Connect with us

Hi, what are you looking for?

LuduNwayOo

သတင်း

ဖိနှိပ် အနိုင်ကျင့်မှုများ အဆုံးသတ်ပစ်ရမည်ဟု KNLA ဒုစစ်ဦးစီးချုပ်ပြော

နိုင်ငံတော်ကြီး အပြည့်အ၀လွတ်လပ်ရေးရသည်အထိ ညီညီညွတ်ညွတ်တိုက်ပွဲဝင်ကြရန် ဒုတိယဗိုလ်ချုပ်ကြီးစောဘောကျော်ဟဲမှ ရဲဘော်ရဲဘက်​နှင့် ခေါင်းဆောင်များအား တိုက်တွန်းပြောကြားခဲ့သည်။

ဖိနှိပ် အနိုင်ကျင့်မှုများ အဆုံးသတ်ပစ်ရမည်ဟု KNLA ဒုစစ်ဦးစီးချုပ်ပြော
ဖိနှိပ် အနိုင်ကျင့်မှုများ အဆုံးသတ်ပစ်ရမည်ဟု KNLA ဒုစစ်ဦးစီးချုပ်ပြော

လူမျိုးကြီးဝါဒကြောင့်ဖြစ်စေ၊ စစ်အာဏာရှင်တို့ကြောင့်ဖြစ်စေ ခေတ်အဆက်ဆက်ခံစားလာခဲ့ရသော ဖိနှိပ်အနိုင်ကျင့်ခံခဲ့ရမှုများ လူ့အခွင့်အရေးချိုးဖောက်ခံရခြင်းများ ကျွန်ုပ်တို့ခေတ်တွင် အဆုံးသတ်ပစ်ရမည်ဟု ကော်သူးလေ ကရင်အမျိုးသားလွတ်မြောက်ရေးတပ်မတော် (KNLA) ဒုတိယစစ်ဦးစီးချုပ်က ပြောကြားသည်။

ယနေ့ အောက်တိုဘာ(၆)ရက်တွင် ကျရောက်သည့် ထားဝယ်ပြည်သူ့လွတ်မြောက်ရေးတပ်ဖွဲ့(TPLF) တစ်နှစ်ပြည့်အခမ်းအနားသို့ KNLA ဒုစစ်ဦးစီးချုပ် ဒုတိယဗိုလ်ချုပ်ကြီးစောဘောကျော်ဟဲမှ သဝဏ်လွှာပေးပို့ခဲ့ပြီး ထိုသဝဏ်လွှာထဲတွင် တိုက်တွန်းပြောကြားခဲ့ခြင်းဖြစ်သည်။

ရန်သူနှင့် ရင်ဆိုင်တိုက်ပွဲဆင်ရာတွင် ခက်ခဲဆင်းရဲမှုများ ကြုံတွေ့ရမည်မှာ မလွဲဧကန်ပင်ဖြစ်ပြီး ဖိနှိပ်ချုပ်ချယ်မှု၊ အနိုင်ကျင့်ဗိုလ်ကျမှုနှင့် လွမ်းမိုးချုပ်ကိုင်မှုတို့ကို ဖြိုဖျက်ပစ်ရန် ဇွဲနပဲရှိခြင်း၊ စိတ်ရှည်သည်းခံခြင်း၊ ပူးပေါင်းလုပ်ဆောင်ခြင်းရှိရမည်ဖြစ်သလို ဒေသခံလူမျိုးစုများနှင့် ပြည်သူအားလုံးအနေဖြင့် မိမိတို့အခွင့်အရေးအတွက် ပြန်လည်တိုက်ယူနေကြရတာကြောင့် အချင်းချင်းအပြန်အလှန်နားလည်မှုနှင့် လက်တွဲလုပ်ဆောင်မှုရှိကြရန်လည်း လိုအပ်သည်ဟု ဒုတိယဗိုလ်ချုပ်ကြီးစောဘောကျော်ဟဲမှ ဆိုသည်။

ထို့အတူ ဒေသခံလူထုအားလုံးတို့၏ တန်းတူအခွင့်အရေးနှင့် ကိုယ့်ကြမ္မာကိုယ် ဖန်တီးခွင့်တို့ရှိလာစေရန် တော်လှန်နေရခြင်းဖြစ်ပြီး အားလုံးအခွင့်အရေးအတွက် တိုက်ယူရမည်ဖြစ်ကာ တော်လှန်ရေး၏ ရည်မှန်းချက်ပန်းတိုင်များကို မမေ့အပ်ဟု KNLA ဒုစစ်ဦးစီးချုပ်မှ ပြောကြားထားသည်။

နိုင်ငံတော်ကြီး အပြည့်အ၀လွတ်လပ်ရေးရသည်အထိ ညီညီညွတ်ညွတ်တိုက်ပွဲဝင်ကြရန် ဒုတိယဗိုလ်ချုပ်ကြီးစောဘောကျော်ဟဲမှ ရဲဘော်ရဲဘက်​နှင့် ခေါင်းဆောင်များအား တိုက်တွန်းပြောကြားခဲ့သည်။

You May Also Like

သတင်း

နိုဝင်ဘာလ(၂၂)ရက် နံနက်ပိုင်းမှစတင်၍ စစ်ကောင်စီတပ်မှ လက်နက်ကြီးများဖြင့် ဘလက်တိုကျေးရွာအနီးသို့ ပစ်ခတ်ခဲ့ပြီး ညနေသုံးနာရီခွဲခန့်တွင် ဘလက်တိုကျေးရွာအနီး ငါးကန်ဂိတ်သို့ စစ်ကောင်စီတပ်မှ ကြားဖြတ်ထိုးဖောက်နေရာယူကာ ကော်ဘရာစစ်ကြောင်း၏ ရိက္ခာတင်ကားအား တရစပ်ပစ်ခတ်တိုက်ခိုက်ခဲ့သည်ဟု ထုတ်ပြန်ချက်တွင် ဖော်ပြထားသည်။

သတင်း

တောင်ကလေးရဲစခန်း တိုက်ခိုက်ရာတွင် စစ်ကောင်စီတပ်နှင့် ရဲမှအရာရှိများအပါအဝင် ၁၀ဦးခန့် သေဆုံးခဲ့ပြီး လက်နက်ခဲယမ်းများ သိမ်းဆည်းရရှိခဲ့သည်ဟု တိုက်ခိုက်မှုတွင် ပါဝင်သည့် တော်လှန်ရေးတပ်ဖွဲ့ အချို့က အသိပေးထားသည်။

သတင်း

သိမ်းဆည်းရမိ​သောလက်နက်များတွင် လက်နက်ကြီးတစ်လက် ၊စက်လက်များ အပါအဝင် လက်နက်ငယ်များပါရှိသည်ကို သတင်းဓါတ်ပုံများအရသိရသည်။

သတင်း

နိုဝင်ဘာ ၂၁ရက် နံနက်ပိုင်းမှစ၍ စစ်ကောင်စီရဲစခန်းများကို တိုက်ခိုက်ခဲ့ရာ စစ်ကောင်စီတပ်က လေကြောင်း ပစ်ကူ၊ လက်နက်ကြီး ပစ်ကူများဖြင့် တုံ့ပြန်ခဲ့သည့်အပြင် အရပ်သားများ နေထိုင်ရာရွာများကိုပါ ပစ်ခတ်မှုများ လုပ်ဆောင်ခဲ့သည်ဟုဆိုသည်။