Connect with us

Hi, what are you looking for?

LuduNwayOo

သတင်း

ပဲခူးရိုးမဖြတ်လမ်းတွင် အရက်မူးပြီး စခန်းအပြင်ထွက်လာသည့် စစ်ကောင်စီတပ်သားနှစ်ဦး ပစ်ခတ်ခံရ၊ တစ်ဦးသေဆုံးဟုဆို

မင်းလှနယ်၊ ပဲခူးရိုးမအတွင်းရှိ ဘန့်ဘွေးကုန်းကျေးရွာတွင် တပ်ဆွဲထားသည့် စစ်ကောင်စီတပ်မှ တပ်သားနှစ်ဦးသည် အောက်တိုဘာ ၂၀ ရက် ည ၁၀နာရီခန့်က အရက်မူးပြီး စခန်းအပြင်သို့ ထွက်လာစဥ် တပ်ခွဲ-၅ ၏ ရဲဘော်များမှ အနီးကပ် တိုက်ခိုက်ခဲ့ခြင်းဖြစ်သည်။

(သာယာဝတီခရိုင် တပ်ရင်း ၃၈၀၂၊ တပ်ခွဲ ၅ မှ ရဲဘော်အချို့အား ပဲခူးရိုးမဖြတ် လမ်းတစ်နေရာ၌ တွေ့ရစဥ်။ ဓာတ်ပုံ - ပေးပို့)
(သာယာဝတီခရိုင် တပ်ရင်း ၃၈၀၂၊ တပ်ခွဲ ၅ မှ ရဲဘော်အချို့အား ပဲခူးရိုးမဖြတ် လမ်းတစ်နေရာ၌ တွေ့ရစဥ်။ ဓာတ်ပုံ - ပေးပို့)

ပဲခူးတိုင်း၊ မင်းလှမြို့နယ်တွင် အရက်မူးပြီး စခန်းအပြင်ထွက်လာသည့် စစ်ကောင်စီတပ်သားနှစ်ဦးကို အနီးကပ်ပစ်ခတ်တိုက်ခိုက်ခဲ့ကြောင်း သာယာဝတီခရိုင် တပ်ရင်း-၃၈၀၂၊ တပ်ခွဲ-၅ မှ ယနေ့(အောက်တိုဘာ ၂၆)အသိပေးထုတ်ပြန်သည်။

မင်းလှနယ်၊ ပဲခူးရိုးမအတွင်းရှိ ဘန့်ဘွေးကုန်းကျေးရွာတွင် တပ်ဆွဲထားသည့် စစ်ကောင်စီတပ်မှ တပ်သားနှစ်ဦးသည် အောက်တိုဘာ ၂၀ ရက် ည ၁၀နာရီခန့်က အရက်မူးပြီး စခန်းအပြင်သို့ ထွက်လာစဥ် တပ်ခွဲ-၅ ၏ ရဲဘော်များမှ အနီးကပ် တိုက်ခိုက်ခဲ့ခြင်းဖြစ်သည်။

“ခုပစ်လိုက်တဲ့နှစ်ကောင်က မူးပြီးထွက်လာတာ။ ကျွန်တော်တို့ရဲဘော်တွေက ကိစ္စတခုနဲ့ အဲ့ဘက်လာရင်း သူတို့ထွက်လာတာတွေ့လို့ အနီးကပ်ပစ်လိုက်တာ။ တကောင်က ၃ ချက် တစ်ကောင်က ၂ချက်”ဟု သာယာဝတီခရိုင် တပ်ရင်း-၃၈၀၂၊ တပ်ခွဲ-၅ မှ တာဝန်ရှိသူတစ်ဦးက People’s Spring သို့ ပြောသည်။

ထိုပစ်ခတ်မှု ဖြစ်ပွားပြီးနောက် သေဆုံးထိခိုက်မှုအား အတည်ပြုနိုင်ရန်စုံစမ်းခဲ့ရာ စစ်ကောင်စီတပ်သားတစ်ဦး နေရာတွင် သေဆုံးပြီး တစ်ဦးမှာ ပြင်းထန်ဒဏ်ရာရရှိခဲ့ကာ သေဆုံးရုပ်အလောင်းအား ညတွင်းချင်း ဖျောက်ဖျက်လိုက်ကြောင်း အတည်ပြုနိုင်ခဲ့ကြောင်း ၎င်းက ဆက်ပြောသည်။

Public Service Announcement

Public Service Announcement

အထက်ပါ ဘန့်ဘွေးကုန်းကျေးရွာသည် မင်းလှမြို့နယ်အပိုင် မင်းလှ-စိန်ကန့်လန့် ပဲခူးရိုးမဖြတ်လမ်းပေါ်တွင်တည်ရှိပြီး ယင်ကျေးရွာတွင် စစ်ကောင်စီတပ်မှ အင်အား ၂၀ ကျော်ဖြင့် အထိုင်ချတပ်စွဲထားခြင်း ဖြစ်သည်။

အောက်တိုဘာ ၂၂ ရက်ကလည်း မင်းလှနယ်၊ ပဲခူးရိုးမအတွင်းသို့ စစ်ကြောင်းထိုးလာသော စစ်ကောင်စီတပ်ကို သာယာဝတီခရိုင် တပ်ရင်း ၃၈၀၂၊ တပ်ခွဲ-၅ မှ ဧက ၂၀၀ ကျွန်းစိုက်ခင်းအနီး ကြားဖြတ်တိုက်ခိုက်ခဲ့သေးသည်။

ဆက်စပ်သတင်းများ

သတင်း

စဉ့်ကူးမြို့နယ် ဧရာဝတီမြစ်လယ်ရှိ ထုံးကြီးကျေးရွာစစ်ကောင်စီစခန်းကို မန္တလေး PDF ဦး‌ဆောင်သည့် ပြည်သူ့ကာကွယ်ရေးပူးပေါင်းတပ်များက ယနေ့(ဇူလိုင် ၁၈)ညနေပိုင်း၌ တိုက်ခိုက်သိမ်းယူစဉ် စစ်ကောင်စီတပ်သားနှင့် ပျူစောထီး ၄၀ဦးအား ဖမ်းမိထားကြောင်း သတင်းရရှိသည်။

သတင်း

ပြည်တွင်း၌ ဆန်ဈေးကြီးပြီး ဆန်​​​​ရောင်းဝယ်သူများကို ဖမ်းဆီးခြိမ်း​ခြောက်​နေ​သော်လည်း စစ်ကောင်စီက ပြည်ပသို့ ဆန်တင်ပို့မှုကိုမူ တိုးပို့နေကြောင်း ဆန်စပါးလုပ်ငန်းရှင်များထံမှသိရသည်။ 

ဗီဒီယို

မန္တလေးတိုင်း ၊မတ္တရာမြို့ နယ်ထဲက စစ်ကောင်စီတပ်စခန်းတွေကို ထိုးစစ်ဆင်ရာမှာ သုံးပတ်တာအတွင်း စခန်း ၃၀ နီးပါး ကို သိမ်းယူပြီးပြီလို့ မန္တလေး PDF က အသိပေးပါတယ်။

သတင်း

ချင်းပြည်နယ် မင်းတပ်မြို့နယ်တွင် စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့၍ အရပ်သားပြည်သူ သေဆုံးထိခိုက်မှုထပ်မံ ဖြစ်ပေါ်ခဲ့ကြောင်း မင်းတပ်ဒေသသတင်းရင်းမြစ်က အသိပေးထားသည်။