Connect with us

Hi, what are you looking for?

သတင်း

ရေဖြူ – ကလိန်အောင်လမ်းပိုင်းတွင် စစ်တပ်အရာရှိနှင့် မီးသတ်ဒုဦးစီးလိုက်ပါလာသည့်ယာဥ်အား ပစ်ခတ်တိုက်ခိုက်

မီးသတ်ဒုဦးစီးမှူး ဦးကျော်မိုးထွန်းနှင့် ခမရ (၄၁၀)မှ စစ်အရာရှိတစ်ဦးအပါအဝင် လေးဦးလိုက်ပါလာသည့် Honda Fit ယာဉ်အား ဇွန်လ၂၄ ရက်က ထားဝယ်ပြည်သူ့လွတ်မြောက်ရေးတပ်ဖွဲ့(TPLF)နှင့် မဟာမိတ်အဖွဲ့များက လက်နက်ငယ်များဖြင့် ပစ်ခတ်တိုက်ခိုက်ခဲ့ခြင်း ဖြစ်သည်။

(ပစ်ခတ်ခံရ၍ စစ်တပ်အရာ ရှိလိုက်ပါလာသောယာဥ် လမ်းဘေးထိုးကျနေစဥ်။ဓာတ်ပုံ - TPLF)
(ပစ်ခတ်ခံရ၍ စစ်တပ်အရာ ရှိလိုက်ပါလာသောယာဥ် လမ်းဘေးထိုးကျနေစဥ်။ဓာတ်ပုံ - TPLF)

ရေဖြူမြို့နယ်ရှိ ရေဖြူ – ကလိန်အောင်လမ်းပိုင်းတစ်နေရာတွင် ကလိန်အောင်မြို့မီးသတ်ဦးစီးဌာနမှ ဒုဦးစီးမှူးနှင့် စစ်တပ်အရာရှိအပါအဝင် လေးဦးလိုက်ပါလာသည့်ယာဥ်အား ပစ်ခတ်တိုက်ခိုက်ခဲ့ကြောင်း ထားဝယ်ပြည်သူ့လွတ်မြောက်ရေးတပ်ဖွဲ့ (TPLF)မှ တာဝန်ရှိသူတစ်ဦးက ပြောသည်။

မီးသတ်ဒုဦးစီးမှူး ဦးကျော်မိုးထွန်းနှင့် ခမရ (၄၁၀)မှ စစ်အရာရှိတစ်ဦးအပါအဝင် လေးဦးလိုက်ပါလာသည့် Honda Fit ယာဉ်အား ဇွန်လ၂၄ ရက်က ထားဝယ်ပြည်သူ့လွတ်မြောက်ရေးတပ်ဖွဲ့(TPLF)နှင့် မဟာမိတ်အဖွဲ့များက လက်နက်ငယ်များဖြင့် ပစ်ခတ်တိုက်ခိုက်ခဲ့ခြင်း ဖြစ်သည်။

အဆိုပါ စစ်တပ်အရာရှိလိုက်ပါသည့်ယာဥ်အား ကြိုတင်စုံစမ်းထောက်လှမ်း၍ရရှိသည့် သတင်းအရ စောင့်ကြိုပစ်ခတ်တိုက်ခိုက်ခဲ့ခြင်းဖြစ်ပြီး တိုက်ခိုက်ခံရမှုကြောင့် ယာဥ်မှာ လမ်းဘေးမြောင်းထဲထိုးကျ၍ ယာဥ်ပေါ်ပါသူလေးဦးစလုံး ထိခိုက်ဒဏ်ရာရသွားကြောင်း TPLF မှ တာဝန်ရှိသူက ​People’s Spring သို့ ပြောသည်။

Public Service Announcement
Public Service Announcement

“လေးဦးစလုံးကို လူနာတင်ယဉ်နဲ့လာတင်သွားပါတယ်။ သိမ်းဆည်းရမိပစ္စည်း မရှိပါဘူးဗျ”ဟု ၎င်းက ဆိုသည်။

