စစ်ကောင်စီတပ် သုံးဦးထိ၊ လက်နက် ၃လက် ရဟု အသိပေး
စစ်ကောင်စီတပ် သုံးဦးထိ၊ လက်နက် ၃လက် ရဟု အသိပေးကရင်အမျိုးသားအစည်းအရုံး(KNU) တပ်မဟာ (၃)နယ်မြေတွင် စစ်ကောင်စီတပ်ကို စနိုက်ပါဖြင့် ပစ်ခတ်ရာ သုံးဦးထိမှန်ပြီး လက်နက် သုံးလက်နှင့် ခဲယမ်းများရရှိကြောင်း Royal Peacock Columnက ယမန်နေ့ညပိုင်းတွင် သတင်းထုတ်ပြန်သည်။
တပ်မဟာ(၃)နယ်မြေတွင် ဧပြီ ၂၂ရက်က ဖြစ်ပွားခဲ့သည့် တိုက်ပွဲဖြစ်စဉ်ကို အသိပေးခဲ့ခြင်းဖြစ်ပြီး သိမ်းဆည်းရရှိခဲ့သည့် လက်နက်ခဲယမ်းဓာတ်ပုံများကိုလည်း ဖော်ပြခဲ့သည်။
KNU တပ်မဟာ(၃) စစ်ရေးနယ်မြေအတွင်း စစ်ကောင်စီတပ်၏ စစ်ကူများထိုးဖောက်ဝင်ရောက်လာ၍ ကြားဖြတ်တိုက်ခိုက်ရန် သွားရောက် စောင့်ဆိုင်းစဉ် အရပ်သားသုံး ယာဉ်ကို အသုံးပြု ၍ ဒဏ်ရာရသူများ သယ်ဆောင်နေစဉ် စနိုက်ပါဖြင့် ပစ်ခတ်ခဲ့ခြင်းဖြစ်သည်ဟု အသိပေးသည်။
အဆိုပါဖြစ်စဉ်အတွင်း စစ်ကောင်စီဘက်က သုံးဦး ထိမှန်ပြီး တစ်ဦးထွက်ပြေးသွားကြောင်း၊ ကားပေါ်ပါ Ma-3 နှစ်လက်၊ MA4 တစ်လက် ၊ လက်ပစ်ဗုံး၊ အီနာဂါဗုံးသီး၊ နင်းမိုင်းနှင့် ကျည်ဘောက်၊ ကျည်များ သိမ်းဆည်းရရှိခဲ့ကြောင်း ထုတ်ပြန်သည်။ ထွက်ပြေးသွားသူနောက်သို့လိုက်လံရှင်းလင်းရာ တိုက်ပွဲဖြစ်ပွားခဲ့ကြောင်း ဖော်ပြထားသော်လည်း အသေးစိတ်အခြေအနေ ဖော်ပြမထားပေ။
Public Service Announcement
ဧပြီ ၂၂ရက်က KNLAနှင့် Royal Peacock Column ပူးပေါင်းစစ်ကြောင်းသည် KNU တပ်မဟာ(၃)နယ်မြေ မူး(မုန်း)မြို့နယ်ရှိ နောင်ကုန်းစခန်း၊ ရန်မျိုးဆောင်စခန်း၊ လယ်ဒိုမြို့နယ်ရှိ ညောင်ကုန်းစခန်း ကျွန်းကုန်းစခန်း တို့ကို တစ်ပြိုင်တည်း ဝင်ရောက်တိုက်ခိုက်ခဲ့သည်။ စခန်း ၄ခုကို တိုက်ခိုက်ရာ စခန်း ၂ခုကို ဖျက်ဆီးနိုင်ခဲ့ကြောင်း၊ ယင်းတိုက်ပွဲဖြစ်စဉ်အတွင်း ရန်သူ့ဘက်က တပ်ရင်းမှူး အပါအဝင် ၇ဦးသေဆုံးကာ လက်နက်မျိုးစုံ ၇လက်နှင့် ကျည်ခဲယမ်းများ သိမ်းဆည်းရရှိခဲ့ကြောင်း ဧပြီ ၂၃ရက်တွင် Royal Peacock Columnက ထုတ်ပြန်ထားသည်။
