မန္တလေးတိုင်း၊ ငါန်းဇွန်မြို့နယ်ရှိ စစ်ကောင်စီခန့်ကျေးရွာအုပ်ချုပ်ရေးမှူးတစ်ဦး နှစ်ကြိမ်မြောက် ပစ်ခတ်ခံရပြီးနောက် သေဆုံးခဲ့ကြောင်း နောင်ရိုးအထူးပြောက်ကျားတပ် -NYSGFအဖွဲ့၏ တာဝန်ခံက ပြောသည်။
ယမန်နေ့ (နိုဝင်လာ၃၀ ရက်)နံနက် ၇နာရီခန့်က ငါန်းဇွန်မြို့နယ်၊ မိုးတောင်(၆)ကျေးရွာ စစ်ကောင်စီခန့် အုပ်ချုပ်ရေးမှူး သက်ခိုင်ဆိုသူသည် လက်ဖက်ရည်သောက်နေစဥ် ပစ်ခတ်ရှင်းလင်းခံရခြင်းဖြစ်သည်။
၎င်းသည် စစ်တပ်အာဏာသိမ်းပြီးချိန်မှ ယနေ့အထိ စစ်ကောင်စီလက်အောက်တွင် တာဝန်ထမ်းဆောင်နေခြင်း၊ လက်နက်ကိုင်ပျူစောထီးခေါင်းဆောင်လည်း ဖြစ်နေခြင်းတို့ကြောင့် ရှင်းလင်းခြင်းဖြစ်ကြောင်း၊ ၂၀၂၁ ဒီဇင်ဘာကလည်း တစ်ကြိမ်ပစ်ခတ်ရှင်းလင်းခဲ့သော်လည်း သေဆုံးခြင်းမရှိကြောင်း နောင်ရိုးအထူးပြောက်ကျားတပ် -NYSGFအဖွဲ့၏ တာဝန်ခံက ပြောသည်။
“သူက ဒါကောဆိုနှစ်ခါရှိပြီဗျ။ ပထမတစ်ခါပစ်တုန်းက မသေဘူး။ လေးချက်မှန်တာ။ ဆေးရုံတက်ကုတာ ပြန်ရှင်လာတာ။ သေရွာပြန်ပေါ့။ခုတစ်ခါတော့ အရှည် သုံးလက်နဲ့ အနီးကပ်ဝိုင်းပစ်တာဆိုတော့ ပွဲချင်းပြီးသွားတယ်။ ဘေးကလူထိခိုက်တာမျိုးမရှိဘူး။”ဟု NYSGFအဖွဲ့၏ တာဝန်ခံက ပြောသည်။
Public Service Announcement
သေဆုံးသူ အုပ်ချုပ်ရေးမှူးထံမှပွိုင့်22 လက်လုပ်အတို၂လက်၊ လက်ပစ်ဗုံး နှစ်လုံး၊ လက်ကိုင်ဖုန်း တစ်လုံးနှင့် ကျပ် (၁)သိန်းကျော်တို့အား သိမ်းဆည်းရမိခဲ့ပြီး ၎င်း၏ ဖုန်းမှအရေးကြီးအချက်အလက်များလည်းရှာဖွေတွေ့ရှိခဲ့ကြောင်း နောင်ရိုးအထူးပြောက်ကျားတပ် -NYSGFက အသိပေးသည်။
ယင်းစစ်ဆင်ရေးကို နောင်ရိုးအထူးပြောက်ကျားတပ် -NYSGF နှင့် Fight Stars . Special task Force . myingyan 8 Stars. Myingyan MP-9 အဖွဲ့တို့ ပူးပေါင်းတိုက်ခိုက်ခဲ့ခြင်းဖြစ်သည်။
