▪︎တိုက်ပွဲ ၆ဘကြိမ်ဖြစ်ရာစစ်ကြောင်းမှူးလက်ဖြတ်လိုက်ရပြီးစစ်သား ၁ဦးအရှင်ဖမ်းမိ ကာ ၂၅ ဦးထက်မနည်း သေဆုံးဒဏ်ရာရဟု မလည်တိုက်နယ် ပြည်သူ့ကာကွယ်ရေးတပ်ဖွဲ့ တာဝန်ခံကပြော
ပဇီကြီးရွာအားစစ်ကြောင်းထိုးနေသည့်စစ်ကောင်စီတပ်ပြန်ဆုတ်ခွာသွားပြီး ၊ စစ်ကြောင်းထိုးနေစဥ် တိုက်ပွဲများအတွင်းစစ်သား ၂၅ဦးထက်မနည်းသေဆုံး၊ဒဏ်ရာရရှိကြောင်း ပြည်သူ့ကာကွယ်ရေးတပ်ဖွဲ့များကပြောသည်။
ကန့်ဘလူမြို့နယ်ပဇီကြီးရွာကိုစစ်တပ်က ဧပြီလ ၁၉ရက်မှစကာ မြေပြင်စစ်ကြောင်းထိုးခဲ့ခြင်းဖြစ်ပြီးဧပြီလ ၃၀ ရက်တွင် ပြန်ဆုတ်ခွာသွားခြင်းဟု ပြည်သူ့ကာကွယ်ရေးတပ်ဖွဲ့ဝင်များကပြောသည်။
” စစ်ေ-ွးကြောင်းက လာရာလမ်းအတိုင်း ခြေလျင်ပြန်ဆုတ်သွားတာ။ ဒေသခံတွေကတော့ ရွာမှာ ပြန်မနေရဲကြသေးဘူး။ ရွာတွေထဲမှာလည်း နေစရာကို မရှိတော့ဘူး။ အကုန်ဖျက်ဆီးသွားတာ”ဟု ပြည်သူ့ကာကွယ်ရေးတပ်ဖွဲ့ဝင်တစ်ဦးက ပြောသည်။
အဆိုပါစစ်ကောင်စီစစ်ကြောင်းသည် မန္တလေးတိုင်း သပိတ်ကျင်းမြို့နယ်ဘက်မှ တက်လာပြီး မလည်ရွာကို ဖြတ်ကာ ပဇီကြီးရွာပတ်ဝန်းကျင်ကို ၁၁ရက်ကြာ စစ်ကြောင်းထိုးခဲ့ခြင်းဖြစ်သည်။ စစ်ကြောင်းပြန်ဆုတ်သွားရာတွင်လည်းလာခဲ့လမ်းအတိုင်း ပြန်ထွက်သွားပြီဟု မလည်တိုက်နယ် ပြည်သူ့ကာကွယ်ရေးတပ်ဖွဲ့ တာဝန်ခံကပြောသည်။
Public Service Announcement
” စုစုပေါင်းတိုက်ပွဲ ၆ ကြိမ်ဖြစ်တယ်။ သူတို့ဘက်က သေတဲ့သူတွေကို ချက်ချင်းမီးရှို့တယ်။ အဖမ်းခံရတဲ့ ရွာသားတွေနဲ့ ကျွန်တော်တို့ ဖမ်းမိတဲ့သူရဲ့ ပြောစကားအရတော့ သူတို့ဘက်က သေတာတွေ၊ ထိခိုက်တာတွေ ၂၅ယောက်ထက်မနည်းဘူးလို့သိရတယ်” ဟု၎င်းကပြောသည်။
ထို့အပြင်မိုင်းဆွဲတိုက်ခိုက်မှုအတွင်း စစ်ကောင်စီဘက်မှ စစ်ကြောင်းမှူးတစ်ဦး ဒဏ်ရာအပြင်းအထန်ရခဲ့ပြီး လက်တစ်ဖက် ဖြတ်တောက်လိုက်ရသည်ဟုသိရသည် ။ ထို့အပြင် စစ်ကောင်စီတပ်သားတစ်ဦးကို ပြည်သူ့ကာကွယ်ရေးတပ်ဖွဲ့က လက်နက်ခဲယမ်းများနှင့်အတူ အရှင်ဖမ်းမိထားပြီး ယခုအခါ စစ်သုံးပန်းအဖြစ် ဖမ်းဆီးထားကြောင်းလည်း အထက်ပါတာဝန်ခံကပြောသည်
ပြည်သူ့ကာကွယ်ရေးတပ်ဖွဲ့ဝင်များက ပြောက်ကျားနည်းဖြင့် မိုင်းကို အဓိက အသုံးပြု တိုက်ခိုက်ခဲ့ကြကြောင်းသိရသည်။
တိုက်ပွဲအတွင်း ပြည်သူ့ကာကွယ်ရေးတပ်ဖွဲ့များ၏ ယာယီစခန်းတစ်ခုကို စစ်ကောင်စီက စီးနင်းတိုက်ခိုက်သွားသဖြင့်လက်နက်ခဲယမ်းအချို့ ဆုံးရှုံးခဲ့ရသလို ရဲဘော်များ၏ ဆိုင်ကယ် ၂၁ စီးကိုလည်း စစ်ကောင်စီတပ်က မီးရှို့ဖျက်ဆီးသွားကြောင်း မလည်တိုက်နယ် ပြည်သူ့ကာကွယ်ရေးတပ်ဖွဲ့ တာဝန်ခံကပြောသည်။
ပြန်ဆုတ်ခွာသွားသောစစ်ကောင်စီစစ်ကြောင်းကြောင့်ပဇီကြီး၊လေးတွင်းစင်၊ မဲဇတော်၊ ရွာသာယာ၊ထန်းတော၊စကျင်၊ မြေမွန်၊ ချောင်းသာ၊ ချောင်းမကြီးစသည့် ကျေးရွာ ဒေသခံများသည် ဘေးလွတ်ရာသို့ထွက်ပြေးခဲ့ကြရပြီး စုစုပေါင်း နေအိမ် ၄၀၀ခန့် မီးရှို့ဖျက်ဆီးခံရကြောင်း ဒေသခံများကပြောသည်။
