မြို့သိမ်းတိုက်ပွဲများပြုလုပ်မည်ဖြစ်၍ အထပ်မြင့်အဆောက်အဦးများတွင် တိုက်ပွဲဖော်ဆောင်မည့် အနောက်ပိုင်းတိုင်း အခြေစိုက် တပ်မဟာ၇၊ တပ်ရင်း ၇၀၃၊ အထူးတိုက်ခိုက်ရေးကွန်မန်ဒိုတပ်ဖွဲ့ ၏ လေ့ကျင့်နေမှုများကို ယနေ့ထုတ်ပြန်လိုက်သည်။
အဆိုပါ တပ်ရင်း၏ ကွန်မန်ဒိုတပ်ဖွဲ့သည် မြို့ပြစစ်ဆင်ရေးနှင့် စခန်းသိမ်းတိုက်ပွဲများဖော်ဆောင် ရည်ရွယ်လေ့ကျင့်နေခြင်းဖြစ်ကြောင်းလည်း တပ်ရင်း (၇၀၃)က ထုတ်ပြန်သည်။
“ကွန်မန်ဒို သင်ခန်းစာတွေကို ဇူလှိုင်လကတည်းက ပြင်ဆင်နေတာပါ။ ဒီသင်ခန်းစာတွေက အချိန်ကော၊ငွေကော ရင်းနှီးပြီး လေ့ကျင့်သင်ကြားပေးရတာပါ။ ဒီတပ်ဖွဲ့က ကျွန်တော်တပ်ရင်းက မကြာခင်ဖော်ဆောင်မယ့် မြို့ပြတိုက်ပွဲတွေအတွက် ရည်ရွယ်ထားတာပါ”ဟု တပ်ရင်း (၇၀၃) တပ်ရင်းမှူး ကိုစိုးမိုးက ပြောသည်။
ထို့အပြင် ကွန်မန်ဒိုတပ်ဖွဲ့သည် အချိန်ယူလေ့ကျင့်သင်ကြားပေးရသည့် အထူးတပ်ဖွဲ့ဖြစ်၍ မိဘပြည်သူများ၏ ကူညီထောက်ပံ့မူများမှာ မရှိမဖြစ် လိုအပ်သည်ဟုလည်း တပ်ရင်း (၇၀၃)က ထုတ်ပြန်ထားသည်။
Public Service Announcement
လက်ရှိတွင် သင်တန်းအတွက် လက်နက်ခဲယမ်းနှင့် ဘဏ္ဘာရေးဆိုင်ရာ အခက်အခဲများရှိနေ၍ ပါဝင်ကူညီပေးကြရန်လည်း တပ်ရင်း(၇၀၃)က မေတ္တာရပ်ခံထားသည်။
အနောက်ပိုင်းအခြေစိုက် တပ်မဟာ (၇)၊ တပ်ရင်း (၇၀၃)သည် မကွေးတိုင်းအခြေစိုက်ပြည်သူ့ကာကွယ်ရေးတပ်မတော်တစ်ခုဖြစ်ပြီး NUG ကာကွယ်ရေးဝန်ကြီးဌာနလက်အောက်ခံတပ်ရင်းတစ်ခုဖြစ်သည်။
