Connect with us

Hi, what are you looking for?

LuduNwayOo

သတင်း

မင်းကင်းတွင် တိုက်ပွဲဖြစ်၊ စစ်​ကောင်စီတပ်အန္တရာယ်​ကြောင့် ပြည်သူထောင်ချီ ထွက်ပြေးတိမ်းရှောင်နေရ

စစ်ကောင်စီတပ်၏ ပစ်ခတ်မှုကြောင့် ပိက္ခယားရွာရှိ နေအိမ်တစ်လုံး လက်နက်ကြီးထိမှန် ပျက်စီးခဲ့သည်။ ထို့အပြင် စစ်အုပ်စုက ပိက္ခယားရွာရှိ ပြည်သူများ၏ နေအိမ်အားလုံးနီးပါးကို ဝင်ရောက်ရှာဖွေပြီး ပစ္စည်းများ ခိုးယူသွားကြောင်း ဒေသတွင်းသတင်းရင်းမြစ်များက ပြောသည်။

(PDFအမှတ် ၁၁ တပ်ရင်း-မင်းကင်း၏ ရဲဘော်အချို့။ ဓာတ်ပုံ-အမှတ် ၁၁ တပ်ရင်း-မင်းကင်း)
(PDFအမှတ် ၁၁ တပ်ရင်း-မင်းကင်း၏ ရဲဘော်အချို့။ ဓာတ်ပုံ-အမှတ် ၁၁ တပ်ရင်း-မင်းကင်း)

စစ်ကိုင်းတိုင်း၊ မင်းကင်းမြို့နယ်တွင် ပျူရွာတွင်တပ်စွဲ​နေ​သောစစ်တပ်အတွက် လက်နက်ခဲယမ်းလာပို့သည့် စစ်​ကောင်စီတပ်နှင့် မင်းကင်းPDFအမှတ် ၁၁ တပ်ရင်းတို့ တိုက်ပွဲဖြစ်ပွားခဲ့ပြီး စစ်အုပ်စုကရွာအတွင်းဝင်အကြမ်းဖက်၍​ဒေခံသံပြည်သူထောင်ချီ ထွက်ပြေးတိမ်းရှောင်နေရကြောင်း ဒေသတွင်းသတင်းရင်းမြစ်များက ပြောသည်။

ယမန်နေ့ (ဇူလိုင်လ ၉ရက်) နံနက် ၈ နာရီ မိနစ် ၄၀ ခန့်က မင်းကင်းမြို့နယ်၊ မအူပျူရွာမှ စစ်ကောင်စီတပ်နှင့်ပျူ​စောထီးအင်အား ၄၀ ကျော်ခန့်သည် အင်းရွာဘက်သို့ ပစ်ခတ်ကာ စစ်ကြောင်းထိုးခဲ့သည်။

ပြည်သူများရှောင်တိမ်းချိန်ရရန် မင်းကင်းPDF အမှတ် ၁၁ တပ်ရင်း-က ခုခံပစ်ခတ်ရာမှ နာရီဝက်ခန့်တိုက်ပွဲ ဖြစ်ပွားခဲ့ကြောင်း အမှတ် ၁၁ တပ်ရင်း-မင်းကင်း၏ ပြန်ကြားရေးတာဝန်ခံက ပြောသည်။

ထိုအချိန်တွင် ကြာပင်ရဲစခန်းမှ စစ်​ကောင်စီတပ်အင်အား (၁၀၀) ဝန်းကျင်က ပိက္ခယားရွာသို့ လက်နက်ကြီးများပစ်ခတ်ကာ စစ်ကြောင်းထိုးလာခဲ့သဖြင့်PDF များက လက်နက်အင်အားမမျှ၍ နောက်ဆုတ်ပေးလိုက်ရကြောင်း အထက်ပါတာဝန်ခံက ပြောသည်။

Public Service Announcement

Public Service Announcement

အဆိုပါစစ်​ကောင်စီတပ်သည် ဇူလိုင်လ ၈ ရက်နေ့ ညနေပိုင်းက မုံရွာ နမခမှ Mi – 17 ဖြင့် ကြာပင်ရဲစခန်းသို့ လာချသွားသည့် လက်နက်ခဲယမ်းများအား သယ်ယူလာခဲ့သည်။

ထိုလက်နက်ခဲယမ်းပုံးများကို ပိက္ခယားရွာဘုန်းကြီးကျောင်းထဲတွင် မအူပျူရွာမှ လာရောက်သယ်ဆောင်သွားကြောင်း သိရသည်။

