Connect with us

Hi, what are you looking for?

သတင်း

တောင်ကြီးတန်ဆောင်တိုင်ပွဲတော်အား ပြင်းထန်စွာကန့်ကွက်ပြီး ပြည်သူများသွားရောက်ခြင်းမပြုရန် အောင်ပန်းမြို့ပြပြောက်ကျားတပ်စု မေတ္တာရပ်ခံ

စစ်ကောင်စီတပ်သည် ရှမ်းပြည်နယ်မြောက်ပိုင်း၌ ညီနောင်မဟာမိတ်တပ်များနှင့်တိုက်ပွဲများဖြစ်ပွားနေချိန် ရှမ်းပြည်နယ်တောင်ပိုင်းတွင်မူ အေးချမ်းနေသယောင် တန်ဆောင်တိုင်ပွဲတော်ကျင်းပကာ သရုပ်ပြရန် ကြိုးစားနေခြင်းဖြစ်သည်။

အာဏာသိမ်းစစ်ကောင်စီ၏ တောင်ကြီးတန်ဆောင်တိုင်အား ဆန့်ကျင်ဆန္ဒပြနေသည့် ဒေသခံလူငယ်များအားတွေ့ရစဥ်။ ဓာတ်ပုံ-Urban Task Force Aung Ban - UTF
အာဏာသိမ်းစစ်ကောင်စီ၏ တောင်ကြီးတန်ဆောင်တိုင်အား ဆန့်ကျင်ဆန္ဒပြနေသည့် ဒေသခံလူငယ်များအားတွေ့ရစဥ်။ ဓာတ်ပုံ-Urban Task Force Aung Ban - UTF

ရှမ်းပြည်နယ်၊ တောင်ကြီးမြို့တွင် စစ်ကောင်စီက ပြုလုပ်မည့် တန်ဆောင်တိုင်ပွဲတော်အားပြင်းထန်စွာကန့်ကွက်ပြီး ပြည်သူများအနေဖြင့် သွားရောက်ခြင်းမပြုရန် အောင်ပန်းမြို့ပြ ပြောက်ကျားတပ်စုက မေတ္တာရပ်ခံသည်။

တစ်နိုင်ငံလုံး၌ စစ်ကောင်စီတပ်နှင့် ပြည်သူ့ကာကွယ်ရေးတပ်တို့အကြား နေ့စဥ်ရက်ဆက်တိုက်ပွဲပြင်းထန်နေချိန်တွင် ရှမ်းပြည်နယ်မြို့တော် တောင်ကြီးနှင့် ကလောမြို့တို့တွင် တန်ဆောင်တိုင်ပွဲများ ကျင်းပကြမည့်အပေါ် ပြင်းထန်စွာကန့်ကွက်ကြောင်း အောင်ပန်းမြို့ပြ ပြောက်ကျားတပ်စုက နိုဝင်ဘာ၁၈ ရက်တွင် ထုတ်ပြန်သည်။

အာဏာလုစစ်ကောင်စီကို တစ်နိုင်ငံလုံးနှင့် အနီးစပ်ဆုံးပြည်နယ် ကယား(ကရင်နီ)ပြည်နယ်မှ တွန်းလှန်တိုက်ခိုက်နေချိန် ရှမ်းပြည်နယ်၌ ပျော်ပွဲရွှင်ပွဲအတွက် ပြင်ဆင်နေသည်မှာ အော့နှလုံးနာစရာကောင်းကြောင်း အောင်ပန်းမြို့ပြ ပြောက်ကျားတပ်စုက ဆိုသည်။

ထို့ကြောင့် ပြည်သူများအနေဖြင့် ယခုကာလတွင် ဒုက္ခဆင်းရဲခံနေကြရသော တိုင်းရင်းသား ညီအစ်ကိုများအတွက် စာနာသည့်အနေဖြင့် မိမိတို့စိတ်ဆန္ဒများအား သည်းခံပြီး အာဏာသိမ်းစစ်ကောင်စီကပြုလုပ်သော ပျော်ပွဲ၊ရွှင်ပွဲများအား သွားရောက်ခြင်းမပြုကြရန် မေတ္တာရပ်ခံကြောင်း အောင်ပန်းမြို့ပြ ပြောက်ကျားတပ်စုက အသိပေးထားသည်။

