Connect with us

Hi, what are you looking for?

LuduNwayOo

သတင်း

စလင်းနယ် သရက်တောရဲစခန်းကို PDFများ ဝင်ရောက်တိုက်ခိုက်

မေလ ၁၀ ရက် နံနက် ၃ နာရီခွဲခန့်က စစ်ကောင်စီလက်အောက်ခံ သရက်တောနယ်မြေရဲစခန်းအား PDF ရဲဘော်များက စီးနင်းတိုက်ခိုက်ခဲ့ခြင်းဖြစ်ပြီး စခန်းသိမ်းရန်ပြင်ဆင်ထားခဲ့သော်လည်း သတင်းပေါက်ကြားမှုကြောင့် မအောင်မြင်ခဲ့ဟု ဆိုသည်။

(စလင်းနယ်အခြေစိုက် PDF စလင်း မှ တော်လှန်ရေးရဲဘော်များအားတွေ့ရစဥ်။ ဓာတ်ပုံ - PDF စလင်း)
(စလင်းနယ်အခြေစိုက် PDF စလင်း မှ တော်လှန်ရေးရဲဘော်များအားတွေ့ရစဥ်။ ဓာတ်ပုံ - PDF စလင်း)

မကွေးတိုင်း စလင်းမြို့နယ်ရှိ သရက်တောနယ်မြေရဲစခန်းကို ဒေသအခြေစိုက် PDF ရဲဘော်များဝင်ရောက်စီးနင်းတိုက်ခိုက်ခဲ့ကြောင်း ဒေသခံပြည်သူများက People’s Spring သတင်းဌာနသို့ ပြော သည်။

မေလ ၁၀ ရက် နံနက် ၃ နာရီခွဲခန့်က စစ်ကောင်စီလက်အောက်ခံ သရက်တောနယ်မြေရဲစခန်းအား PDF ရဲဘော်များက စီးနင်းတိုက်ခိုက်ခဲ့ခြင်းဖြစ်ပြီး စခန်းသိမ်းရန်ပြင်ဆင်ထားခဲ့သော်လည်း သတင်းပေါက်ကြားမှုကြောင့် မအောင်မြင်ခဲ့ဟု ဆိုသည်။

“သတင်းပေါက်ကြားမှုကြောင့် စခန်းမသိမ်နိုင်ဘဲ တိုက်ပွဲဖြစ်ပြီး ပြန်လာရတယ်။ (PDF)ရဲဘော်တစ်ဦးကျတယ်လို့ သိရတယ်ဗျ။ (သရက်တောစခန်း)စခန်းမှူးကတော့ ပေါင်မှာကျည်ထိမှန်ပြီး ဆေးရုံတင်ထားရတယ်”ဟု စလင်းဒေသခံပြည်သူတစ်ဦးက People’s Spring သို့ ပြောသည်။

Public Service Announcement
Public Service Announcement

အထက်ပါ သရက်တောရဲစခန်းအား မတိုက်ခိုက်မီရက်ပိုင်းအလိုက စလင်းနယ် ကုန်းခြားရွာအုပ်ချုပ်ရေးမှူး၏ တပည့်သုံးဦးကို PDF ရဲဘော်များက အရှင်ဖမ်းမိခဲ့ရာမှ သုံးဦးလုံး ထွက်ပြေးလွတ်မြောက်သွားရာ စခန်းသိမ်းတိုက်ပွဲဆင်မည့်အခြေအနေကို စစ်ကောင်စီဘက်က သတင်းရသွားပြီး တပ်အင်အားဖြည့်ကာ ကြိုတင်ပြင်ဆင်ချိန်ရသွားသည်ဟု ဒေသခံများက ဆိုသည်။

Public Service Announcement

Public Service Announcement

ထို့ကြောင့် သရက်တောစခန်းအား စီးနင်းချိန်တွင် စခန်းရှိရဲမိသားစုများကို ဘေးလွတ်ရာပြောင်းရွှေ့ထားသည့်အပြင် စစ်ကောင်စီတပ်များပါ စခန်းသို့ တပ်ကူရောက်ရှိနေပြီး စခန်းသိမ်းနိုင်ခြင်းမရှိဘဲ ပြန်လည်ဆုတ်ခွာခဲ့ရကြောင်း PDF တပ်ဖွဲ့များနှင့်နီးစပ်သည့် ဒေသခံတစ်ဦးက ရှင်းပြသည်။

အထက်ပါ သရက်တောစခန်း စီးနင်းတိုက်ခိုက်မှုတွင် PDF တပ်ဖွဲ့များဘက်မှ ရဲဘော်တစ်ဦးကျဆုံးပြီး သရက်တောစခန်းမှူးဆိုသူ ပေါင်မှာကျည်ထိကာ ဆေးရုံပို့လိုက်ရကြောင်း စုံစမ်းသိရသည်။

ဆက်စပ်သတင်းများ

သတင်း

စစ်ကောင်စီတပ်စခန်းမှ သိမ်းရသည့် လက်နက်ခဲယမ်းများကို တပ်ရင်းမှူးက ပြသရာ လက်နက်ကြီးလက်နက်ငယ်မျိုးစုံ အလက် ၃၀ကျော်နှင့် ခဲယမ်း၊ ကျည်များစွာ နှင့် စစ်အသုံးအဆောင်ပစ္စည်းများ ကို တွေ့ရသည်။

သတင်း

ဆယ်ဇင်းဒေသခံတစ်ဦးကလည်း “လေကြောင်းကတော့ မနေ့က တောက်လျှောက် လာတယ်။ ညကလာတော့ လာတယ် ဝဲတော့ ဝဲတယ်"ဟုပြောသည်။

သတင်း

ဒုချုပ်စိုးဝင်းဒရုန်းနဲ့တိုက်ခိုက်ခံရတယ်ဆိုတာကို စစ်ကောင်စီရဲ့ပြောရေးဆိုခွင့်ရှိသူက ငြင်းဆိုထားပါတယ်။ စစ်​ကောင်စီ​ပြော​ရေးဆိုခွင့်ရှိသူက စစ်​ကောင်စီအတွက် သတင်းဆိုး​တွေဆိုရင် အမြဲ ငြင်းဆို​လေ့ရှိပါတယ် ။

သတင်း

တိုက်ပွဲဖြစ်ပွားမှုကြောင်း သရက်ကုန်းရွာပြည်သူများ ဘေးလွတ်ရာတိမ်းရှောင်နေရပြီး ထိခိုက်မှုရှိသည်ဟု နောင်ချိုဒေသခံများက ပြောသည်။