Connect with us

Hi, what are you looking for?

LuduNwayOo

သတင်း

ခင်ဦးနယ် ပင်စိမ်းကင်းရွာတွင် စစ်ကောင်စီတပ်နှင့် ထိတွေ့ပစ်ခတ်မှုဖြစ်၊ စစ်အုပ်စုက လေကြောင်းမှ ပစ်ခတ်တိုက်ခိုက်

ယနေ့ (နိုဝင်ဘာ၂၃ ရက်) မွန်းလွဲပိုင်းက ခင်ဦးမြို့နယ် ပင်စိမ်းကင်းရွာအတွင်း ဝင်ရောက်ပစ်ခတ်နေသော စစ်ကောင်စီတပ်နှင့် ဒေသတွင်းတော်လှန်ရေးအင်အားစုများ တိုက်ပွဲဖြစ်ပွားခဲ့သည်။

စစ်ကိုင်းတိုင်းအတွင်း လေကြောင်းတိုက်ခိုက်မှု ပြုလုပ်စဥ်ကတွေ့ရသည့် ရဟတ်ယာဥ်တစ်စီး၊ ဓာတ်ပုံ-Cj
စစ်ကိုင်းတိုင်းအတွင်း လေကြောင်းတိုက်ခိုက်မှု ပြုလုပ်စဥ်ကတွေ့ရသည့် ရဟတ်ယာဥ်တစ်စီး၊ ဓာတ်ပုံ-Cj

▪️စစ်အုပ်စု၏ လက်နက်ကြီးမှန်၍ ပြည်သူတစ်ဦးသေဆုံး၊ စစ်အုပ်စုက မုံလှရွာကို မီးရှို့နေ

စစ်ကိုင်းတိုင်း၊ ခင်ဦးမြို့နယ် ပင်စိမ်းကင်းကျေးရွာတွင် စစ်ကောင်စီတပ်နှင့် ဒေသတွင်းတော်လှန်ရေးအဖွဲ့များ ထိတွေ့တိုက်ပွဲဖြစ်ပွားပြီး စစ်ကောင်စီဘက် က အထိအခိုက်များကြောင်း ဒေသတွင်းသတင်းရင်းမြစ်များက ပြောသည်။

ယနေ့ (နိုဝင်ဘာ၂၃ ရက်) မွန်းလွဲပိုင်းက ခင်ဦးမြို့နယ် ပင်စိမ်းကင်းရွာအတွင်း ဝင်ရောက်ပစ်ခတ်နေသော စစ်ကောင်စီတပ်နှင့် ဒေသတွင်းတော်လှန်ရေးအင်အားစုများ တိုက်ပွဲဖြစ်ပွားခဲ့သည်။

စစ်ကောင်စီတပ်ဖွဲ့ဝင်များ ကျဆုံးမှုရှိပြီး တော်လှန် ရေးရဲဘော်အချို့ ထိခိုက်ဒဏ်ရာ ရရှိခဲ့ကြောင်း၊ အရပ်သားပြည်သူတစ်ဦး လက်နက်ကြီးထိမှန်ကာ သေဆုံးခဲ့ကြောင်း Spring Specisl Task Force-MRDAခွဲ K.Uအဖွဲ့က အသိပေးသည်။

Public Service Announcement
Public Service Announcement

ထို့အပြင် မွန်းလွဲ ၂နာရီခန့်တွင် ပင်စိမ်းကင်းကျေးရွာနှင့် မုံလှကျေးရွာအနီးတဝိုက်သို့ မုံရွာ (နမခ) မှMI35 ရဟတ်ယာဥ်နှင့်ပစ်ခတ်ခဲ့ကြောင်း၊ ထို့နောက် စစ်ကောင်စီတပ်သည် ညနေ ၃နာရီ မိနစ်၄၀ခန့်တွင် မုံလှရွာအတွင်းသို့ ဝင်ရောက်မီးရှို့ဖျက်ဆီးမှုများ ပြုလုပ်နေကြောင်း SSTFအဖွဲ့က ထပ်မံအသိပေးသည်။