Public Service Announcement

Public Service Announcement

“သင်တို့သွားမယ့် ​ဒေသရဲ့ မနီးမဝေးမှာ သင်တို့သွားတဲ့ဒေသက နယ်ခံတွေ အသက်တွေ စတေးပြီး လုံးပမ်းနေရပါတယ် ။ တိုင်းပြည်အေးချမ်းနေတာ မဟုတ်ကြောင်း သတိလေးချပ်စေချင်ပါတယ်။ ပြည်သူတွေ ထိခိုက်မှာကို မလိုလားတဲ့ ကျွန်တော်တို့ Urban Task Force Aung Ban – UTF အောင်ပန်းမြို့ပြပြောက်ကျားတပ်စုအနေနဲ့ ပြည်သူတွေ ပွဲကို မသွားကြဖို့ ၊ ကိုယ့်အသက်ကိုယ့်မိသားစုအသက်အန္တရာယ်ကိုလဲ ကာကွယ်ရင်း စစ်ကောင်စီက အတင်းစီစဥ်တဲ့ပွဲတွေကို Boycott ပေးကြပါလို့ မေတ္တာရပ်ခံလိုပါတယ်။”ဟု အောင်ပန်းမြို့ပြပြောက်ကျားတပ်စုက ရေးသားသည်။

“ကျွန်တော်တို့က ခြိမ်းခြောက်တဲ့သဘောမဟုတ်ဘဲ ပြည်သူတွေ ထိခိုက်မှာစိုးလို့ မေတ္တာရပ်ခံတာပါ။ ပြည်သူတွေကို အန္တရာယ်များတဲ့ အပြင်ပွဲတွေမသွားဘဲ မိသားစုနဲ့ အိမ်မှာပဲ ပျော်ပျော်ရွှင်ရွှင် လွှတ်ကြဖို့ ​မေတ္တာရပ်ခံချင်တာပါ။”ဟု ဟု အောင်ပန်းမြို့ပြပြောက်ကျားတပ်စုမှ တာဝန်ခံ ဗိုလ်လိပ်ပြာက ပြောသည်။

စစ်ကောင်စီတပ်သည် ရှမ်းပြည်နယ်မြောက်ပိုင်း၌ ညီနောင်မဟာမိတ်တပ်များနှင့်တိုက်ပွဲများဖြစ်ပွားနေချိန် ရှမ်းပြည်နယ်တောင်ပိုင်းတွင်မူ အေးချမ်းနေသယောင် တန်ဆောင်တိုင်ပွဲတော်ကျင်းပကာ သရုပ်ပြရန် ကြိုးစားနေခြင်းဖြစ်သည်။

ဆက်စပ်သတင်းများ

သတင်း

ရှမ်းပြည်နယ် ​တောင်ပိုင်းတွင် စစ်သားသစ်စု​ဆောင်းခံရ​သောလူငယ်နှစ်ဦး ၂ ရက်ဆက်သတ်​သေမှုဖြစ်

သတင်း

လူသိများတဲ့ ပြင်ဦးလွင် တန်ဆောင်တိုင်ပွဲကို မြို့ပြင် ပြည်ချစ်ဘုရားရှေ့ ကွင်းပြင်မှာ နိုဝင်ဘာလ ၂၄ ရက်ကနေ ၂၈ ရက်အထိ စည်စည်ကားကား ကျင်းပဖို့စစ်ကောင်စီက စီစဉ်ထားတာပါ။

သတင်း

စိုင်းစစ်အောင်ကို ပြီးခဲ့တဲ့မေလ ၁၃ ရက် ကဖမ်းဆီးသွားတာဖြစ်ပြီး ဒီနေ့အချိန်ထိ ဖမ်းဆီးထားတဲ့ နေရာကိုမသိရကြောင်း တောင်ကြီး ပညာရေးဒီဂရီကောလိပ်ကျောင်းသားများသမဂ္ဂက ထုတ်ပြန်ပါတယ်။

သတင်း

နောက်နောင် ယခုကဲ့သို့ ထပ်မဖြစ်အောင်နှင့် အမှားနည်းအောင် အတတ်နိုင်ဆုံးကြိုးစားသွားမည်ဖြစ်ပြီး ထို့ကြောင့် ပြည်သူများအနေဖြင့်လည်း မည်သည့် UG အဖွဲ့အစည်းကိုမဆို တတ်နိုင်သည့်ဘက်မှ ကူညီပေးကြရန် မေတ္တာရပ်ခံထားသည်။