Public Service Announcement

Public Service Announcement

ထို့အပြင် ထားဝယ်ပြည်သူ့လွတ်မြောက်ရေးတပ်ဖွဲ့ (TPLF)နှင့် မဟာမိတ်တပ်ဖွဲ့များသည် စစ်ရေးပစ် မှတ်ကိုသာ အဓိကထားတိုက်ခိုက်၍ စစ်တပ်အရာရှိစီးလာသောယာဥ်အား မဖျက်ဆီးဘဲထားခဲ့ရာ နောင်တစ်နေ့တွင် ကရိန်းဖြင့်လာရောက်ဆွဲယူသွားကြောင်း အသိပေးသည်။

အထက်ပါ ပစ်ခတ်တိုက်ခိုက်မှုကို ထားဝယ်ပြည်သူ့လွတ်မြောက်ရေးတပ်ဖွဲ့(TPLF) နှင့်အတူ ကံပေါက်ဒေသကာကွယ်ရေးတပ်ဖွဲ့(KBDF)၊ ထားဝယ်အမျိုး သားလွတ်မြောက်ရေးတပ်တော် (DNLA)၊ ရေဖြူအလယ်ပိုင်းပြည်သူ့ကာကွယ်ရေးအဖွဲ့(ပကဖ)၊ ဝေဟင် ပြည်သူ့ကာကွယ်ရေးတပ်ဖွဲ့(ပကဖ)တို့ ပူးပေါင်းလုပ်ဆောင်ခဲ့ခြင်းဖြစ်​သည်။

ဆက်စပ်သတင်းများ

သတင်း

ဟောင်ဝစ်ဇာအမြောက်အပါအဝင် လက်နက်ခဲယမ်းများစွာရဟု အသိပေး

သတင်း

စစ်ကိုင်းတိုင်း ၊ တမူးမြို့နယ် တွင်ယခုရက်ပိုင်းဖြစ်ပွားနေသော တိုက်ပွဲများ၌ ကသည်းနှင့် နာဂသူအဖွဲ့များဖြစ်သောMeitei PLAနှင့်နာဂ NSCN-IMတို့က အင်အားအများအပြားဖြင့် စစ်ကောင်စီဘက်မှ ကူတိုက်​ပေးနေကြောင်း ဒေသခံများကပြောသည်။

သတင်း

အာဏာသိမ်းစစ်ကောင်စီအနေဖြင့် ပြည်သူလူထုများဒုက္ခဆင်းရဲတွင်း ရောက်ရှိနေမှု၊ ဆန့်ကျင်တွန်းလှန်သူများပြားမှုတို့ကို ဂရုမစိုက်၊ နည်းမှန်လမ်းမှန် ဖြေရှင်းခြင်းမပြုသည့်အပြင် စစ်တပ်ကြီးစိုးမှု အမြဲရရှိရေး ကြိုးပမ်းနေသည့်အပေါ် လက်မခံဘဲ ဆန့်ကျင်ကြရမည်ဖြစ်ကြောင်း ကရင်အမျိုးသားအစည်းအရုံး(KNU)ဥက္ကဋ္ဌ ပဒိုစောကွယ်ထူးဝင်းက ပြောကြားသည်။

သတင်း

အာရက္ခတပ်တော်(AA) သိမ်းပိုက်ထားသည့် ရခိုင်ပြည်နယ်ရှိမြို့နယ်များ မှစစ်တပ်စခန်းများပတ်ဝန်းကျင်ကို AA က မိုင်းရှင်းလင်းစဉ် ဘုရားစာများကပ်ထားသည့် မိုင်းများ၊ ဗုံးများ၊ လက်နက်ကြီးကျည်ဆန်များကို တူးဖော်တွေ့ရှိခဲ့သည်။