ပကဖများက ပခုက္ကူခြေမြန်တပ်မဌာနချုပ်ကို​ရှော့တိုက်ဒုံး ဖြင့် ပစ်ခတ်တိုက်ခိုက်

မကွေးတိုင်း၊ ပခုက္ကူမြို့ရှိစစ်ကောင်စီ၏အမှတ် (၁၀၁) ခြေမြန်တပ်မဌာနချုပ်ကို ယမန့်နေ့(​မေ ၁၉)နေ့လယ်ပိုင်းက တာဝေးပစ်ရှော့တိုက်ဒုံး (၅)လုံးဖြင့် ပခုက္ကူပြည်သူ့ကာကွယ်​ရေးတပ်ဖွဲ့( ပကဖ) များကပစ်ခတ်တိုက်ခိုက်ခဲ့ကြောင်းPokokku Special Guerrilla Force-PSGFက ​ပြောသည်။

ထိုတိုက်ခိုက်မှုတွင် ​ရှော့တိုက်ဒုံး ၅လုံးစလုံးအမှတ် (၁၀၁) ခြေမြန်တပ်မဌာနချုပ်ဝန်းအတွင်း ကျရောက်ပေါက်ကွဲခဲ့ပြီး ထိခိုက်ပျက်စီးမှုကို အသေးစိပ်မသိရသေးကြောင်း အဆိုပါအဖွဲ့များကဆိုသည်။

ပြည်သူ့ကာကွယ်ရေးအဖွဲ့များမှ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်းလည်း PSGFအဖွဲ့က ဆိုသည်။

“ဒီဖြစ်စဉ်ကြောင့် ပခုက္ကူမြို့နဲ့ အနီးတဝိုက်မှ ည ၆နာရီနောက်ပိုင်းအပြင်မထွက်ရ အမိန့် ကို ရန်သူဘက်က ထုတ်ပြန်ထားတာကြောင့် ပြည်သူများဘေးအန္တရာယ်လုံခြုံရေးအတွက် အထူးသတိထားကြပါ”ဟုPSGFကတာဝန်ရှိသူကပြောကြားသည်။

Public Service Announcement

ထိုတိုက်ခိုက်မှုကို ပခုက္ကူမြို့နယ် ပကဖအဖွဲ့များဖြစ်သည့် ပကဖ တပ်ခွဲံ(၁) ၊ Pakokku Special Guerrilla Force (ပကဖ- PSGF)၊ Pakokku Special Task Force (ပကဖ-PSTF) ၊ King Fighter ၊ PKU North PDF၊ ကျေးလက်ဒေသ ပြောက်ကျားတပ်ဖွဲ့ (မြိုင်)၊ Urban Underground Revolution Force (UURF)တို့က ပူးပေါင်းတိုက်ခိုက်ခဲ့ခြင်းဖြစ်သည်။

ပြီးခဲ့သည့် ဧပြီ ၁၆ ရက်ကလည်း မကွေးတိုင်း၊ဆိပ်ဖြူမြို့နယ်၊ ကန်စွန်းမရာရှိ စစ်ကောင်စီတပ် ကာကွယ်ရေးပစ္စည်းထုတ်စက်ရုံ အမှတ်(၂၁)ကိုဒေသခံကာကွယ်ရေးတပ်များက ​ရှော့တိုက်ဒုံးဖြင့် ပစ်ခတ်တိုက်ခိုက်ခဲ့သေးသည်။