Connect with us

Hi, what are you looking for?

LuduNwayOo

သတင်း

ဆိပ်ဖြူတိုက်ပွဲ ကပစ(၂၁)စစ်ကြောင်းမှ သုံးဦးသေ

မကွေးတိုင်း၊ ပခုက္ကူခရိုင်၊ ဆိပ်ဖြူမြို့နယ်၊ ကုန်းရွာကျေးရွာနှင့် ကျောင်းရွာကျေးရွာကြားတွင် ဇူလိုင် ၁၃ရက်က တိုက်ပွဲဖြစ်ခဲ့သည်ဟု ဆိုသည်။

(မကွေးတိုင်းအတွင်းရှိ PDF ရဲဘော်များအား တွေ့ရစဉ်။ ဓာတ်ပုံ - MOD/NUG)
(မကွေးတိုင်းအတွင်းရှိ PDF ရဲဘော်များအား တွေ့ရစဉ်။ ဓာတ်ပုံ - MOD/NUG)

▪️ဒဏ်ရာရသူများရှိဟု PDF စစ်ရုံးချုပ် အသိပေး

ပြည်သူ့ကာကွယ်ရေးတပ်မတော်(PDF)နှင့် အမှတ်(၂၁) ကာကွယ်ရေးပစ္စည်း စက်ရုံ -ကပစ(၂၁) စစ်ကြောင်းနှင့် ထိတွေ့တိုက်ပွဲဖြစ်ပွားရာ စစ်ကောင်စီတပ်မှ သေဆုံးထိခိုက်ရှိခဲ့သည်ဟု PDF စစ်ရုံးချုပ်က ယနေ့ထုတ်ပြန်သည်။

မကွေးတိုင်း၊ ပခုက္ကူခရိုင်၊ ဆိပ်ဖြူမြို့နယ်၊ ကုန်းရွာကျေးရွာနှင့် ကျောင်းရွာကျေးရွာကြားတွင် ဇူလိုင် ၁၃ရက်က တိုက်ပွဲဖြစ်ခဲ့သည်ဟု ဆိုသည်။

PDF ပခုက္ကူခရိုင်၊ အမှတ်(၁၉) တပ်ရင်းနှင့် ရန်သူ့စစ်ကြောင်းတို့ ထိတွေ့တိုက်ပွဲ ဖြစ်ပွားခဲ့ခြင်းဖြစ်ပြီး ရန်သူ့တပ်သား သုံးဦးသေဆုံးပြီး ၁၀ ဦးဒဏ်ရာရခဲ့ကြောင်း ဖော်ပြသည်။

“၁၃ ရက်နေ့က ကပစ( ၂၁) ကထွက်လာတဲ့ ယာဉ်တန်းကို မိုင်းဆွဲပြီးဖြတ်လိုက်တာ။ မိုင်းဆွဲလိုက်တာ ၃ယောက်သေပြီး။ ၁၀ယောက်က ခြေပြတ်လက်ပြတ်ဖြစ်သွားတယ်။ ပြီးတော့ပစ်ကြတယ်။ သူပစ်ကိုယ်ပစ်ပေါ့”ဟုပခုက္ကူခရိုင် အမှတ် ၁၉ တပ်ရင်းက တာဝန်ခံကပြောသည်။

Public Service Announcement

Public Service Announcement

“ကပစ (၂၁ )ကနေ ကပစ( ၂၂ )ကိုရောက်နေတဲ့ သူတို့ (စစ်ကောင်စီတပ်) ရဲဘော်တွေကို သွားခေါ်တာ။ စစ်ကြောင်းထိုးဖို့ ရဲတွေစုပြီးအလာကို မိုင်းဆွဲပြီး ပစ်ဆုတ်ဆုတ်ခဲ့တာပါ”ဟု ၎င်းကဆက်ပြောသည်။

အဆိုပါတိုက်ပွဲ၌ ပြည်သူ့ကာကွယ်ရေးတပ်မတော်သားများ အထိအခိုက်မရှိ ဆုတ်ခွာနိုင်ခဲ့ကြောင်း အသိပေးသည်။

ဆက်စပ်သတင်းများ

သတင်း

ရန်ကုန်မြို့ရှိ ကျောက်တံတား၊ စမ်းချောင်း၊ ဒဂုံ၊ ကြည့်မြင်တိုင်၊ မရမ်းကုန်း စသည့် မြို့နယ်တို့တွင် စစ်ကောင်စီက သင်္ကြန်မဏ္ဍပ်များ တည်ဆောက်၍ ရေပက်ခံသူပြည်သူများဖြင့် စည်ကားနေကြောင်း ပြသရန် ကြိုးပမ်းလျက်ရှိသည်။

သတင်း

"ပြည်သူတွေ စိတ်မပူပါနဲ့။ ကျွန်တော်တို့ အဲဒီစစ်ကြောင်း မြဝတီကိုမရောက်နိုင်အောင် တားဆီးပါမယ်"ဟု ကျားဖြူစစ်ကြောင်းမှ ဒုစစ်ကြောင်းမှူး ဗိုလ်မှူးကျော်ဟိန်းက ပြောသည်။

သတင်း

အဆိုပါတပ်ရင်းအတွင်းမှ ရွှေချောင်းအချို့လည်းရရှိခဲ့ကြောင်း ကနဦးသတင်းများထွက်ပေါ်ခဲ့သော်လည်း နောက်ဆက်တွဲစုံစမ်းမှုအရ အဆိုပါရွှေချောင်းများမှာအတုဖြစ်ကြောင်းသိရသည်။

သတင်း

ဖေဖော်ဝါရီ ၂၉ ရက်ကစတင်ခဲ့သည့် ဖားဆောင်းမြို့တိုက်ပွဲတွင် စစ်ကောင်စီအခြေစိုက်စခန်း ၉ ခုခန့်ကို ကရင်နီတပ်ပေါင်းစုက သိမ်းဆည်းထားနိုင်သည်။