Connect with us

Hi, what are you looking for?

LuduNwayOo

သတင်း

ကန့်ဘလူမြို့နယ် မလည်ရွာစခန်းသိမ်းတိုက်ပွဲ စစ်ကောင်စီတပ် ထိခိုက်မှုများ

မလည်ကျေးရွာသည် ယမန်နှစ် ဧပြီ ၈ ရက်က လေကြောင်းတိုက်ခိုက်မှုကြောင့် ဒေသခံပြည်သူ ၁၆၈ဦး သေဆုံးခဲ့ရသည့် ပဇီကြီးရွာနှင့် မနီးမဝေးတွင် တည်ရှိသည်။

(တိုက်ပွဲကြောင့် ထွက်ပြေးတိမ်းရှောင်လာသော ပြည်သူများအား တွေ့ရစဥ်။ ဓာတ်ပုံ - CJ)
(တိုက်ပွဲကြောင့် ထွက်ပြေးတိမ်းရှောင်လာသော ပြည်သူများအား တွေ့ရစဥ်။ ဓာတ်ပုံ - CJ)

▪️လက်နက်ခဲယမ်းများ သိမ်းဆည်းရမိပြီး စခန်းအား မီးရှို့ဖျက်ဆီး

အောင်ဇေယျ/People’s Spring

စစ်ကိုင်းတိုင်း၊ ကန့်ဘလူမြို့နယ်၊မလည်ကျေးရွာစခန်းသိမ်းတိုက်ပွဲတွင် စစ်ကောင်စီတပ် ထိခိုက်သေဆုံးမှုများပြီး လက်နက်ခဲယမ်းများသိမ်းဆည်းရမိကာ စခန်းအား မီးရှို့ဖျက်ဆီးနိုင်ခဲ့ကြောင်း ဒေသတွင်းတော်လှန်ရေးအင်အားစုများက ပြောသည်။

ယမန်နေ့ (မေလ ၇ ရက်) နံနက် ၅ နာရီ ၁၅မိနစ် ခန့်က ကန့်ဘလူမြို့နယ်၊ မလည်ကျေးရွာရှိ စစ်ကောင်စီအထိုင်စခန်းအား ကန့်ဘလူခရိုင် PDFတပ်ရင်းတပ်ဖွဲ့များက ဝင်ရောက်တိုက်ခိုက်ခဲ့သည်။

စစ်ကောင်စီတပ်အထိနာ၍ Mi35 တိုက်ခိုက်ရေး ရဟတ်ယာဉ်ဖြင့် ၁၀ ကြိမ်၊ ဂျက်ဖိုက်တာဖြင့် ၆ ကြိမ်နှင့် Y-12စစ်ထောက်ပို့ယာဉ်တစ်စီးတို့ဖြင့် ၃နာရီနီးပါးပျံဝဲကာ ၁၆ကြိမ် ဗုံးသီးချတိုက်ခိုက်ခဲ့ပြီး မန္တလေးတိုင်းဘက်ခြမ်းမှလည်း ဟောင်ဝစ်ဇာဖြင့် အကြိမ်၅၀ထက်မနည်း ပစ်ကူပေးခဲ့ကြောင်း ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့က ပြောသည်။

Public Service Announcement

Public Service Announcement

(တိုက်ပွဲကြောင့် ထွက်ပြေးတိမ်းရှောင်လာသော ပြည်သူများအား တွေ့ရစဥ်။ ဓာတ်ပုံ - CJ)
(တိုက်ပွဲကြောင့် ထွက်ပြေးတိမ်းရှောင်လာသော ပြည်သူများအား တွေ့ရစဥ်။ ဓာတ်ပုံ – CJ)

တော်လှန်ရေးတပ်ဖွဲ့များက ဘန်ကာများအား ဖြိုဖျက်ကာ စခန်းကုန်းအား သိမ်းပိုက်နေရာယူနိုင်ခဲ့သည်။

တိုက်ပွဲကြာချိန် ၈ နာရီခန့်ရှိပြီး စစ်ကောင်စီတပ်ဘက်မှ အထိအခိုက်သေဆုံးမှုများပြီး လက်နက်ခဲယမ်းအချို့လည်း သိမ်းဆည်းရမိကြောင်း သိရသည်။

စစ်ကောင်စီကလည်း နေ့လယ်ပိုင်းတွင် ယမနေပျူစောထီးရွာမှ အင်အား ၁၅၀ခန့်၊ မန္တလေးတိုင်းဘက်ခြမ်းမှ အင်အား ၇၀ခန့်တို့ဖြင့် ကုန်ကြောင်း၊ ရေကြောင်းများမှ စစ်ကူဝင်ရာက်လာကြောင်း၊ လေကြောင်းပစ်ခတ်မှုများနှင့် စစ်ကူများရောက်ရှိလာခြင်းကြောင့် ဆုတ်ခွာခဲ့သည်ဟု ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့က ပြောသည်။

“မန္တလေးဘက်ခြမ်းရော တခြားဘက်ကနေကော တိုးလာတာရော လေကြောင်းပစ်ကူရောဆိုတော့ စခန်းကုန်းရောက်မှ ဘန်ကာတွေမီးရှို့ပြီး ပြန်ဆုတ်ခဲ့ရတယ်။ ထိုင်လို့တော့မရဘူးပေါ့။ “ဟု ဒေသတွင်းတော်လှန်ရေးရဲဘော်တစ်ဦးက ပြောသည်။

တော်လှန်ရေးတပ်ဖွဲ့များမှကလည်း ထိခိုက်ကျဆုံးသူအချို့ရှိခဲ့သည်ဟု သိရပြီး အသေးစိတ်မသိရသေးပေ။

တိုက်ပွဲများကြောင့် မလည်တိုက်နယ်အတွင်းရှိ ကျေးရွာအများအပြားမှ ပြည်သူအများအပြားထွက်ပြေးတိမ်းရှောင်နေရကြောင်း သိရသည်။

မလည်ကျေးရွာသည် ယမန်နှစ် ဧပြီ ၈ ရက်က လေကြောင်းတိုက်ခိုက်မှုကြောင့် ဒေသခံပြည်သူ ၁၆၈ဦး သေဆုံးခဲ့ရသည့် ပဇီကြီးရွာနှင့် မနီးမဝေးတွင် တည်ရှိသည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။