ရေတာရှည်မြို့နယ်တွင် စစ်တောင်းမြစ်ကြောင်းအတိုင်း ကင်းလှည့်လာသော စစ်ကောင်စီတပ်၏ လက်ထိုးလှေတစ်စင်းကို လမ်းမှနေ၍ စောင့်ကြိုတိုက်ခိုက်ခဲ့ကြောင်း တောင်ငူခရိုင် PDF တပ်ရင်း(၃၅၀၁)၊ တပ်ခွဲ(၄)မှ တာဝန်ရှိသူတစ်ဦးက ပြောသည်။
ဇူလိုင် ၂၈ ရက် နံနက် ၉ နာရီခန့်က ရေတာရှည်မြို့ နယ်၊ ဒိုးတန်းကျေးရွာအရှေ့ဘက် စစ်တောင်းမြစ်ကြောင်းအတိုင်း လက်ထိုးလှေဖြင့်ကင်းလှည့်လာသော စစ်ကောင်စီတပ်ကို ပင့်သီလာရွာနှင့် ဇရစ်ရိုးကျေးရွာကြားမြစ်အရှေ့တွင် တောင်ငူခရိုင် PDFတပ်ရင်း (၃၅၀၁)၊ တပ်ခွဲ(၄)နှင့် နေပြည်တော် PDFအဖွဲ့တို့က ကြားဖြတ်တိုက်ခိုက်ခဲ့ခြင်း ဖြစ်သည်။
အဆိုပါတိုက်ခိုက်မှုတွင် အပြန်အလှန်ပစ်ခတ်ချိန် ၄၅ မိနစ်ခန့်ကြာမြင့်ပြီး စစ်ကောင်စီတပ်မှ သုံးဦးသေဆုံးကာ တစ်ဦးထိခိုက်ဒဏ်ရာရရှိ၍ တော်လှန် ရေးပူးပေါင်းတပ်များဘက်မှ အထိအခိုက်မရှိ ပြန် လည်ဆုတ်ခွာနိုင်ခဲ့ကြောင်း တပ်ရင်း(၃၅၀၁)က အသိပေးသည်။
Public Service Announcement
ရေတာရှည်မြို့နယ်အတွင်း စစ်ကောင်စီတပ်ကို တော်လှန်ရေးပူးပေါင်းတပ်များက တိုက်ခိုက်လျှက်ရှိရာ ဇူလိုင် ၂၆ ရက်က ဒိုးတန်းအုပ်စု၊ အောင်ချမ်းသာရွာတွင်တပ်စွဲထားသော စစ်ကောင်စီတပ်ကို တောင်ငူခရိုင် တပ်ရင်း(၃၅၀၁)၊ တပ်ခွဲ(၆)မှ သွားရောက်တိုက်ခိုက်ခဲ့သေးသည်။
“စစ်တောင်မြစ်တစ်ဖက်ကမ်းကအင်အားအချို့ဖြင့် ကင်းထောက်ထားခဲ့ပြီး လက် ယှက်လှေဖြင့် အရပ်ဝတ်ဝတ်ထားတဲ့ ခြောက်ယောက်ဟာ တံငါသည်ပုံဖမ်းကာ မြစ်ကူးရန်ကြိုး စားခဲ့ပါတယ်။ ထိုအချိန်မှာ ကျွန်တော်တို့ကင်းပွိုင့်ဟာ ပြည်သူတံငါသည်၊ ရေလုပ်သားများနှင့် မှားမည်စိုးရိမ်သောကြောင့် ခြောက်လှန့်ပစ်ခတ်ခဲ့ပါတယ်။ ကျွန်တော်တို့ပစ်ခတ်မှုအရ စစ်တောင်းမြစ်အနောက်ဖက်ကမ်းသို့ ပြန်လည်ထွက် ပြေးရန်ကြိုးစားခဲ့ပါတယ်။ တစ်ဖက်ကမ်းတွင် ကင်းထောက်ကျန်ရှိနေသူအချို့မှ လက်နက် ငယ်များဖြင့်ပြန်လည်ပစ်ခတ်လာသောကြောင့် မိမိတို့ဘက်နှင့်အပြန်အလှန်ပစ်ခတ်မှုဖြစ်ခဲ့ပါတယ်။ ပစ်ခတ်ခဲ့စဥ် မြစ်ကြောင်းအတွင်းမှရန်သူတွေဟာ ပြန်လည်ပြေးလွှားပြီးမြစ်ကမ်းကို တက်ပြေးခဲ့ပါတယ်”ဟု တပ်ရင်း(၃၅၀၁)၊ တပ်ခွဲ(၄)မှ တာဝန်ရှိသူတစ်ဦးက People’s Spring သို့ ပြောသည်။
