တစ်ပတ်အတွင်း စနိုက်ပါလက်ချက်ကြောင့် စစ်ကောင်စီတပ်သား ၁၄ဦးထက်မနည်းသေ
ကရင်အမျိုးသားအစည်းအရုံး(KNU) တပ်မဟာ (၆)နယ်မြေ တောင်နီကျေးရွာအနီး တွင်ယနေ့ တိုက်ပွဲ ဆက်လက်ဖြစ်ပွားခဲ့ပြီးစစ်ကောင်စီတပ်မှ သုံးဦးသေဆုံးခဲ့ကြောင်း ကော်ဘရာစစ်ကြောင်းက သတင်းထုတ်ပြန်သည်။
တောင်နီကျေးရွာအနီး တောင်ကုန်းတစ်ခုပေါ်ရှိ စစ်ကောင်စီ လက်အောက်ခံ ခမရ(၁၀၄)တပ်အား KNLA တပ်ရင်း (၂၇)ကော်ဘရာစစ်ကြောင်းနှင့် တပ်မဟာစစ်ကြောင်း၏ တပ်ခွဲ(၂) ပူးပေါင်းတပ်ဖွဲ့ များဘက်က စက်တင်ဘာ ၂၅ရက် နေ့လည်ပိုင်းတွင် တိုက်ခိုက်ခဲ့ခြင်းဖြစ်သည်ဟုဆိုသည်။
ပူးပေါင်းတပ်ဖွဲ့မှ စနိုက်ပါစစ်သည်များ၏ စွမ်းဆောင်ချက်ဖြင့် စစ်ကောင်စီတပ်ဘက်မှ သုံးဦး သေဆုံးခဲ့ကြောင်း စစ်မြေပြင်သတင်းရရှိခဲ့သည်ဟု ထုတ်ပြန်ထားသည်။
အဆိုပါဒေသတွင် ပူးပေါင်းတပ်ဖွဲ့နှင့် စစ်ကောင် စီတပ်တို့ တိုက်ပွဲများ ဆက်တိုက်ဖြစ်ပွားလျက်ရှိရာ စစ်ကောင်စီတပ်များကို စနိုင်ပါဖြင့် တိုက်ခိုက်ခြင်း၊ ဒရုန်းဖြင့် ဗုံးကြဲခြင်းများလုပ်ဆောင်ခဲ့ ကြောင်း ကော်ဘရာစစ်ကြောင်းက သတင်းထုတ်ပြန်သည်။
Public Service Announcement
ကော်ဘရာစစ်ကြောင်း၏ ထုတ်ပြန်ချက်များအရ ပြီးခဲ့သည့် တစ်ပတ်တာအတွင်း ပူးပေါင်းတပ်ဖွဲ့မှ စနိုက်ပါ စစ်သည်တော်များ၏ တိုက်ခိုက်မှုကြောင့် စစ်ကောင်စီတပ်မှ ၁၄ဦးထက်မနည်း သေဆုံးခဲ့သည်ကို တွေ့ရသည်။
