Connect with us

Hi, what are you looking for?

LuduNwayOo

သတင်း

ဒီပဲယင်းမြို့ပေါ်ရှိ ရပ်ကွက်ကို စစ်ကောင်စီတပ် မီးရှို့ဖျက်ဆီး

ယနေ့(သြဂုတ် ၉ရက်) နံနက်ပိုင်းက ဒီပဲယင်းမြို့ပေါ်ရှိ စစ်ကောင်စီတပ်က မြို့ပေါ်အနောက်ကွက်သစ် ဘုရင်ဂျီဂျောင်ကို မီးရှို့ဖျက်ဆီးခဲ့ပြီး လက်နက်ကြီးများဖြင့်လည်း ပစ်ခတ်နေကြောင်း ဒေသခံများက ပြောသည်။

(ထွက်ပြေးတိမ်းရှောင်နေရသည့် ဒေသခံပြည်သူများအား တွေ့ရစဥ်။ ဓာတ်ပုံ - ဒီပဲယင်းမြို့နယ်ညီနောင်များ)
(ထွက်ပြေးတိမ်းရှောင်နေရသည့် ဒေသခံပြည်သူများအား တွေ့ရစဥ်။ ဓာတ်ပုံ - ဒီပဲယင်းမြို့နယ်ညီနောင်များ)

▪️မြို့နယ်အနောက်ခြမ်းကိုပါ ပစ်ခတ်စီးနင်းနေ၍ ကျေးရွာ ၁၀ရွာထက်မနည်း ထွက်ပြေးနေရ

စစ်ကိုင်းတိုင်း၊ ဒီပဲယင်းမြို့ပေါ်ရှိ ရပ်ကွက်တစ်ခုကို စစ်ကောင်စီတပ်က မီးရှို့သွားပြီး မြို့နယ်အနောက်ခြမ်းရှိ ကျေးရွာများကိုပါ ပစ်ခတ်စီးနင်းနေ၍ ကျေးရွာ ၉ရွာထက်မနည်း ထွက်ပြေးတိမ်းရှောင်နေရကြောင်း ဒေသခံများက ပြောသည်။

ယနေ့(သြဂုတ် ၉ရက်) နံနက်ပိုင်းက ဒီပဲယင်းမြို့ပေါ်ရှိ စစ်ကောင်စီတပ်က မြို့ပေါ်အနောက်ကွက်သစ် ဘုရင်ဂျီဂျောင်ကို မီးရှို့ဖျက်ဆီးခဲ့ပြီး လက်နက်ကြီးများဖြင့်လည်း ပစ်ခတ်နေကြောင်း ဒေသခံများက ပြောသည်။

“မြို့ပေါ်တစ်နေရာ မီးရှို့ခံရတယ်တော့ ကြားတယ်။ အသေးစိတ်နဲ့အရေအတွက်တော့ စုံစမ်းနေဆဲပါ။ ဘုရင်ဂျီဂျောင်က နေအိမ်တစ်လုံးမီးရှို့ခံရတယ်လို့ သိရပါတယ်။”ဟု ဒီပဲယင်းမြို့နယ် စစ်ရှောင်ထောက်ပံ့ရေးအဖွဲ့ဝင်တစ်ဦးက ပြောသည်။

Public Service Announcement
Public Service Announcement

အလားတူ ယမန်နေ့က ရေဦးအနောက်ခြမ်းမှ ဒီပဲယင်းမြို့သို့ဝင်လာသည့် အင်အား ၁၅၀ ခန့်ပါ စစ်ကောင်စီစစ်ကြောင်းသည် ယနေ့နံနက်တွင် ဒီပဲယင်းအနောက်ခြမ်းရွာများသို့ လက်နက်ကြီးများပစ်ခတ်စစ်ကြောင်းထိုးလာ၍ ကျေးရွာ ၁၀ရွာထက်မနည်းတိမ်းရှောင်နေရကြောင်း ဒေသတွင်းသတင်းရင်းမြစ်များက ပြောသည်။

Public Service Announcement

Public Service Announcement

“မနေ့ကညနေပိုင်းနဲ့ ဒီနေ့မနက်ထွက်ပြေးတိမ်းရှောင်နေရသူ ၁သောင်းခွဲလောက်ရှိထားပြီ။ အခုလက်ရှိ အေးသာယာ(ခ)ပျံကျရွာမှာ တပ်စွဲထားတယ်။”ဟု ရေဦးမြို့နယ်အခြေပြုPeople’s Defense Comrade ပြန်ကြားရေးတာဝန်ခံ ကိုထူးခန့်ဇော်(အမေ့သား)က ပြောကြားသည်။

အဆိုပါ စစ်ကြောင်းကြောင့် ကြခတ်ကျေးရွာ၊ မန်ကျည်းစောက်ကျေးရွာ၊ ကြည်ရွာ၊ ဘုရားထွက်ကျေးရွာ၊ မန်ကျည်းအုပ်ကျေးရွာ၊ အေးသာယာကျေးရွာ၊ နဘဲလှကျေးရွာ၊ ပုဂံကျေးရွာ၊ လတ်တီးကျေးရွာ၊ ယင်းတွေကျေးရွာ စသည့်ကျေးရွာ ၁၀ရွာထက်မနည်းတိမ်းရှောင်နေရပြီး စစ်ရှောင်ပြည်သူများအား နီးစပ်ရာကျေးရွာမှ တတ်နိုင်သမျှ အကူညီပေးကြပါရန် ဒီပဲယင်းမြို့နယ် စစ်ရှောင်ထောက်ပံ့ရေးအဖွဲ့က မေတ္တာရပ်ခံထားသည်။

ဆက်စပ်သတင်းများ

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။

သတင်း

ခလရ(၁၄၂)အား KIA က မသိမ်းပိုက်မီ ယင်းတပ်ရင်းထဲမှ ကျပ်သိန်းပေါင်း ငါးသောင်းကျော်အား နယ်စပ်ဖြတ်ကျော်၍ ယူဆောင်လာခွင့်ပြုရန် စစ်ကောင်စီ၏တောင်းဆိုမှုကို တရုတ်ကပယ်ချခဲ့ကြောင်း People's Spring က စုံစမ်းသိရှိရသည်။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။