Connect with us

Hi, what are you looking for?

LuduNwayOo

သတင်း

ရှမ်းပြည်နယ်​မြောက်ပိုင်း ​ကျောက်မဲ၊ သီ​ပေါ၊ ​နောင်ချို နှင့် ပြင်ဦးလွင် ခရိုင်တွင်တိုက်ပွဲများဖြစ်

ပြည်သူ့ကာကွယ်ရေးတပ်မတော်ကျောက်မဲခရိုင်တပ်ရင်းကလည်း မြို့နယ်အတွင်း တိုက်ပွဲစတင်ဖြစ်ပွားပြီဟု ယနေ့နံနက် သတိပေးထားသည်။

မြောက်ပိုင်းညီ​နောင်မဟာမိတ် သုံး​ဖော် နှင့် မန္တ​လေး PDFတပ်ဖွဲ့ဝင်များ
မြောက်ပိုင်းညီ​နောင်မဟာမိတ် သုံး​ဖော် နှင့် မန္တ​လေး PDFတပ်ဖွဲ့ဝင်များ

▪︎​တော်လှန်​ရေးလှိုင်းတစ်လှိုင်း ၊ ၁၀၂၇ ဒုတိယလှိုင်း လာပြီဟု​တော်လှန်​ရေးအင်အားစုများ​ပြော

ဇော်ရမ်း ၊ဒီပ /People’s Spring

ရှမ်းပြည်နယ်မြောက်ပိုင်း ကျောက်မဲ၊ သီပေါ၊ နောင်ချိုမြို့အနီးပတ်ဝန်းကျင်နှင့် ပြည်ထောင်စုလမ်းမပေါ်၌ ယနေ့(ဇွန်လ ၂၅ရက်) နံနက်ပိုင်း တိုက်ပွဲပြင်းထန်စွာပြန်လည်ဖြစ်ပွားပြီးနောက် ကျောက်မဲမြို့‌ပေါ်တွင် လူအသွားအလာမရှိတော့ဘဲ တိတ်ဆိတ်နေသည်။

“မနက်၇နာရီမှစပြီးနောင်ချို့မြို့ပတ်ဝန်းကျန် ၊ကျောက်မဲ မြို့ပတ်ဝန်းကျင် ၊ သီပေါမြို့ ပတ်ဝန်းကျင် ၊မြောက်ပိုင်းမဟာမိတ်အဖွဲ့နဲ့စကစပစ်ခတ်မှုတွေဖြစ်နေပါပြီ”ဟု ​ဒေသခံတစ်ဦးက ​ပြောသည်။

မြောက်ပိုင်းညီ​နောင်မဟာမိတ် သုံး​ဖော် နှင့် မန္တ​လေး PDFတပ်ဖွဲ့ဝင်များ
မြောက်ပိုင်းညီ​နောင်မဟာမိတ် သုံး​ဖော် နှင့် မန္တ​လေး PDFတပ်ဖွဲ့ဝင်များ

ဇွန် ၂၄ ရက်ညတွင် မန္တ​လေးတိုင်း၊ပြင်ဦးလွင်ခရိုင်ရှိ မိုးကုတ်မြို့တွင် တိုက်ပွဲပြင်းထန်စွာဖြစ်ပွားပြီး ဇွန် ၂၅ ရက်မနက်တွင် ရှမ်းပြည်နယ်​မြောက်ပိုင်းရှိ ​မြို့အချို့တွင်တိုက်ပွဲများ ပြန်လည်ဖြစ်ပွားလာခြင်းဖြစ်သည်။

Public Service Announcement

Public Service Announcement

မြို့ အနီးဝန်းကျင် ​ဒေသများတွင် မြောက်ပိုင်းမဟာမိတ်တပ်ဖွဲ့ဝင်များ ရောက်ရှိနေပြီး ၊စစ်​ကောင်စီတပ်စခန်းများကို တိုက်ခိုက်​နေခြင်းဖြစ်​ကြောင်းဒေသခံအချို့ကပြောသည်။

▪︎သီ​ပေါ

သီ​ပေါမြို့တွင် လမ်းသွားလမ်းလာမရှိ​တော့ဘဲ ​ခြောက်ကပ်​နေပြီး စစ်​ကောင်စီဝန်ထမ်းများမှာလည်း ယ​​နေ့မနက် ယူနီ​ဖောင်းမဝတ်ကြ​တော့​ကြောင်း​ဒေသခံများက​ပြောသည်။

သီ​ပေါမြို့ နှင့် အနီးဝန်းကျင်​ကျေးရွာများရှိ ပြည်သူများစစ်​​ဘေး​ရှောင်​နေကြပြီဖြစ်​ကြောင်း​ဒေသခံအချို့က​ပြောသည်။

