ဝင်ငွေရပေါက်ရလမ်းတစ်ခုဖြစ်တဲ့ ကျောက်မျက်ရတနာပြပွဲကို အခုလ လယ်ပိုင်း နေပြည်တော်မှာ စစ်ကောင်စီက ကျင်းပဖို့စီစဉ်နေပါတယ်။
ဒီနှစ်ရဲ့နှစ်လယ်ကျောက်မျက်ပြပွဲအဖြစ် အောက်တိုဘာလ ၁၉ ရက်ကနေ အောက်တိုဘာလ ၂၅ ရက်အထိ တပတ်ကြာ ကျင်းပမယ်လို့သိရပါတယ်။
အဲဒီကျောက်မျက်ပြပွဲမှာပုလဲ ၊ကျောက်မျက်ရတနာနဲ့ ကျောက်စိမ်း တွေရောင်းချမှာဖြစ်ပြီး ယူရိုငွေ ၊ဒေါ်လာ ၊ ယွမ် ၊ဘတ်ငွေတို့နဲ့ပေးချေနိုင်မှာဖြစ်ပါတယ်။
အာဏာသိမ်းပြီးနောက် စစ်ကောင်စီက လုပ်တဲ့ကျောက်မျက်ပြပွဲတွေမှာ ဝယ်ယူပြီးနောက် ငွေအကြေမပေးတဲ့ ကျောက်မျက်ကုန်သည်တွေရှိခဲ့တယ်လို့သိရပါတယ်။
Public Service Announcement
ဒါကြောင့် ဒီတခေါက် ကျောက်မျက်ပြပွဲမှာ ဝယ်ယူတဲ့ကုန်သည်တွေဟာ တန်ဖိုးကို သတ်မှတ်ရက်အတွင်းပေးချေရမယ်လို့စစ်ကောင်စီက ဆိုထားပါတယ်။
စစ်ကောင်စီဟာ အာဏာသိမ်းပြီးနောက် နိုင်ငံခြားဝင်ငွေ ရလမ်းတစ်ခုဖြစ်တဲ့ကျောက်မျက် ပြပွဲတွေကို နေပြည်တော်မှာ ကျင်းပတာရှိခဲ့ပါတယ်။
ဒါပေမယ့်စစ်ကောင်စီရဲ့ကျောက်မျက်ပြပွဲတွေဟာ သပိတ်မှောက်ခံရတာကြောင့် ထင်သလောက်မအောင်မြင်ဘူးလို့ သိရပါတယ်။
