သမီးဖြစ်သူက မြန်မာပြည်ပြန်ခွင့်မပေးတဲ့အတွက် အသက် ၅၆ နှစ်အရွယ်မြန်မာအမျိုးသားကြီးတစ်ဦးဟာ ထိုင်းနိုင်ငံက တိုက်ခန်း ဝရံတာမှာ ကြိုးဆွဲချပြီး မနေ့ ညပိုင်းက အဆုံးစီရင်သွားတယ်လို့ ဘန်ကောက်ပို့စ်သတင်းစာကဖော်ပြပါတယ်။
အဆုံးစီရင်သွားသူ ဦးစောအောင်ထွန်းသိန်းဟာ ဘန်ဖလိ ခရိုင်အတွင်း သမီးဖြစ်သူနဲ့အတူ နေထိုင်သူဖြစ်ပါတယ်။
သမီးဖြစ်သူ အလုပ်က ပြန်လာချိန်မှာ ဖခင်ကြိုးဆွဲချသေဆုံးနေတာကိုတွေလိုက်ရတာပါ။ ထိုင်းရဲတွေက ဦးစောအောင်ထွန်းသိန်းဟာ မနေ့ည ၉ နာရီဝန်းကျင်မှာသေဆုံးတာလို့တွက်ဆထားပါတယ်။
အလောင်းကိုတွေ့ချိန် တိုက်ရှေ့ဝရံတာမှာ အစိမ်းရောင် နိုင်လွန်ကြိုးနဲ့ ကြိုးဆွဲချထားပြီးလက်၂ ဖက်ကိုလည်းကြိုးတုပ်ထားတာတွေ့ရပါတယ်။
ကိုယ်ခန္ဓာမှာ ပြင်ပဒဏ်ရာ တစုံတရာမတွေ့ရဘူးလို့လည်းသိရပါတယ်။
သမီးဖြစ်သူရဲ့ပြောပြချက်အရ ဦးစောအောင်ထွန်းသိန်းဟာ လအတန်ကြာ အလုပ်လက်မဲ့ဖြစ်နေလို့ စိတ်ဓာတ်ကျနေတယ်လို့သိရပါတယ်။
မြန်မာပြည်ကို ပြန်ချင်နေပေမယ့် မိသားစုဝင်တွေအားလုံး ထိုင်းမှာရှိနေတဲ့အတွက် သမီးဖြစ်သူက ပြန်ခွင့်မပေးခဲ့တာလို့ ဘန်ကောက်ပို့စ်ကဆိုထားပါတယ်။
