စစ်ကိုင်းတိုင်း၊ မြောင်မြို့နယ်၊ ပရိမ္မကျေးရွာအား စစ်ကောင်စီတပ်က လက်နက်ကြီးများဖြင့်ပစ်ခတ်ဝင်ရောက်စီးနင်းနေပြီး ဒေသခံပြည်သူအများအပြားပိတ်မိနေကြောင်း ဒေသခံများက ပြောသည်။
ယနေ့ (အောက်တိုဘာ ၂၈ ရက်) နံနက် ၆နာရီဝန်းကျင်က မြောင်မြို့နယ်၊ ပရိမ္မရွာကို ကျောက်ရစ်စခန်းမှ စစ်ကောင်စီတပ်များက (၄၀)မမ၊(၆၀)မမများဖြင့် ဝင်ရောက်ပစ်ခတ်စီးနင်းနေခြင်းဖြစ် ကြောင်း ဒေသခံများက ပြောသည်။
“ပရိမ္မကို ကျောက်ရစ်စခန်းက စစ်ကောင်စီတပ် တွေ ဝင်ရောက်စီးနင်းခြင်းခံရတယ်။ ပြည်သူအများအပြားလဲပိတ်မိနေကြောင်းသိရပါတယ် “ဟု ကိုနွေဦးမြောင်က ပြောသည်။
နံနက် ၈ နာရီဝန်းကျင်တွင် MI 35 တစ်စီး ပရိမ္မကျေးရွာပေါ် ဝဲနေပြီး Mi 35တစ်စီးနှင့် MI 17 နှစ်စီးသည် ပရိမ္မအနီး၌ စစ်ကောင်စီတပ်ဖွဲ့ဝင် များအား မြေပြင်သို့ချနေကြောင်း Myaung Union Armyအဖွဲ့ဝင် ကိုတိုက်ဂါးက အသိပေးသည်။
Public Service Announcement
“ပရိမ္မဘက်ကနေ လက်နတ်ကြီးသံတွေအဆက်မပြတ် ကြားနေရတယ်”ဟု ဒေသခံတစ်ဦးက ပြောသည်။
နံနက် ၈ နာရီ၁၅ ဝန်းကျင်တွင် MI17 နှစ်စီးသည် မုံရွာ(နမခ)ဘက်သို့ ပြန်လည်ထွက်ခွာသွားကြောင်း ဒေသခံများက ပြောသည်။
စစ်ကောင်စီတပ်သည် မြောင်နယ်အတွင်းရှိ ကျေးရွာများအား စစ်ကြောင်းထိုးဖျက်ဆီးမှုများ ပြုလုပ်နေ၍ ဒေသခံများ မကြာခဏ ထွက်ပြေးတိမ်းရှောင်နေရသည်။
စစ်ကောင်စီတပ်အား တော်လှန်တိုက်ခိုက်မှုအား ကောင်းသည့် မြောင်နယ်တွင် ယမန်နေ့က မြောင်မြို့ပေါ်ရှိ မြန်မာ့စီးပွားရေးဘဏ် အစောင့်စစ် ကောင်စီတပ်ဖွဲ့ဝင်များအား ဒေသကာကွယ်ရေးအဖွဲ့တစ်ဖွဲ့က ဝင်ရောက်တိုက်ခိုက်ခဲ့ရာ လေးဦးထက်မနည်း သေဆုံးခဲ့သည်။
