီးမှုများရှိခဲ့ပြီး ဘလက်တို ကျေးရွာရှိ ဒေသခံ ပြည်သူများ၏ နေအိမ်များ ၊ အဆောက်အဦးများ ပျက်စီးခဲ့ရကြောင်း အသိပေးထုတ်ပြန်ထား သည်။