One Championship MMA ကစားသမား အန်တိုနီယာသည် ကယားပြည်နယ်ရှိ စစ်ဘေးရှောင် လိုအပ်နေသူများအား လှူဒါန်းရန်အတွက် ၎င်း၏ ပြိုင်ပွဲဝင် လက်အိတ်ကို မဲဖောက်ရောင်းချသွားမည်ဖြစ်ကြောင်း ယနေ့ (စက်တင်ဘာ ၂၄) တွင် လူမှုကွန်ရက်မှတဆင့် ကြေညာသည်။
” ခုခေတ် ခက်ခဲနေတဲ့ ကာလမှာ လိုအပ်တဲ့သူတွေကို ကူညီဖို့အတွက် (အန်တိုနီယာ) တိုတို့ရဲ့ One championship ပြိုင်ပွဲတွေမှာ ယှဥ်ပြိုင်ပြီး ရလာတဲ့ One Championship Glove တစ်စုံကို လက်မှတ်ရေးထိုးပြီး ကံစမ်းမဲ လက်မှတ်အနေနဲ့ ရောင်းချပေးချင်တယ်ရှင့်။ Lucky Draw တစ်စောင်ကို (၅၀၀၀)ကျပ်ဖြင့် ရောင်းချမှာဖြစ်ပြီး အောက်တိုဘာ ၅ ရက် မှာ Live လွင့်ပြီး မဲဖောက်ပေးပါမယ်ရှင့် “ဟု အန်တိုနီယာက ရေးသားထားသည်။
ရရှိသည့် အလှူငွေများအားလုံးကို ကယားပြည်နယ်ရှိ စစ်ဘေးရှောင်ပြည်သူများအတွက် စားနပ်ရိက္ခာ၊ ဆေးဝါး စသည့် လိုအပ်သော နေရာများတွင် ခွဲဝေပြီး လှူဒါန်းသွားမည်ဖြစ်ပြီး ပြည်သူများ ပူးပေါင်းပါဝင်ပေးကြရန်လည်း အန်တိုနီယာက မေတ္တာရပ်ခံခဲ့သည်။
” Glove Size ကတော့ XS ဆိုပေမယ့် ကိုယ့်ရဲ့ အိမ်မှာ အမှတ်တရတစ်ခုအနေနဲ့ သိမ်းလို့ရပါတယ်ရှင့်။ တိုတိုတို့ကတော့ ဒီ Glove တစ်စုံရဖို့ ချွေး၊သွေး၊အသက်နဲ့ရင်းပြီး ခက်ခက်ခဲခဲယှဥ်ပြိုင်ပြီးမှ ရလာတာ ဖြစ်ပါတယ် ” ဟု ၎င်းက ဆိုသည်။
ကယန်းတိုင်းရင်းသူ အန်တိုနီယာသည် One Championship MMA ပြိုင်ပွဲ ငါးပွဲယှဥ်ပြိုင်ထားသူ ဖြစ်ပြီး သုံးပွဲနိုင် နှစ်ပွဲသရေ ရလဒ်ရရှိထားသည်။