မူးမြို့နယ်အတွင်းရှိ မုန်းဒေသသို့ စစ်ကောင်စီတပ် ဝင်ရောက်ပြီး ဒေသခံပြည်သူများကို ဖမ်းဆီးခြင်းများပြုလုပ်ခဲ့သည်ဟု ကေအဲန်ယူမှ သတင်းထုတ်ပြန်သည်။
အောက်တိုဘာလ(၅)ရက်တွင် စစ်ကောင်စီတပ်မှ ကားသုံးစီး အင်အားအပြည့်ဖြင့် မုန်းဒေသအတွင်းသို့ ရောက်လာပြီး မုန်းတွင်နေထိုင်သည့် အမျိုးသမီး(၅)ဦးအပါအဝင် ပြည်သူ(၁၅)ဦးထက်မနည်းကို ဝင်ရောက်ဖမ်းဆီးခဲ့သည်ဟု ထုတ်ပြန်ချက်တွင်ဖော်ပြသည်။
ဖမ်းဆီးထားသည့်သူများကို စစ်ကောင်စီတပ်မှ ခမရ(၅၅၉)တပ်ရင်းသို့ ပြန်လည်ခေါ်ဆောင်သွားပြီး ဖမ်းဆီးရသည့်အကြောင်းရင်းကို မသိရှိရသေးပဲ ဖမ်းဆီးခံရသည့်သူအများစုမှာ မုန်းတွင်နေထိုင်သူများဖြစ်ကြပြီး ရေအိုးစဉ်ကျေးရွာမှ နေထိုင်သူနှစ်ဦးလည်း ပါဝင်သည်ဟု ကေအဲန်ယူ၏ ထုတ်ပြန်ချက်ကနေ သိရသည်။
