Connect with us

Hi, what are you looking for?

LuduNwayOo

သတင်း

ရေတာရှည်မြို့နယ် ကျွဲရိုင်းပြင်တံတားအစောင့်တပ်ကို PDF ပူးပေါင်းတပ် ပစ်ခတ်တိုက်ခိုက်

ဇူလိုင် ၁၀ ရက် နံနက်ပိုင်းကလည်း အဆိုပါကျွဲရိုင်းပြင်တံတားဂိတ်ကို PDF ပူးပေါင်းတပ်များက သွားရောက်တိုက်ခိုက်ခဲ့ပြီး တိုက်ခိုက်မှုအတွင်း စစ်ကောင်စီတပ်သားသုံးဦးထိခိုက်မှုရှိခဲ့သည်။

(ကျွဲရိုင်းပြင်တံတားဂိတ်တိုက်ခိုက်မှုမှ စနိုက်ပါသမား တော်လှန်ရေးရဲဘော်တစ်ဦးအား တွေ့ရစဥ်)
(ကျွဲရိုင်းပြင်တံတားဂိတ်တိုက်ခိုက်မှုမှ စနိုက်ပါသမား တော်လှန်ရေးရဲဘော်တစ်ဦးအား တွေ့ရစဥ်)

ပဲခူးတိုင်း၊ ရေတာရှည်မြို့နယ် ကျွဲရိုင်းပြင်တံတားအစောင့် စစ်ကောင်စီတပ်ကို PDF ပူးပေါင်းတပ်က လက်နက်ကြီးအပါအဝင် စနိုက်ပါဖြင့် သွားရောက်ပစ်ခတ်ခဲ့ကြောင်း တောင်ငူခရိုင် PDF တပ်ရင်း (၃၅၀၁)၊ တပ်ခွဲ(၄)မှ တာဝန်ရှိသူတစ်ဦးက ပြော သည်။

ကျွဲရိုင်းပြင်ကျေးရွာ အရှေ့တောင်ဘက် စစ်တောင်းမြစ်ကူးတံတားပေါ်တွင် အင်အား ၅၀ ခန့်ဖြင့် စစ်ဆေးရေးဂိတ်ချထားသော စစ်ကောင်စီတပ်ကို ယမန်နေ့(ဇူလိုင် ၁၇) နံနက် ၅ နာရီခန့်တွင် PDF ပူးပေါင်းတပ်ဖွဲ့က (၄၀)မမ လက်နက်ကြီး ငါးလုံးဖြင့် စတင်ပစ်ခတ်ခဲ့ရာ နှစ်ဖက်အပြန်အလှန်ပစ်ခတ်မှု ၁၅မိနစ်ခန့် ဖြစ်ပွားခဲ့သည်ဟု ဆိုသည်။

ယင်းတိုက်ခိုက်မှုတွင် စစ်ကောင်စီတပ်ဘက်မှ ထိ ခိုက်သေဆုံးမှုရှိနိုင်သော်လည်း အတိအကျမသိရသေးကြောင်း တပ်ခွဲ(၄)မှ တာဝန်ရှိသူက ရှင်းပြ သည်။

အလားတူ ယင်းနေ့(ဇူလိုင် ၁၇)နံနက် ၈ နာရီခန့်တွင်လည်း PDF ပူးပေါင်းတပ်က စနိုက်ပါဖြင့်သွားရောက်ပစ်ခတ်ခဲ့ရာ ဘန်ကာအတွင်းမှ စစ်ကောင်စီတပ်သား တစ်ဦးသေဆုံးပြီး တစ်ဦးဒဏ်ရာရရှိသွားကြောင်း ၎င်းတာဝန်ရှိသူက ဆက်ပြောသည်။

Public Service Announcement

Public Service Announcement

Public Service Announcement
Public Service Announcement

“(စစ်တပ်ဘက်မှ ထိခိုက်သေဆုံးမှု)ရှိပါတယ်ဗျ။ လက်ရှိ သိရတာကတော့ တစ်ဦးသေ၊ တစ်ဦးဒဏ်ရာရ”ဟု တောင်ငူခရိုင် တပ်ရင်း(၃၅၀၁)၊ တပ်ခွဲ(၄)မှ တာဝန်ရှိသူတစ်ဦးက ဆက်ပြောသည်။

အထက်ပါတိုက်ခိုက်ခံရမှုများဖြစ်ပွားပြီးနောက် စစ်ကောင်စီတပ်က အနီးဝန်းကျင်ကျေးရွာများဘက်သို့ လက်နက်ကြီးများဖြင့် ရမ်းသမ်းပစ်ခတ်မှုများရှိသော်လည်း တော်လှန်ရေးရဲဘော်များ အထိအခိုက်မရှိခဲ့ဘဲ အောင်မြင်စွာဆုတ်ခွာနိုင်ခဲ့ကြောင်း သိရသည်။

ကျွဲရိုင်းပြင်တံတားဂိတ်တိုက်ခိုက်မှု စစ်ဆင်ရေးအား တောင်ငူခရိုင် တပ်ရင်း(၃၅၀၁)မှ စစ်တောင်းမြစ်အရှေ့ကမ်းတွင် အခြေစိုက်ကာ တိုက်ပွဲဖော်ဆောင်လျက်ရှိသော တပ်ခွဲ ၃/၄/၆၊ ရေတာရှည်မြို့နယ် ပကဖ နှင့် PDF ပူးပေါင်းစစ်ကြောင်းတို့မှ လုပ်ဆောင်ခဲ့ခြင်းဖြစ်သည်။

ဇူလိုင် ၁၀ ရက် နံနက်ပိုင်းကလည်း အဆိုပါကျွဲရိုင်းပြင်တံတားဂိတ်ကို PDF ပူးပေါင်းတပ်များက သွားရောက်တိုက်ခိုက်ခဲ့ပြီး တိုက်ခိုက်မှုအတွင်း စစ်ကောင်စီတပ်သားသုံးဦးထိခိုက်မှုရှိခဲ့သည်။

ဆက်စပ်သတင်းများ

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။

သတင်း

နှစ်ရက်တာတိုက်ခိုက်မှုအတွင်း စစ်ကောင်စီဘက်က ထိခိုက်သေဆုံးသူမှုများပြီး PDFရဲဘော် ၁၅ဦးခန့်လည်း မစိုးရိမ်ရ ထိခိုက်ဒဏ်ရာရရှိခဲ့ကြောင်း ဗိုလ်မိုက်ခဲက ပြောသည်။

သတင်း

မေလ ၁၀ ရက် နံနက် ၄နာရီ ၁၅မိနစ် အချိန်တွင် တောင်ငူလေတပ်စခန်းအတွင်းသို့ ၁၀၇ မမ ရှော့တိုက်ဒုံး ၁၀လုံးပစ်ခတ်ခဲ့ရာ ပစ်မှတ်သို့ ၇ လုံးအောင်မြင်စွာ ထိမှန်ခဲ့သည်ဟု ဆိုသည်။

သတင်း

KIA သတင်းပြန်ကြားရေးဌာန တာဝန်ခံဗိုလ်မှူးကြီးနော်ဘူကလည်း ဆင်ဘိုရှိ ခလရ(၁၄၁) တပ်ရင်း သိမ်းပိုက်နိုင်မှု သတင်းများ ကြားသိရသော်လည်းတရားဝင် စစ်ဘက် ဆိုင်ရာ သတင်းပေးပို့မှု မရသေးဟု ယနေ့ (ဧပြီ ၂၉ရက်) နံနက်တွင် ပြောသည်။