ဂုဏ်သိက္ခာမဲ့၊ စဉ်းစားချင့်ချိန်မှုမဲ့စွာဖြင့် ရာဇဝတ်ပြစ်မှု မြောက်များစွာ ကျူးလွန်လျက်ရှိသော စစ်ကောင်စီအား အမြစ်ပြတ်သည်အထိ စည်းလုံးမှုဖြင့် တော်လှန် တိုက်ထုတ်ကြရန် တော်လှန်ရေးအင်အားစုများအား တိုက်တွန်းနှိုးဆော်ကြောင်းအရှိုချင်းကာကွယ်ရေးတပ်(ACDF)ကယနေ့ ထုတ်ပြန်သည်။
ချင်းပြည်နယ် ဝေဘူလမြို့ နှင့် စစ်ကိုင်းတိုင်း ကန့်ဘလူမြို့နယ် ပဇီကြီးရွာအား စစ်ကောင်စီက လေကြောင်း တိုက်ခိုက်ခဲ့မှု အပေါ် ပြင်းထန်စွာရှုံ့ချကြောင်း ACDFက ထုတ်ပြန်ခဲ့ရာ အထက်ပါအတိုင်း တိုက်တွန်းခဲ့ခြင်းဖြစ်သည်။ ဧပြီ ၁၀ရက်က ဝေဘူလမြို့ လေကြောင်း တိုက်ခိုက်ခံရမှုကြောင့် ကလေးငယ်နှင့် အမျိုးသမီးများ အပါအဝင် ၉ဦး သေဆုံးခဲ့ပြီး ၄ဦး ဒဏ်ရာရခဲ့သည်။ ယနေ့ ဧပြီ ၁၁ရက်တွင် ပဇီကြီးရွာအား စစ်ကောင်စီတပ် လေကြောင်း တိုက်ခိုက်ခဲ့ရာ ပြည်သူလူထုများစွာ အသက်ဆုံးရှုံးခဲ့ရပြီး ထိခိုက်သေဆုံးသူ စုစုပေါင်း ၁၀၀ ကျော်ရှိနိုင်ကြောင်း ခန့်မှန်းထားသည်။
စစ်ကောင်စီ၏ လေကြောင်း တိုက်ခိုက်ခံရမှုကြောင့်ထိခိုက်သေဆုံးမှု များပြားကြောင်း ကြားသိရပြီး ယင်းအပေါ် အထူးပင် ဝမ်းနည်းကြောင်း ACDFက ထုတ်ပြန်သည်။
စစ်ကောင်စီသည် ခေတ်အဆက်ဆက်တိုင်းရင်းသား ပြည်နယ်များ၌ စစ်ရာဇဝတ်ပြစ်မှု အများအပြား ကျူးလွန်ခဲ့သည့်နည်းသူ မတရားအာဏာသိမ်းပြီါ်နောက်ပို်ငးတွင်လည်း နိုင်ငံအနှံ့၌ လူမဆန်သည့် ပြစ်မှု အမြောက်အများ ဆက်လက် ကျူးလွန်နေဆဲဖြစ်ကြောင်း ဖော်ပြသည်။
Public Service Announcement
ပြည်သူများအနေဖြင့် စစ်ကောင်စီ၏ လှုပ်ရှားမှုများ မျက်ခြေမပြတ် စောင့်ကြည့်ရန် နှင့် လေကြောင်း တိုက်ခိုက်မှုများ အချိန်မရွေး ပြုလုပ်နိုင်သည့်အတွက် လေကြောင်းအန္တရာယ် ကာကွယ်ရေးနှင့် ဗုံးခိုကျင်းများ ပြုလုပ်ကာ ကြိုတင်ကာကွယ်ကြရန် နှိုးဆော်ထားသည်။
