မွန်ပြည်နယ် ရေးမြို့တံတားကြီးစစ်ဆေးရေးဂိတ်ကို (၄၀) မမဖြင့် ပစ်ခတ်တိုက်ခိုက်ခဲ့ကြောင်း မွန်အခြေပြု တော်လှန်ရေးအဖွဲ့အစည်း(MSRO) က ပြောသည်။
ယနေ့ (အောက်တိုဘာ ၉ ရက်) နံနက် ၁၀ နာရီ ၄၅ မိနစ်ခန့်က ရေးမြို့အဝင် တံတားကြီးစစ်ဆေးရေးဂိတ်ကို (၄၀)မမဗုံးသီးဖြင့် ပစ်ခတ်တိုက်ခိုက်ခဲ့ခြင်းဖြစ်ပြီး စစ်ကောင်စီတပ်မှ သုံးဦးထိခိုက်ကာ နှစ်ဦးမှာဒဏ်ရာပြင်းထန်သည်ဟု MSRO က ဆိုသည်။
“တံတားကြီးဂိတ်ကို (၄၀)မမနဲ့ကျုံးတာ။ ဂိတ်ထဲ ပေါက် ကွဲ၊ သီတင်းကျွတ် ဗြောက်အိုးဖောက်တာပါ။ တော်လှန်သီတင်းကျွတ်အနေနဲ့ တော်လှန် မမ နဲ့ပစ်တာ”ဟု MSRO မှ တော်လှန်ရေးရဲဘော်တစ်ဦးက ပြောသည်။
အထက်ပါ တံတားကြီးစစ်ဆေးရေးဂိတ်အား ရေးဘီလူးအဖွဲ့က ပြီးခဲ့သည့် သြဂုတ်အတွင်း အနီးကပ်ပစ်ခတ်တိုက်ခိုက်ခဲ့ရာ စစ်ကောင်စီတပ်မှ ငါးဦးသေဆုံးပြီး ကိုးဦးထိခိုက်ဒဏ်ရာရခဲ့သည်။
Public Service Announcement
