ဖားကန့်ဗုံးကြဲမှုကို တံတားဦး​လေတပ်စခန်းမှ တိုက်​လေယာဥ်သုံးစီး ပြုလုပ်ခဲ့ခြင်းဖြစ်

ဖားကန့်မြို့နယ်တွင်ယမန်​နေ့ညက အနုပညာရှင်များအပါအဝင်ပြည်သူဆယ်နှင့်ချီ​​သေဆုံး​စေခဲ့​သော ဗုံကြဲတိုက်ခိုက်မှုကို စစ်​ကောင်စီ၏ တံတားဦး​လေတပ် မှတိုက်​လေယာဥ်သုံးစီးက ပြုလုပ်ခဲ့တာလို့ ​လေ​ကြောင်းသတင်းအချက်အလက်​တွေ​ဖော်ပြ​ပေး​နေတဲ့ ရင်းမြစ်​များထံမှသိရသည်။

ကချင်ပြည်နယ်၊ဖားကန့်မြို့နယ်တွင်KIA ၏တပ်မဟာ ၉ နယ်​မြေတွင်KIOတည်​ထောင်ခြင်း ၆၂ နှစ်​မြောက်အထိန်းအမှတ်​နေ့အကြိုပွဲပြုလုပ်၍​တေးသီချင်းများဖြင့် ဖျော်​ဖြေ​နေစဥ် ယမန်​နေ့ (​အောက်တိုဘာ ၂၃ )ည ၈ နာရီခွဲဝန်းကျင်တွင်စစ်​ကောင်စီတပ်၏ တိုက်​လေယာဥ်သုံးစီးကလာ​ရောက်ဗုံးကျဲခဲ့ခြင်းဖြစ်သည်။အခမ်းအနားအတွင်းဗုံးကျဲတိုက်ခိုက်ခံရသဖြင့်ကချင်တိုင်းရင်းသားနာမည်​ကျော် အနုပညာရှင်များအပါအဝင် ပြည်သူ ၅၀ ​ကျော်​သေဆုံး၍ ၅၀ ခန့်​သေဆုံးခဲ့​ကြောင်း ​​ဒေသခံအချို့က People’s Spring သို့​ပြောသည်။

စစ်​ကောင်စီ​၏ ​လေ​ကြောင်းအချက်အလက်များကိုစုစည်း​ဖော်ပြ​ပေး​နေ​သော Enemy Air Route Channel (EAR)၏ အချက်အလက်များအရ တံတားဦးလေတပ်စခန်းမှ ယမန်​နေ့ည ၇ နာရီ ၄၅ မိနစ်တွင်Jet Fighter ၂ စင်း စတင်ထွက်ခွာပျံသန်းလာပြီး ​နောက်သုံးမိနစ်အကြာတွင် ​​အခြားဂျက်ဖိုက်တာတစ်စီးထပ်မံထွက်ခွာလာခဲ့ခြင်းဖြစ်​ကြောင်း​ဖော်ပြထားသည်

အဆိုပါဂျက်ဖိုက်တာသုံးစီးသည် ည ၈ နာရီ ၅ မိနစ်တွင်ထီးချိုင့်မြို့ ကိုဖြတ်သန်း၍ ​မြောက်ဖက်သို့ဆက်လက်ပျံသန်းသွားခဲ့ခြင်းဖြစ်သည်။ထို​​​​နောက် နာရီဝက်ခန့်အကြာတွင် ဖားကန့်မြို့နယ်တွင်ဗုံးကျဲပြီးတံတားဦး​​လေတပ်စခန်းကိုပင် ပြန်သွားခြင်းဖြစ်သည်။

Public Service Announcement

ထိုဂျက်ဖိုက်တာ​လေယာဥ်သုံးစင်းသည် ယမန်​နေ့ည ၉ နာရီ ၁၂ မိနစ်တွင်တစ်စီး ၊ ၉ နာရီ ၁၇ မိနစ်တွင်တစ်စီး ၊ ၉ နာရီ ၁၉ မိနစ်တွင်တစ်စီးတံတားဦး​လေတပ်စခန်းသို့ပြန်လည်​ရောင်ရှိခဲ့​ကြောင်းEAR ၏ အချက်အလက်များအရသိရသည်။

ဖားကန့်မြို့နယ်မှ​​ဒေသခံများကလည်းယမန်​နေ့ညတွင် တိုက်​လေယာဥ်သုံးစင်းဖြင့်လာ​ရောက်ဗုံကြဲတိုက်ခိုက်ခံရခြင်းဖြစ်​ကြောင်းအတည်ပြု​ပြောကြားသည်။

​စစ်​ကောင်စီတပ်က ​အောက်တိုဘာ ၂၃ ရက်တွင် အထူးစစ်ဆင်​ရေးအဖြစ် တံတားဦး​လေတပ်တွင် ပြင်ဆင်ခဲ့ခြင်းဖြစ်​ကြောင်း​စစ်​ကောင်စီတပ်နှင့်နီးစပ်​သောသတင်းရင်းမြစ်အချို့က​ပြောသည်။ စစ်​ကောင်စီတပ်အတွက် တံတားဦး​လေတပ်စခန်းမှာ အဓိကအကျဆုံး​လေတပ်အ​ခြေစိုက်စခန်းတစ်ခုဖြစ်ပြီး ၊​ ရခိုင်ပြည်နယ်တွင် AA ကို​လေ​ကြောင်းတိုက်ခိုက်ရာတွင် အဓိကတာဝန်ယူတိုက်ခိုက်​နေ​သော​လေတပ်စခန်းဖြစ်သည်။ ယခု​နောက်ပိုင်းတွင် AA ကိုသာမက အထူးစစ်ဆင်​ရေးများတွင် အခြား​ဒေသများကိုပါ ထို​လေတပ်စခန်းမှ တိုက်​လေယာဥ်များက လိုက်လံတိုက်ခိုက်လာခြင်းဖြစ်​ကြောင်း စစ်တပ်တွင်းသတင်းရင်းမြစ်အချို့က​ပြောသည်။

စစ်​ကောင်စီတပ်က ​လေတပ်အထူးစစ်ဆင်​ရေးဇုန်အဖြစ် တံတားဦး​လေတပ်စခန်း၊​မှော်ဘီ​လေတပ်စခန်းနှင့် ​တောင်ငူ​လေတပ်စခန်းတို့ကို ယခုလပိုင်းအတွင်းအသုံးပြု​နေပြီး တံတားဦး​လေတပ်စခန်းတွင် ရုရှား​​လေတပ်မှလေယာဥ်​မောင်းအချို့နှင့်စက်ပြင်ဆရာအချို့ပင် ​ရောက်ရှိ​နေ​ကြောင်းစစ်တပ်သတင်းရင်းမြစ်အချို့က​ပြောသည်။