မကွေးတိုင်း၊ ပေါက်မြို့အဝင်ရှိ စစ်ကောင်စီတပ်နှင့်ရဲများအထိုင်ချစစ်ဆေးနေသောဂိတ်ကို ယမန်နေ့ညက ဝင်ရောက်တိုက်ခိုက်ရာ စစ်အုပ်စုထိခိုက်မှုရှိကြောင်း မြိုင်(ပကဖ) ခေါင်းဆောင် ကိုလယျာ်က ပြောကြားသည်။
ယမန်နေ့ (ဖေဖော်ဝါရီ ၃ ရက်) ည ၉ နာရီကျော်က ပေါက်မြို့အဝင် အိမ်တွင်းစက်မှုလက်မှုအတက်သင်ကျောင်းရှေ့ရှိ စစ်ကောင်စီတပ်နှင့်ရဲများ၏ စစ်ဆေးရေးဂိတ်ကို သွားရောက်တိုက်ခိုက်ခဲ့ကြောင်း ကိုလယျာ်က ပြောသည်။
ည ၁၀နာရီခွဲခန့်တွင် ဝင်ရောက်တိုက်ခိုက်ရာ ဂိတ်ရှိ စစ်ကောင်စီတပ်နှင့်ရဲများ ထွက်ပြေးသွားပြီး စုရပ်တစ်နေရာအရောက်တွင် လက်နက်ကြီး၊ လက်နက်ငယ်ဖြင့် ပြန်လည်ပစ်ခတ်ခဲ့ရာ ထိတွေ့တိုက်ပွဲ ၁နာရီကျော်ကြာမြင့်ခဲ့ကြောင်း ၎င်းက ပြောသည်။
စစ်ကောင်စီတပ်ဖွဲ့ဝင် အများအပြား ထိခိုက်ဒဏ်ရာရရှိနိုင်ကြောင်း၊ အဆိုပါစစ်ဆင်ရေးကို ပေါက်မြို့နယ်က ဗိုလ်တစ္ဆေအဖွဲ့၊ ပေါက်ကျေးရွာ ကာကွယ်ရေးအဖွဲ့များ၊ မြိုင်(ပကဖ) ရင်း-၁ တို့ ပူးပေါင်းတိုက်ခိုက်ခဲ့ကြောင်း အသိပေးထားသည်။
Public Service Announcement
ထို့အပြင် ဇန်နဝါရီ ၃၀ရက်က ပေါက်မြို့နယ်၊ ဖလံကိုင်းရေနံမှော်သို့ ရိက္ခာပို့လာသောစစ်ကြောင်းသည် ရပ်ရွာကာကွယ်ရေးအဖွဲ့ (BLY) ၏ ကင်းတဲ(၂)ခု၊ စာသင်ကျောင်းတစ်ခုနှင့် လူနေအိမ် ငါးလုံးခန့်မီးရှို့ဖျက်ဆီးခဲ့ကြောင်း ၎င်းစစ်အုပ်စုကို ဒရုန်းဖြင့် အီနာဂါ ခြောက်လုံးချတိုက်ခိုက်ရာ စစ်ကောင်စီဘက်ကအထိအခိုက်ရှိကြောင်း Anonymous Special Task Force-Pauk နှင့် BLYအဖွဲ့က ထုတ်ပြန်ထားသည်။
