Connect with us

Hi, what are you looking for?

LuduNwayOo

သတင်း

မုံရွေးကြေးမုံရွာကို စစ်ကောင်စီတပ် မီးရှို့ဖျက်ဆီးနေပြီး ဒေသခံပြည်သူအများအပြားလည်း ဖမ်းဆီးခံထားရ

“ပြည်သူတွေကို အိမ်ထဲတွေထိ ဝင်ခေါ်ပြီး ဘုန်းကြီးကျောင်းတွေထဲမှာ ဖမ်းဆီးထားပြီး ဖုန်းတွေ သိမ်းထားတယ်လို့သိရပါတယ်”ဟု မုံရွာမြို့နယ်သတင်းမှန်ပြန်ကြားရေးက ပြောသည်။

မုံရွေးကြေးမုံရွာ မီးရှို့ဖျက်ဆီးခံနေရသည်ကို မြင်တွေ့ရစဥ်။ ဓာတ်ပုံ-မုံရွာမြို့နယ်သတင်းမှန်ပြန်ကြားရေး၊ မုံရွာ-အမြင့်လမ်း သတင်းမှန်ပြန်ကြားရေး
မုံရွေးကြေးမုံရွာ မီးရှို့ဖျက်ဆီးခံနေရသည်ကို မြင်တွေ့ရစဥ်။ ဓာတ်ပုံ-မုံရွာမြို့နယ်သတင်းမှန်ပြန်ကြားရေး၊ မုံရွာ-အမြင့်လမ်း သတင်းမှန်ပြန်ကြားရေး

စစ်ကိုင်းတိုင်း၊ မုံရွာမြို့နယ်ရှိ မုံရွေးကြေးမုံကျေးရွာကို စစ်ကောင်စီတပ်က ဝင်ရောက်မီးရှို့ဖျက်ဆီးနေပြီး ဒေသခံပြည်သူများလည်း ဖမ်းဆီးခံထားရကြောင်း ဒေသခံများက ပြောသည်။

ယမန်နေ့ (အောက်တိုဘာ ၄ရက်)နံနက် ၉နာရီခွဲခန့်က စစ်ကောင်စီတပ်သည် မုံရွေးကြေးမုံကျေးရွာကို ဝင်ရောက် စီးနင်းပြီး ဒေသခံပြည်သူအများအပြားအား ဖမ်း​ဆီးခဲ့ကြောင်း၊ ထို့နောက်နေအိမ်တစ်လုံးကိုပါ မီးရှို့ဖျက်ဆီးခဲ့ကြောင်း ဒေသခံများက ပြောသည်။

“ပြည်သူတွေကို အိမ်ထဲတွေထိ ဝင်ခေါ်ပြီး ဘုန်းကြီးကျောင်းတွေထဲမှာ ဖမ်းဆီးထားပြီး ဖုန်းတွေ သိမ်းထားတယ်လို့သိရပါတယ်”ဟု မုံရွာမြို့နယ်သတင်းမှန်ပြန်ကြားရေးက ပြောသည်။

Public Service Announcement
Public Service Announcement

ယနေ့ (အောက်တိုဘာ ၅ရက်) နံနက်၈ နာရီ မိနစ် ၅၀ခန့်တွင် ကျေးရွာရှိ နေအိမ်များကို ထပ်မံမီးရှို့ဖျက်ဆီးခဲ့ရာ နေအိမ် ခုနစ်လုံးထက်မနည်း ပျက်စီးဆုံးရှုံးခဲ့ပြီး နံနက်၁၁နာရီခွဲခန့်တွင်လည်း ထပ်မံမီးရှို့နေကြောင်း ဒေသခံများက ပြောသည်။

“မုံရွေးကြေးမုံရွာက တာယာလုပ်ငန်း လုပ်ကိုင်တဲ့ နေအိမ်ကို စပြီး မီးရှို့တာလို့ပြောတယ်။”ဟု ဒေသခံတစ်ဦးက ပြောသည်။ ထို့အပြင် စစ်ကောင်စီတပ်သည် မုံရွာမြို့နယ်ရှိ လယ်ဇင်ရွာအဝင်လမ်းကိုလည်း ဘူဒိုဇာဖြင့်ထိုးကော်ကာ ဖျက်ဆီးသွားကြောင်း မုံရွာဒေသခံများက ပြောသည်။

စစ်ကောင်စီတပ်သည် ယမန်နေ့ကလည်း စစ်အာဏာရှင်ဆန့်ကျင်မှုအားကောင်းသည့် ကျေးရွာများ၏ မုံရွာ – အမြင့်လမ်းကိုလည်း ဘူဒိုဇာဖြင့်ထိုး ဖျက်ဆီးခဲ့သေးသည်။

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

နိုင်ငံတကာ

လုံခြုံရေး တပ်ဖွဲ့ဝင် ၃၀၀၀ လောက် ပါဝင်တဲ့ စစ်ဆင်ရေးအတွင်း ဂျာမနီနိုင်ငံ အနှံ့မှာ စီးနင်းရှာဖွေမှုပေါင်း ၁၃၀ လောက် ပြုလုပ်ခဲ့သလို ဩစတြီးယားနဲ့ အီတလီ နိုင်ငံတွေမှာလည်း အခုကွင်းဆက်နဲ့ ပတ်သက်သူ ၂ ဦးကို ဖမ်းမိထားကြောင်း သိရပါတယ်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။