“အကြမ်းဖက်စစ်ကောင်စီနဲ့ ဒေသခံတော်လှန်ရေး ရဲဘော်များ ထိတွေ့မှု ဖြစ်ပြီး စခ များ အကျဆုံး များတယ်လို့ သိရပါတယ်။ အရေအတွက်မသိရသေးပါဘူး ။ဒေသခံ တော်လှန်ရေး ရဲဘော်များလည်း ထိခိုက်မှု၊ကျဆုံးမှု အနည်းငယ် ရှိနိုင်ပါတယ်။ နောက်တစ်ကြိမ် ထပ်မံပစ်ခတ်မှာ စိုးလို့ မြေပြင် အသေးစိတ် အချက်အလက်များ မသိရသေးပါ ဘူး”ဟု ခင်ဦးနယ် ဒေသခံကာကွယ်ရေး မဟာမိတ်အင်အားစု KURDAF အဖွဲ့ တာဝန်ခံက ပြောသည်။

ယနေ့မွန်းလွဲ ၂နာရီခန့်က မုံရွာ(နမခ)မှ တက်လာသော Mi-35တစ်စီးသည် ခင်ဦးမြို့နယ် မုံလှ၊ သာဝတ္ထိ၊ ပင်စိမ်းကင်းစသည့် ကျေးရွာများတဝိုက်၌ လေကြောင်းပစ်ခတ်မှု ၁နာရီခန့် ပြုလုပ် သွားပြီး ပြည်သူနှစ်ဦးထက်မနည်း ထိမှန်ထားသည်။

You May Also Like

သတင်း

ယမန်နေ့(နိုဝင်ဘာ ၂၈ ရက်)နံနက် ၉နာရီခွဲခန့်က ဝက်လက်မြို့နယ်၊ သားနားကျေးရွာမှ ထွက်လာသော အင်အား ၇၀ခန့်ပါ စစ်ကောင်စီတပ်စစ်ကြောင်းအား ပြင်းအားမြင့် မိုင်းနှစ်လုံးဖြင့် ဖောက်ခွဲတိုက်ခိုက်ခဲ့ရာ စစ်ကောင်စီတပ်သား ငါးဦးထက်မနည်း ထိခိုက်သေဆုံးနိုင်ပြီး အများအပြားထိခိုက်ဒဏ်ရာရရှိသွားကြောင်း BLACK WOLF -ARMY (PDF)အဖွဲ့ တာဝန်ခံက ပြောသည်။

သတင်း

ဆူးပုတ်ချောင်ရွာကို စစ်ကောင်စီတပ် မီးရှို့ပြီးနောက် နိုဝင်ဘာ ၂၇ရက်တွင် ဒေသခံ ပြည်သူ့ကာကွယ်ရေးတပ်များက စစ်ကောင်စီတပ်ကို ခုခံတိုက်ခိုက်ခဲ့ရာ တိုက်ပွဲပြင်းထန်ခဲ့ပြီး စစ်ကောင်စီတပ်က လေကြောင်းပစ်ကူဖြင့်တိုက်ခိုက်ခဲ့သည်။

သတင်း

စစ်ကောင်စီတပ်သားများအငိုက်မိပြီး စစ်သား၃ဦး သေဆုံးကာ အများအပြား ဒဏ်ရာရရှိသွားကြောင်း SBDF အဖွဲ့က ထုတ်ပြန်ခဲ့သည်။

သတင်း

စစ်တပ်ဟာ ၂၀၂၁ ဖေဖော်ဝါရီ အာဏာသိမ်းဖို့ကြိုးပမ်းစဥ်ကစလို့ ဖြတ်လေးဖြတ်မဟာဗျူဟာကို ကျင့်သုံးခဲ့ရာ မြို့နယ်ပေါင်း ၂၀ ကျော်ကို အင်တာနက်ဖြတ်တောက်တာ၊ နိုင်ငံသားဆိုင်ရာအခန်းကဏ္ဍဆုတ်ယုတ်​စေတာ အပါအဝင် များပြားလှတဲ့အရေးယူကန့်သတ်မှုတွေကို လုပ်ခဲ့ပါတယ်။