ထိုစစ်ကောင်စီတပ်ကြောင့် ပိက္ခယားရွာနှင့် အင်းရွာမှ ပြည်သူထောင်ချီ ထွက်ပြေးတိမ်းရှောင်နေရသည်။

“စစ်ကောင်စီတပ်က အထိခိုက်ကတော့ရှိမယ်။သတင်းအတိအကျမရသေးဘူး။ လက်ရှိမှာတော့ ရာသီဥတုဆိုးရွားနေပြီး စစ်ရှောင်ပြည်သူတွေအခက်ခဲရှိနေပါတယ်။”ဟု အမှတ် ၁၁ တပ်ရင်း-မင်းကင်း၏ ပြန်ကြားရေးတာဝန်ခံက ပြောသည်။

စစ်ကောင်စီတပ်၏ ပစ်ခတ်မှုကြောင့် ပိက္ခယားရွာရှိ နေအိမ်တစ်လုံး လက်နက်ကြီးထိမှန် ပျက်စီးခဲ့သည်။ ထို့အပြင် စစ်အုပ်စုက ပိက္ခယားရွာရှိ ပြည်သူများ၏ နေအိမ်အားလုံးနီးပါးကို ဝင်ရောက်ရှာဖွေပြီး ပစ္စည်းများ ခိုးယူသွားကြောင်း ဒေသတွင်းသတင်းရင်းမြစ်များက ပြောသည်။

အလားတူ အင်းရွာတွင်လည်း စစ်အုပ်စုက ဖုန်း ၅လုံး၊ ရွှေဆွဲ ကြိုး ၁ ကုံး ၊ လက်စွပ် ၁ကွင်း ၊ နားကပ် ၁စုံ ၊ ပိုက်ဆံ ၁သိန်း ခိုးယူသွားကြောင်း ဒေသတွင်းသတင်းရင်းမြစ်များက ပြောသည်။

ထို့အပြင် ဆိုင်ကယ် ၁စီး ၊ ဆိုလာ ၁ ချပ် ၊ ရေစက် ၁လုံး ဖျက်ဆီးခံရပြီး နွား ၁ကောင် ၊ကျွဲ ၁ကောင်၊ ဝက် ၁ကောင်လည်း ပစ်သတ်ထားခဲ့ကြောင်းဒေသခံများကပြောသည်။

ပြည်သူများ ဘေးလွတ်ရာသို့ရှောင်တိမ်းနေကြပါရန်နှင့် ခရီးသွားလာခြင်းများ မပြုလုပ်ကြရန် အမှတ် ၁၁ တပ်ရင်း မင်းကင်းက သတိပေးထားပြီး ရဲဘော်များအရေးပေါ်ကျည်လိုအပ်နေကြောင်း သိရသည်။

ဆက်စပ်သတင်းများ

သတင်း

စစ်ရှောင်ပြည်သူ ခုနစ်သောင်းကျော် လက်ရှိအချိန်ထိ တိမ်းရှောင်နေကြရဆဲဖြစ်ကြောင်း ဖော်ပြပြီး အများစုမှာ ဆီဆိုင်မြို့နယ်မှ ဖြစ်ကာ ပင်လောင်း၊ ဟိုပုံးနှင့် ညောင်ရွှေမြို့နယ်များမှ ဒေသခံ များလည်း စစ်ရှောင်ကြရမှုရှိသည်။

သတင်း

မြိတ်ခရိုင်အတွင်းအပါအဝင်း ဒေသတွင်းဖြတ်သွားသည် ပြည်ထောင်စုလမ်းမကြီးပေါ်၌ ယခုရက်ပိုင်း စစ်ရေးတင်းမာနေကြောင်း သတင်းရရှိသည်။

သတင်း

သံကလောင်ကျောင်းထိုင်ဆရာတော်သည် ယမန်နေ့ နေ့လယ်ပိုင်း၌ မော်တော်ယာဉ်ဖြင့် ထွက်ခွာလာစဉ် ပစ်ခတ်ခံရခြင်းဖြစ်သည်ဟု ဆိုသည်။

သတင်း

၂၀၂၃ ဩဂုတ်တွင် မီးရှို့ဖျက်ဆီးခံရသည့် နေအိမ်အရေအတွက်က ၁,၀၀၀အောက်အထိ ကျဆုံးခဲ့သော်လည်း ၂၀၂၃ ဒီဇင်ဘာမှစ၍ တဖြေးဖြေး ပြန်မြင့်တက်လာခဲ့ရာ မတ်လအတွင်း နေအိမ် ၂,၈၃၁လုံး မီးရှို့ခံခဲ့ရကြောင်း အသိပေးသည်။