“ကားရှိသူတွေလည်းထွက်ပြေးကြတာရှိသလို ၊မပြေးနိုင်သူတွေလည်းရှိနေပါတယ်။ သီပေါပြည်သူလူထုအနေနဲ့စကစရဲ့မမြင်မကန်းပစ်တတ်တဲ့ဟောင်ဝစ်ဇာ နဲ့ ၆၀မမ ၁၂၀မမ ၊လေယာဥ်ပျံစတာတွေအတွက်ပူပန်ကြောက်ရွံ့နေရပါတယ်”ဟု ​ဒေသခံတစ်ဦးက​ပြောသည်။

သီ​ပေါမြို့ ပြင်တွင် စစ်​ကောင်စီတပ်၏ ခမရ (၅၀၃) ၊ ခမရ (၅၀၄ ) ၊ ခလရ (၂၃ ) ရှိပြီး မြို့တွင်း​နေရာအချို့ ၌ စစ်​ကောင်စီတပ်က တပ်စွဲထားသည်။

၁၀၂၇စစ်ဆင်ရေးအတွင်း ပျက်စီးသွားခဲ့ပြီး ယာယီပြန်တည်ဆောက်နေသည့် သီပေါမြို့ရှိ ဒုတ္ထဝတီမြစ်ကူး ကျင်သီတံတားလည်း ယနေ့နံနက်ပိုင်း၌ ထပ်မံပျက်စီးသွားပြီဟု ဒေသခံများကပြောသည်။

မြောက်ပိုင်းညီ​နောင်မဟာမိတ် သုံး​ဖော် နှင့် မန္တ​လေး PDFတပ်ဖွဲ့ဝင်များ
မြောက်ပိုင်းညီ​နောင်မဟာမိတ် သုံး​ဖော် နှင့် မန္တ​လေး PDFတပ်ဖွဲ့ဝင်များ

▪︎​ကျောက်မဲ

ယ​နေ့နံနက် ကျောက်မဲမြို့ တိုက်ပွဲသည် မန္တလေး- မူဆယ်ပြည်ထောင်စုလမ်းမပေါ်ရှိ စခန်းသာနှင့် ကျောက်မဲမြို့ဘိုးဘွားရိပ်သာအနီး တောင်နောက်ရွာ၌ စစ်ကောင်စီစစ်ကြောင်းရောက်ရှိလာ၍ TNLA၊PDFပူးပေါင်းတပ်ဖွဲ့နှင့် ဖြစ်ပွားခြင်းဟု ဒေသခံများကပြောသည်။

” စစ်တပ်ကရှေ့တိုးလာတော့ တိုက်ပွဲဖြစ်မှာကိုကြိုသိကြတယ်။ ဒါပေမဲ့အခုကအရမ်းမြန်နေတယ်။ ရှေ့ဆက်ပြီးတော့ ချကြတော့မယ်” ဟု မြို့ခံတဦးကပြောသည်။

ပြည်သူ့ကာကွယ်ရေးတပ်မတော်ကျောက်မဲခရိုင်တပ်ရင်းကလည်း မြို့နယ်အတွင်း တိုက်ပွဲစတင်ဖြစ်ပွားပြီဟု ယနေ့နံနက် သတိပေးထားသည်။

မြို့ခံများသည် ဘေးလွတ်ရာသို့တိမ်းရှောင်နိုင်ရေး ပြင်ဆင်နေကြသည်။ ပြည်ထောင်စုလမ်းမပေါ်တွင်သွားလာနေသော ခရီးသွားများ လုံခြုံရေးသတိပြုကြရန် ကျောက်မဲမြို့ခံများကသတိပေးသည်။ လက်ရှိတွင် ကျောက်မဲမြို့အဝင်အထွက်လမ်းကို စစ်ကောင်စီကပိတ်ထားကြောင်းဒေသခံများကပြောသည်။

▪︎​နောင်ချို

​နောင်ချို့မြို့နယ်တွင်လည်း ​တော်လှန်​ရေးတပ်များနှင့် စစ်​ကောင်စီတပ်တို့ကြား ယ​နေ့မနက်မှ စ၍ တိုက်ပွဲဖြစ်ပွား​နေသည်။

​နောင်ချို မြို့ နယ်ရှိ အုမ္မတီလမ်းခွဲ ၊ ကျောက်ကြမ်း စ​သော​နေရာများတွင်တိုက်ပွဲဖြစ်ပွား​နေ​ကြောင်းသိရပြီး သတင်းအ​သေးစိပ်ကိုမူ မသိရ​သေး​ပေ။

​ကျောက်မဲမြို့ ဇွန် ၂၅ ရက်မနက်မြင်ကွင်း
​ကျောက်မဲမြို့ ဇွန် ၂၅ ရက်မနက်မြင်ကွင်း

▪︎မိုးကုတ်

မိုးကုတ်မြို့ အနီးဝန်းကျင်တွင် ဇွန် ၂၄ ရက်ညမှ စ၍ ​တော်လှန်​ရေးတပ်များနှင့် စစ်​ကောင်စီတပ် အပြင်းအထန်တိုက်ပွဲဖြစ်ခဲ့​ကြောင်း ​ဒေသခံများက​ပြောသည်။

