တနင်္သာရီတိုင်း မြိတ်ဘက်မှ ထားဝယ်မြို့ဘက်လာသည့် စစ်ကောင်စီ၏ ယာဉ်နှစ်စီးအား မိုင်းဆွဲတိုက်ခိုက်ခဲ့ရာ တစ်စီးပျက်စီးပြီး ငါးဦးထက်မနည်းထိခိုက်မှုရှိနိုင်ကြောင်း မြိတ်ခရိုင် PDF တပ်ရင်း (၁) Palaw People’s Defence Force မှ တာဝန်ရှိသူတစ်ဦးက People’s Spring သို့ ပြောသည်။
မေလ ၁၁ရက် နံနက် ၁နာရီခွဲခန့်တွင် မြိတ်ခရိုင် တပ်ရင်း (၁) တပ်နှင့် မဟာမိတ်ပူးပေါင်းတပ်ဖွဲ့က နန်းပရုပ်ကျေးရွာအနီးတွင် မိုင်းဆွဲတိုက်ခိုက်ခဲ့သည်။
မိုင်းဆွဲတိုက်ခိုက်ပြီးနောက် PDF ပူးပေါင်းတပ်မှ (၄ဝ)မမဖြင့် ပစ်ခတ်တိုက်ခိုက်ခဲ့ရာ စစ်ကောင် စီတပ်မှ ငါးဦးထက်မနည်းထိခိုက်မှုရှိပြီး ကားတစ်စီးမှာ ဆက်လက်မောင်းနှင်နိုင်ခြင်းမရှိတော့ဘဲ ထိုးရပ်သွားသည်ဟု မြိတ်ခရိုင် တပ်ရင်း(၁)မှ တာဝန်ရှိသူတစ်ဦးက ပြောသည်။
ထို့နောက် အထိနာသွားသော စစ်ကောင်စီတပ်သားများက (၆ဝ)မမ ဖြင့် ပြန်လည်ပစ်ခတ်တိုက် ခိုက်ခဲ့သော်လည်း မိမိတို့ဘက်မှ အထိအခိုက်မရှိခဲ့ကြောင်း ၎င်းတာဝန်ရှိသူက ဆိုသည်။
Public Service Announcement
“လောလောဆယ် ပလောက်(မြို့နယ်ခွဲ)မှာပဲရှိသေးတယ်။ ကားနှစ်စီးမှာ တစ်စီးက မောင်းရတယ်။ တစ်စီးက မောင်းမရတော့ဘူး”ဟု တပ်ရင်း (၁)မှ တာဝန်ရှိသူတစ်ဦးက ဆက်ပြောသည်။
ပုလောမြို့နယ်တွင် စစ်အုပ်ချုပ်ရေးကြေညာပြီးနောက် တိုက်ပွဲများပိုမိုပြင်းထန်လာသဖြင့် ပုလောမြို့နယ် အတွင်းရှိ မိဘပြည်သူများအနေဖြင့် လုံခြုံရေးသတိအမြဲရှိရန်၊ စစ်ရေးသတင်းကို အမြဲနားစွင့်ထားရန်၊ မလိုအပ် ဘဲ ခရီးသွားလာခြင်းမပြုကြရန်၊ ပြည်သူ့ကာကွယ်ရေးတပ်မတော်၊ မဟာမိတ်တပ်ပေါင်းစုမှ ထုတ်ပြန်သည့် စည်းကမ်းချက်များကို စနစ်တကျလိုက်နာကြရန် အသိပေး ထားသည်။
ယခုရက်ပိုင်းအတွင်း တနင်္သာရီတိုင်း ဘုတ်ပြင်းနှင့် ကော့သောင်းမြို့နယ်တို့တွင် စစ်ရေးအခြေအနေငြိမ်သက်နေပြီး ထားဝယ်တွင် စစ်ရေးတင်းမာနေသည်ဟု တနင်္သာရီစစ်ဒေသခွဲမှ တာဝန်ရှိသူတစ်ဦးက ပြောသည်။
