မြိတ်မြို့နယ်ရှိ စစ်ကောင်စီရှေ့တန်းစခန်းအား ဝင်ရောက်တိုက်ခိုက်မှုတွင် စစ်ကောင်စီဘက်မှ ထိခိုက်သေဆုံးမှုများကြောင်း မြိတ် (ပကဖ)မှ တာဝန်ရှိသူတစ်ဦးက ပြောသည်။
အောက်တိုဘာ ၂၀ ရက်နေ့နံနက် ၅ နာရီခွဲခန့်က မြိတ်-တနင်္သာရီလမ်းပိုင်းရှိ တုံးဗျောကြီးစစ် တပ်ရှေ့တန်းစခန်းအား မြိတ်(ပကဖ)၊ တနင်္သာ ရီ(ပကဖ)နှင့် KNDO တပ်ရင်း(၇)စသည့်ပူးပေါင်းစစ်ကြောင်းမှ ဝင်ရောက်တိုက်ခိုက်ခဲ့ရာ ယင်းနေ့နံနက် ၇ နာရီခွဲအထိ တိုက်ပွဲဖြစ် ပွားခဲ့သည်ဟုသိရသည်။
နှစ်နာရီ ခန့်ကြာသောအဆိုပါတိုက်ပွဲတွင် စစ်ကောင်စီတပ်ဘက်မှ ၁၃ ဦးသေဆုံးပြီး ခြောက်ဦးဒဏ်ရာရရှိကြောင်း၊ တော်လှန်ရေးပူးပေါင်းတပ်များဘက်မှ ရဲဘော်တစ်ဦး ထိခိုက်ဒဏ်ရာရှိကြောင်း မြိတ်(ပကဖ)မှ အသိပေးထားသည်။စခန်းကိုသိမ်းနိုင်လု အခြေအနေရောက်ပြီးမှ ကျည်နှင့်ခဲယမ်းနည်းလာ၍ မသိမ်းနိုင်ခဲ့ခြင်းဖြစ်ကြောင်းသိရသည်။ အဆိုပါစခန်းကို ယခုနှစ်ဇူလိုင်လကလည်းတော်လှန်ရေးအဖွဲ့များက တိုက်ခိုက်ခဲ့သေးကြောင်းသိ့ရသည်။
အလားတူ အောက်တိုဘာ ၂၁ ရက်နေ့ညနေ ၄ နာရီတွင် ငါးရံ့အင်းကျေးရွာအနီး နှစ်ဖက်ထိတွေ့တိုက်ပွဲထပ်မံဖြစ်ပွားခဲ့ရာ စစ်ကောင်စီတပ်ဘက်မှ ၂၀ ကျော်သေဆုံး၍ ပူးပေါင်းစစ်ကြောင်းမှ တော်လှန်ရေးရဲဘော်တစ်ဦးကျဆုံးခဲ့ကြောင်း မြိတ်(ပကဖ)က သိရသည်။
Public Service Announcement
စစ်ကောင်စီတပ် ထိခိုက်သေဆုံးမှုအခြေအနေကို People’s Spring မှ သီးခြားအတည်ပြုနိုင်ခြင်း မရှိသေးပေ။
ထို့ကြောင့် ၎င်းတို့တော်လှန်ရေးတပ်ဖွဲ့များအ နေဖြင့် စစ်ရေးလှုပ်ရှားမှုများ ဆက်လက်လုပ်ဆောင်လျှက်ရှိရာ ခရီးသွားများနှင့် ဒေသခံပြည်သူများအနေဖြင့် သတိပြုသွားလာနေ ထိုင်ကြရန် တိုက်တွန်းထားသည်။
