Connect with us

Hi, what are you looking for?

LuduNwayOo

သတင်း

ကောလင်းမြို့ စစ်ကောင်စီတပ်စွဲရာ ထွေအုပ်ရုံး PDF တိုက်ခိုက်

စစ်ကောင်စီ၏ ခမရ(၁၂၀)နှင့်တပ်မ (၃၃)တို့အား နံနက်စောပိုင်းတွင် ဝင်ရောက်တိုက်ခိုက်ခဲ့ရာတိုက်ပွဲမှာ မိနစ် ၄၀ခန့် ကြာမြင့်ခဲ့သည်ဟု ဆိုသည်။

(ကောလင်းမြို့ ထွေအုပ်ရုံးအား မြေပုံမှ တဆင့်တွေ့ရစဉ်)
(ကောလင်းမြို့ ထွေအုပ်ရုံးအား မြေပုံမှ တဆင့်တွေ့ရစဉ်)

စစ်ကိုင်းတိုင်း ကောလင်းမြို့ရှိ စစ်ကောင်စီတပ်စွဲရာ မြို့နယ်အထွေထွေအုပ်ချုပ်ရေးဦးစီးဌာနရုံးတိုက်ခိုက်ခဲ့ရာ စစ်ကောင်စီဘက်က ထိခိုက်မှုရှိကြောင်း ကောလင်းမြို့နယ် ပြည်သူ့ကာကွယ်ရေးတပ်(PDF)က ယနေ့ သတင်းထုတ်ပြန်သည်။

ဩဂုတ် ၅ရက်တွင် စစ်ကောင်စီတပ်ဖွဲ့ဝင်များ အမာခံခြေကုပ်ယူထားသော ကောလင်းမြို့ ထွေအုပ်ရုံးကို တိုက်ခိုက်ခဲ့ခြင်းဖြစ်သည်ဟု အသိပေးထားသည်။

စစ်ကောင်စီ၏ ခမရ(၁၂၀)နှင့်တပ်မ (၃၃)တို့အား နံနက်စောပိုင်းတွင် ဝင်ရောက်တိုက်ခိုက်ခဲ့ရာတိုက်ပွဲမှာ မိနစ် ၄၀ခန့် ကြာမြင့်ခဲ့သည်ဟု ဆိုသည်။

တိုက်ခိုက်မှုကြောင့် ထွေအုပ်ရုံး ပျက်စီးမှုရှိပြီး ထိခိုက်မှုများရှိဟု သိရကြောင်း၊ နာရေးကားများအဝင်အထွက်လုပ်နေပြီး ထွေအုပ်ရုံးနှင့် ဆေးရုံဝင်းနေရာများကို ပြင်ပလူ အဝင်၊အထွက် ပိတ်ပင်ထားသည်ဟု ကောလင်း PDFက ထုတ်ပြန်သည်။

Public Service Announcement

Public Service Announcement

ဆေးရုံမှ ဆရာ၊ ဆရာမများပင် ခေါ်ယူသည့်ဆရာဝန်နှင့် စစ်ကောင်စီ ဆေးတပ်သားမှအပ အခြားဝန်ထမ်းများ ဝင်ခွင့်မပြုဟု ဖော်ပြထားပြီး ထိခိုက် မှုအား သီးခြားအတည်ပြုနိုင်ခြင်းမရှိသေးဟု ထုတ်ပြန်သည်။

Kawlin Revolution၏ တိုက်ပွဲသတင်းဖော်ပြချက်တွင် ဩဂုတ် ၅ရက် နံနက်က ကောလင်းရဲစခန်းနှင့် ထွေအုပ်ရုံးကို ကောလင်းခရိုင် PDFတပ်ရင်းများက တိုက်ခိုက်ခဲ့သည်ဟု ပါရှိသည်။

ရဲစခန်းတိုက်ခိုက်မှုတွင် ဒုရဲအုပ်တစ်ဦးနှင့် ရဲမေတစ်ဦး သေဆုံးပြီး ထိခိုက်သူ အချို့ရှိကြောင်းသိရသော်လည်း အတည်မပြုနိုင်ခြင်းမရှိသေးဟု အသိပေး ထုတ်ပြန်သည်။

တိုက်ပွဲဖြစ်ပွားမှုနှင့်ပတ်သက်ပြီး ကောလင်းမြို့ခံ အချို့နှင့် ကောလင်းဒေသတော်လှန်ရေးအင်အားစု အဖွဲ့အစည်း အချို့အားဆက်သွယ်မေးမြန်းထားဆဲဖြစ်ပြီး အဆက်အသွယ်မရသေးပေ။

ကောလင်း PDFကမူ တိုက်ခိုက်ရေးကျည်များထပ်မံ စုဆောင်းနေကြောင်း အသိပေးထားပြီး အလှူရှင်အချို့ထံမှအကူအညီ လိုအပ်နေကြောင်း ထုတ်ပြန်သည်။

ဆက်စပ်သတင်းများ

မေးမြန်းခန်း

အာဏာသိမ်းစစ်​ကောင်စီအ​ပေါ် ပတ္တနိက္ကုဇ္ဇန ကံဆောင်သပိတ် စတင်ပြုလုပ်ရခြင်းနှင့်ပတ်သက်၍ သပိတ်ဦးဆောင်ရာတွင်ပါဝင်သည့် ချောင်းဦးဆရာတော်နှင့် လူထုနွေဦး၏ ​မေးမြန်းခန်းကို ဖော်ပြလိုက်ပါသည်။

သတင်း

တအာင်းဒေသ လက်ရှိ စစ်ရေး၊နိုင်ငံရေး အခြေအနေများနှင့်ပတ်သက်ပြီး ဗိုလ်ချုပ်တားဘုန်းကျော်၏ ပြောကြားချက်များကို TNLA သတင်းပြန်ကြားရေးဌာနက ဖော်ပြခဲ့ခြင်းဖြစ်သည်။

သတင်း

ပတ္တနိက္ကုဇ္ဇန ကံဆောင်သပိတ်အား ယမန်နေ့ (ဇွန်လ ၂၃ ရက်​)တွင် စစ်ကိုင်းတိုင်း၊ ချောင်းဦးမြို့နယ်တနေရာရှိ ဘုရားတစ်ဆူတွင် သံဃာတော်များစုဝေး၍ စတင်ပြုလုပ်ခဲ့သည်။

မေးမြန်းခန်း

ပင်လောင်းမြို့နယ်အတွင်း စစ်ဘေးရှောင်အရေးကူညီနေသည့် Kayan Rescue Committee မှ ကိုချမ်းအေးကို လူထုနွေဦး(People's Spring )က ဆက်သွယ်မေးမြန်းထားပါသည်။