ကရင်ပြည်နယ်၊ ကြာအင်းဆိပ်ကြီးမြို့နယ်မှာ ပြီးခဲ့တဲ၁၀ ရက်တာအတွင်းဖြစ်ပွားတဲ့ တိုက်ပွဲတွေမှာ နှစ်ဖက်အကျအဆုံးရှိတယ်လို့ NUG ကာကွယ်ရေးဝန်ကြီးဌာနလက်အောက်ခံ အထူးစစ်ဆင်ရေးတပ်ဖွဲ့ ကအသိပေးပါတယ်။
တိုက်ပွဲတွေဟာ KNU တပ်မဟာ ၆နယ်မြေထဲမှာ အောက်တိုဘာလ ၂၇ ရက်၊ ၂၈ ရက်နဲ့ နိုဝင်ဘာလ ၂ ရက်နေ့မှာဖြစ်ပွားခဲ့တာပါ။
အောက်တိုဘာလကုန်ပိုင်းက တိုက်ပွဲတွေဟာ ကြာအင်းဆိပ်ကြီးဒေသ ဖိုးချီးမူးတပ်စခန်းကို ရိက္ခာနဲ့ ခဲယမ်း ပို့ဆောင်တဲ့ စစ်ကောင်စီ စစ်ကြောင်းကို KNU နဲ့ ပူးပေါင်းတပ်တွေက ကြားဖြတ်တိုက်ခိုက်တာတာလို့သိရပါတယ်။
နိုဝင်ဘာလ ၂ ရက်တိုက်ပွဲကတော့ ကြာအင်းဆိပ်ကြီးမြို့ပေါ်မှာ စစ်ကောင်စီတပ်စွဲထားတဲ့ ရဲစခန်း ၊ထွေအုပ်၊ လဝက ၊သစ်တောနဲ့မီးသတ်ရုံးတွေကို ဝင်တိုက်တာလို့သိရပါတယ်။
Public Service Announcement
အဲဒီနေ့မှာပဲ ကြာအင်းဆိပ်ကြီးမြို့နယ် ထိုင်း − မြန်မာ နယ်စပ် က စစ်ကောင်စီရဲ့ ကွီလုံတိုင် စခန်းကို KNU နဲ့ ပူးပေါင်းတပ်တွေ ဝင်တိုက်ပါတယ်။
၁၀ ရက်ကာလ တိုက်ပွဲဖြစ်စဉ်အတွင်း စစ်ကောင်စီဘက်က ၄၀ ကျော်အကျအဆုံးရှိတယ်လို့ အထူးစစ်ဆင်ရေးအဖွဲ့ရဲ့ထုတ်ပြန်ချက်မှာဖော်ပြပါတယ်။ ပူးပေါင်းတပ်တွေဘက်က တပ်ဖွဲ့ဝင်အချို့ လည်းကျဆုံးတယ်လို့ သိရပါတယ်။
