Connect with us

Hi, what are you looking for?

LuduNwayOo

သတင်း

ဖားကန့်တွင် စစ်ကောင်စီက လက်နက်ကြီးဖြင့်အကြောင်းမဲ့ပစ်ခတ်

ဖားကန့်မြို့နယ် မဇွပ်ယန်ကျေးရွာရှိ အကျဥ်းထောင်တွင် တပ်စွဲထားသည့် စစ်ကောင်စီတပ်က မှော်ပုံကျေးရွာသို့ လက်နက်ကြီးဖြင့် ပစ်ခတ်ခြင်းဖြစ်သည်။

(စစ်ကောင်စီတပ် ပစ်ခတ်မှုကြောင့် ဘုရားကျောင်းအတွင်းမှ ဒဏ်ရာရရှိသူများအား သယ်ဆောင်လာစဥ်နှင့် ထိခိုက်ပျက်စီးမှုအား တွေ့ရစဥ်၊ ဓာတ်ပုံ - Tin Hlaing/FB)
(စစ်ကောင်စီတပ် ပစ်ခတ်မှုကြောင့် ဘုရားကျောင်းအတွင်းမှ ဒဏ်ရာရရှိသူများအား သယ်ဆောင်လာစဥ်နှင့် ထိခိုက်ပျက်စီးမှုအား တွေ့ရစဥ်၊ ဓာတ်ပုံ - Tin Hlaing/FB)

လူနေရပ်ကွက်နှင့် ဘုရားကျောင်းပေါ်ကျရောက်ပေါက်ကွဲ၍ တစ်ဦးသေဆုံးပြီး ကလေးငယ်အပါအဝင် ခြောက်ဦးဒဏ်ရာရ

ကချင်ပြည်နယ် ဖားကန့်မြို့တွင် တိုက်ပွဲမဖြစ်ပွားဘဲ စစ်ကောင်စီတပ်က လက်နက်ကြီးဖြင့် အကြောင်းမဲ့ပစ်ခတ်ရာ လူနေရပ်ကွက်အတွင်းနှင့် ဘုရားကျောင်းပေါ်ကျရောက်ပေါက်ကွဲ၍ ကလေးငယ်အချို့အပါအဝင် ခြောက်ဦးဒဏ်ရာရခဲ့ပြီး တစ်ဦးသေဆုံးသွားသည်။

ဖားကန့်မြို့နယ် မဇွပ်ယန်ကျေးရွာရှိ အကျဥ်းထောင်တွင် တပ်စွဲထားသည့် စစ်ကောင်စီတပ်က မှော်ပုံကျေးရွာသို့ လက်နက်ကြီးဖြင့် ပစ်ခတ်ခြင်းဖြစ်သည်။

(စစ်ကောင်စီတပ် ပစ်ခတ်မှုကြောင့် ဘုရားကျောင်းအတွင်းမှ ဒဏ်ရာရရှိသူများအား သယ်ဆောင်လာစဥ်နှင့် ထိခိုက်ပျက်စီးမှုအား တွေ့ရစဥ်၊ ဓာတ်ပုံ - Tin Hlaing/FB)
(စစ်ကောင်စီတပ် ပစ်ခတ်မှုကြောင့် ဘုရားကျောင်းအတွင်းမှ ဒဏ်ရာရရှိသူများအား သယ်ဆောင်လာစဥ်နှင့် ထိခိုက်ပျက်စီးမှုအား တွေ့ရစဥ်၊ ဓာတ်ပုံ – Tin Hlaing/FB)

” လက်နက်ကြီး လေးလုံးတောင်ပစ်တာ။ ရပ်ကွက်ထဲပစ်ချတာ ။ဘုရားကျောင်းမှာ စာသင်နေတဲ့ ကလေးတွေ ထိကုန်တယ်။ လူမဆန်တဲ့ စ…(စစ်ကောင်စိတပ်သား)တွေကို တစ်နိုင်ငံလုံး မောင်းထုတ်ပေးကြပါ” ဟု ဖားကန့်ဒေသခံတစ်ဦးက ပြောသည်။

စစ်ကောင်စီတပ်ပစ်ခတ်မှုကြောင့် မှော်ပုံကျေးရွာအတွင်း နေအိမ်တစ်အိမ်မှ အသက် (၂၈)နှစ်အရွယ်အမျိုးသမီးတစ်ဦး၊ ဘုရားကျောင်းအတွင်းမှ အသက် (၅)နှစ်နှင့် (၁၃)နှစ်အရွယ် ကလေးငယ်နှစ်ဦး၊ အသက် (၁၉)နှစ်မှ (၄၉)နှစ်ကြား ဆရာမသုံးဦးနှင့် အသက် (၅၂)နှစ်အရွယ်အမျိုးသားတစ်ဦး ဒဏ်ရာရခဲ့သည်။ အသက် (၅၂)နှစ်အရွယ်အမျိုးသားမှာ ဆေးကုသပေးနေစဥ် ယနေ့ ညနေ ၆နာရီခန့်တွင် သေဆုံးသွားသည်ဟု ဒေသခံများက ပြောသည်။

Public Service Announcement

Public Service Announcement

စစ်ကောင်စီတပ်သည့် ယနေ့ နေ့လယ် ၁၂နာရီခန့်ကလည်း ဖားကန့်မြို့နယ် မှော်စီစာကျေးရွာရှိ စိန်စိန်ကျောက်စိမ်းတူးဖော်ရေးလုပ်ကွက်ကို ဝင်ရောက်စီးနင်းပြီး ဆီဘောက်ဆာယာဥ်များနှင့် စက်ယန္တယားအချို့ကို မီးရှို့ဖျက်ဆီးခဲ့သည်။

ဆက်စပ်သတင်းများ

သတင်း

TNLA နှင့် မဟာမိတ် ကိုးကန့်တပ်ဖွဲ့(MNDAA) တို့သည် ဇူလိုင် ၁၄ရက်ည ၁၂နာရီမှ ဇူလိုင် ၁၈ရက် ည ၁၂နာရီအထိ ၄ရက်တာ တစ်ဖက်သတ်အပစ်ရပ်ထားခြင်းဖြစ်သည်။

သတင်း

တရုတ်နိုင်ငံ၏ စိုးရိမ်ချက်အရ ဇူလိုင် ၁၄ရက်ည ၁၂နာရီမှ ၁၈ရက် ည ၁၂နာရီအထိ အပစ်ရပ်ထားမည်ဟု ကိုးကန့်တပ် MNDAA က ယမန်နေ့က ထုတ်ပြန်သည်။

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။