ပဲခူးတိုင်း၊ ကြို့ပင်ကောက်မြို့နယ်၊ ပဲခူးရိုးမအတွင်းရှိ ပုဇွန်ဆိတ်ဆင်ဝိုင်းတွင် တပ်စွဲထားသော စစ်ကောင်စီတပ်ကို နှစ်ရက်ဆက်တိုက်ခိုက်ခဲ့ကြောင်း သာယာဝတီခရိုင် တပ်ရင်း(၃၈၀၂)မှ တာဝန်ရှိသူတစ်ဦးက ပြောသည်။
ယမန်နေ့(နိုဝင်ဘာ ၁)နေ့လယ် ၁ နာရီခန့်က ပုဇွန်ဆိတ်ဆင်ဝိုင်းအတွင်း အင်အား ၃၀ ခန့်ဖြင့် အထိုင်ချတပ်စွဲထားသော စစ်ကောင်စီတပ်ကို သာယာဝတီခရိုင် တပ်ရင်း (၃၈၀၂)၊ တပ်ခွဲ ၆ Black Dragon (GBK-PDF)က သွားရောက်တိုက်ခိုက်ခဲ့ခြင်း ဖြစ်သည်။
တိုက်ခိုက်ချိန်တွင် စစ်ကောင်စီတပ်သားများ ထမင်းစားနားချိန်ဖြစ်သောကြောင့် တနေရာတည်းတွင် လူစုပြီး ထမင်းစားနေကြသည်ကို တွေ့ရပြီး ၎င်းနေရာတည့်တည့်အား (၄၀) မမဖြင့် ရှောင်တခင် ပစ်ခတ်ခဲ့ရာ စစ်ကောင်စီတပ်သား သုံးဦးသေဆုံးသွားကြောင်း တပ်ရင်း (၃၈၀၂)မှ တာဝန်ရှိသူက ပြောသည်။
ထို့နောက် စစ်ကောင်စီတပ်ဘက်မှ အနီးဝန်း ကျင်သို့ ရမ်းသမ်းပစ်ခတ်ခဲ့သော်လည်း တော် လှန်ရေးရဲဘော်များဟအထိအခိုက်မရှိ ပြန် လည် ဆုတ်ခွာနိုင်ခဲ့ကြောင်း ၎င်းက ဆက်ပြောသည်။
Public Service Announcement
အလားတူ ယနေ့နံနက် ၁၀ နာရီခန့်တွင် ပုဇွန်ဆိတ်ဆင်ဝိုင်းတပ်စခန်းသို့ သာယာဝတီခရိုင် တပ်ရင်း ၃၈၀၁မှ ဒုတိယအကြိမ် သွားရောက်တိုက်ခိုက်ခဲ့ပြီး တိုက်ပွဲအခြေအနေအား အသေးစိပ် မသိရသေးပေ။
အဆိုပါ ပဲခူးရိုးမ၊ ပုဇွန်ဆိတ်ဆင်ဝိုင်းအတွင်း တပ်စွဲထားသော စစ်ကောင်စီတပ်သည် မြစ်ချိုးရန်လာသော ဒေသခံပြည်သူငါးဦးခန့်ကို ဓားစာခံအဖြစ် ဖမ်းဆီးထားကြောင်း စုံစမ်းသိရသည်။
