မန္တလေးတိုင်း၊ မြင်းခြံခရိုင်၊ မြင်းခြံ – နွားထိုးလမ်းပိုင်းပေါ်တွင် စစ်အုပ်စုလိုက်ပါလာသည့် အိမ်စီးကားအား မိုင်းဆွဲတိုက်ခိုက်ခဲ့ရာ စစ်ကောင်စီတပ်သားတစ်ဦးသေဆုံးကြောင်း မြင်းခြံခရိုင်အမှတ်(၄)တပ်ရင်း Natogyi People Defence Force အဖွဲ့က ပြောသည်။
ယမန်နေ့ (ဧပြီ ၂၂ ရက်) နေ့လည် ၁၂နာရီခန့်က မြင်းခြံဘက်မှ နွားထိုးကြီးမြို့နယ်သို့ မောင်းနှင်လာသော စစ်ကောင်စီတပ်ဖွဲ့ဝင်များ လိုက်ပါလာသည့် အိမ်စီးကား သုံးစီးအနက် တစ်စီးအား သာယာကုန်းကျေးရွာအနီးတွင် မိုင်းဆွဲတိုက်ခိုက်ခဲ့ရာ စစ်သားတစ်ဦးသေဆုံးပြီး သုံးဦး အပြင်းအထန်ဒဏ်ရာရရှိကြောင်း NPDFအဖွဲ့ ပြန်ကြားရေးတာဝန်ခံက ပြောသည်။
“ကားထဲက ၆ယောက် လောက်ပါတယ်။ကားက တန်းရပ်မသွားပါဘူး။ အလယ်အစီး တိုက်ခိုက်ခဲ့တာပါ။”ဟု အထက်ပါတာဝန်ခံက ဆိုသည်။
ဧပြီ၁၄ ရက် ညနေပိုင်းကလည်း နွားထိုးကြီးဘက်မှ မြင်းခြံမြို့နယ်သို့ မောင်းနှင်လာသော စစ်အုပ်စုပါ အိမ်စီးကား သုံးစီးအား ကုန်းသာရွာအနီးတွင် NPDF အဖွဲ့က မိုင်းဆွဲတိုက်ခိုက်ခဲ့သေးသည်။
Public Service Announcement
