Connect with us

Hi, what are you looking for?

LuduNwayOo

သတင်း

KNUတပ်မဟာ(၃)နယ်မြေရှိ စခန်းလေးခုတိုက်ခိုက်မှု စစ်ကောင်စီတပ် ဒုတပ်ရင်းမှူး အပါအဝင် ၂၀ကျော် သေဆုံးဟုဆို

“စခန်းတစ်ခုဆို စစ်ကောင်စီတပ်သားတွေက တိုက်ကိုမတိုက်ရသေးဘူး။ သူတို့ အသေခံပြီး ဒီအတိုင်းလစ်ပြေးသွားတာလို့ သိရတယ်”ဟု​ဒေသခံတစ်ဦးက ပြောသည်။

(စခန်းသိမ်းတိုက်ပွဲမှ သိမ်းဆည်းရမိသော လက်နက်ခဲယမ်းများအား တွေ့ရစဥ်။ ဓာတ်ပုံ - ပေးပို့)
(စခန်းသိမ်းတိုက်ပွဲမှ သိမ်းဆည်းရမိသော လက်နက်ခဲယမ်းများအား တွေ့ရစဥ်။ ဓာတ်ပုံ - ပေးပို့)

ကရင်အမျိုးသားအစည်းအရုံး(KNU) တပ်မဟာ(၃)နယ်မြေ ညောင်လေးပင်ခရိုင်အတွင်းရှိ စစ်ကောင်စီတပ်စခန်းလေးခု တိုက်ခိုက်မှု၌ စစ်ကောင်စီဘက်က ဒုတပ်ရင်းမှူးအပါအဝင် ၂၁ဦး သေဆုံးခဲ့ကြောင်း တော်လှန်ရေးအင်အားစုအချို့က အသိပေးသည်။

တပ်မဟာ(၃)နယ်မြေရှိ ရန်မျိုးအောင်၊ ညောင်ကုန်း၊ နောင်ကုန်းနှင့် ကျွန်းကုန်း တပ်စခန်းများကို KNLA ဦးဆောင်သည့် ပူးပေါင်းတပ်များက ယမန်နေ့နံနက်တွင် တပြိုင်တည်း ဝင်ရောက်တိုက်ခိုက်ခဲ့ရာ တပ်စခန်း နှစ်ခုကို တိုက်ခိုက်ဖျက်ဆီးနိုင်ခဲ့ပြီး စစ်ကောင်စီတပ်မှ ၁၆ဦးသေဆုံးကာ ၁၇ဦး ဒဏ်ရာရခဲ့ကြောင်း၊ လက်နက်ခဲယမ်းများ ရရှိခဲ့ကြောင်း KNUက ယနေ့နံနက်ပိုင်းတွင် ထုတ်ပြန်ထားသည်။

(စခန်းသိမ်းတိုက်ပွဲမှ သိမ်းဆည်းရမိသော လက်နက်ခဲယမ်းများအား တွေ့ရစဥ်။ ဓာတ်ပုံ - ပေးပို့)
(စခန်းသိမ်းတိုက်ပွဲမှ သိမ်းဆည်းရမိသော လက်နက်ခဲယမ်းများအား တွေ့ရစဥ်။ ဓာတ်ပုံ – ပေးပို့)

ယင်းဖြစ်စဉ်နှင့်ပတ်သက်ပြီး တော်လှန်ရေးအင်အားစု သတင်းရင်းမြစ်တစ်ဦးက စခန်းလေးခု တိုက်ခိုက်မှုအတွင်း စစ်ကောင်စီဘက်မှ ဒုရင်းမူးအပါအဝင် ၂၁ဦးသေဆုံးပြီး ၁၅ ဦးဒဏ်ရာရရှိခဲ့သည်ဟု ပြောသည်။ စစ်ကောင်စီတပ်၏ တိုက်ခိုက်မှုကြောင့် KNLA နှင့် PDFပူးပေါင်းစစ်ကြောင်းမှ ရဲဘော် တစ်ဦးကျဆုံးပြီး နှစ်ဦးဒဏ်ရာရခဲ့သည်ဟု ဆိုသည်။

Public Service Announcement
Public Service Announcement

အဆိုပါ တိုက်ခိုက်မှုအတွင်း စစ်ကောင်စီတပ်ထံမှ လက်နက်ငယ် ၉လက်နှင့် လက်နက်ကြီး တစ်လက်၊ ခဲယမ်း၊ ကျည်များရရှိခဲ့သည်ဟု သတင်းရင်းမြစ်က အသိပေးသည်။

Public Service Announcement

Public Service Announcement

(စခန်းသိမ်းတိုက်ပွဲမှ သိမ်းဆည်းရမိသော လက်နက်ခဲယမ်းများအား တွေ့ရစဥ်။ ဓာတ်ပုံ - ပေးပို့)
(စခန်းသိမ်းတိုက်ပွဲမှ သိမ်းဆည်းရမိသော လက်နက်ခဲယမ်းများအား တွေ့ရစဥ်။ ဓာတ်ပုံ – ပေးပို့)

KNU၏ ထုတ်ပြန်ချက်တွင် စစ်ကောင်စီတပ်က လေကြောင်းပစ်ကူ လာရောက်သော်လည်း စခန်းသိမ်းပြီး ၂နာရီကျော်ကြာမှ ရောက်ရှိလာခြင်းဖြစ်ပြီး ဒေသတွင်းသို့ ရမ်းသမ်းပစ်ခတ်သွားသည်ဟု ဆိုသည်။

စစ်ကောင်စီတပ်စခန်း လေးခုအား တိုက်ခိုက်ရာတွင်လည်း နောင်ကုန်းစခန်းနှင့် ရန်မျိုးအောင် စခန်းမှာ စစ်ကောင်စီတပ်ဖွဲ့ဝင်များက စခန်းတွင်မနေဘဲ ပုန်းရှောင်နေခဲ့ကြောင်း KNUက အသိပေးထားသည်။

“စခန်းတစ်ခုဆို စစ်ကောင်စီတပ်သားတွေက တိုက်ကိုမတိုက်ရသေးဘူး။ သူတို့ အသေခံပြီး ဒီအတိုင်းလစ်ပြေးသွားတာလို့ သိရတယ်”ဟု​ဒေသခံတစ်ဦးက ပြောသည်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

နိုင်ငံတကာ

ကနေဒါကနေ လာရောက်တဲ့ မွတ်ဆလင် ဝတ်ပြု ခရီးသည် တစ်ဦးကတော့ ရုပ်ပိုင်းဆိုင်ရာအရ အပူဒဏ်က အရမ်းဆိုးရွားတာ မှန်ပေမယ့် ယုံကြည်ကိုးကွယ်မှုမှာ စိတ်ဆောင်နေလို့ တတ်နိုင်သမျှ အပူဒဏ်ကို မေ့ဖျောက်ထားကြတယ်လို့ ပြောပါတယ်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။