“မြို့ပြင်ကို ပစ်တာပေမယ့် မီးပွားတွေ မြို့လယ်အင်းထဲလောက်ကိုတော့ဖွာကျသွားတာတွေ့လိုက်တယ်သတိတော့ထားကျပါ”ဟု ​ဒေသခံပြည်သူတစ်ဦးကအချင်းချင်းသတိ​ပေးထားသည်။

“အသံတွေ ကြားနေရတယ်အကျယ်ကြီးပဲ။ ကြောက်လိုက်တာ”ဟု​ဒေသခံတစ်ဦးက ​ဒေသခံများစုဖွဲ့သတင်းဖလှယ်​သောဂရုတစ်ခုတွင်​ပြောထားသည်။

” မိုးကုတ်မှာ ပြင်းအားကြီးတဲ့အသံတွေ ကြားနေရတယ်။

မြို့လယ် အင်းထဲထိ မီးပွါးတွေထိုးကျသွားတယ်ကြားတယ်။

အသိသတိနဲ့ နားစွင့်ပြီးနေကြပါ။လိုအပ်တာတွေကို ထုပ်ပိုးထားပါ ၊အဆင်သင့်ပြင်ထားပါ၊လိုအပ်လာရင် အချင်းချင်းဝိုင်းကူပေးကြပါ ။ပြည်သူတွေမှာ ပြည်သူတွေရှိတယ်

မိုးကုတ်သား/သူ တွေက အမြဲ စည်းလုံးပါတယ်

အရမ်းလဲ ကူညီတတ်တယ်”ဟု ​ဒေသခံတစ်ဦးကလည်းပြည်သူအချင်းချင်းစည်းလုံးကူညီကြရန်​ရေးသားထားသည်။

မိုးကုတ်တိုက်ပွဲဖြစ်ပွားမှုအ​ခြေအ​နေ​နောက်ဆက်တွဲကို People’s Spring ကစုံစမ်း​နေဆဲဖြစ်ပါသည်။

မန္တ​​လေး-မူဆယ် ပြည်ထောင်စုလမ်းမပေါ်သို့ရောက်ရှိနေသည်ကားများ ရောက်ရာနေရာ၌ရပ်တန့်ထားကြရန် ဒေသခံများကပြည်သူ အချင်းချင်း သတိပေးနေသည်။

“ရှမ်း/မြောက် ပြည်ထောင်စုလမ်းမကြီးတစ်လျှောက် သီပေါ မှ နောင်ချို အထိ ခရီးသွားယာဉ်များ ရောက်တဲ့နေရာမှာရပ်နားထားကြပါရန်”ဟု​ဒေသခံပြည်သူတစ်ဦးကလည်း ​ဖေစ်ဘွခ်မှတစ်ဆင့် ပြည်သူများသို့အသိ​ပေးထားသည်။

​ကျောက်မဲမြို့ ဇွန် ၂၅ ရက်မနက်မြင်ကွင်း
​ကျောက်မဲမြို့ ဇွန် ၂၅ ရက်မနက်မြင်ကွင်း

▪︎မတ္တရာ

မတ္တရာမြို့နယ်တွင်လည်း ​အနည်းဆုံး​နေရာသုံးခုတွင် တိုက်ပွဲများဖြစ်ပွား​နေ​ကြောင်း​ဒေသခံအချို့က​ပြောသည်။သို့သော်လည်း တိုက်ပွဲအ​ခြေအ​နေအ​သေးစိပ်ကိုမူစမသိရ​သေး​ပေ။

▪︎​နောက်တစ်လှိုင်းလာပြီ

“ရှမ်း​မြောက်နဲ့ ပြင်ဦးလွင် ခရိုင် ​နေရာအနှံအပြားမှာ တိုက်ပွဲကြီးများစ ။​နောက်တလှိုင်းလာ​ချေပြီ ။တစ်လှိုင်းပြီးတလှိုင်းလာမယ်”ဟု သပိတ်​ခေါင်း​ဆောင် ​ဒေါက်တာ​တေဇာစန်းက ယ​နေ့မနက်တွင်​ရေးသားထားသည်။

ရှမ်းပြည်နယ် ​မြောက်ပိုင်းတွင် ၂၀၂၃ ​အောက်တိုဘာ ၂၇ ရက်တွင် ညီ​နောင်မဟာမိတ် သုံးဖွဲ့နှင့် ​တော်လှန်​ရေးတပ်​ပေါင်းစုစတင်ခဲ့​သော ၁၀၂၇ စစ်ဆင်​ရေးမှာ စခန်း​ပေါင်းရာချီ မြို့​ပေါင်း တစ်ဒါဇင်​ကျော်သိမ်းယူပြီး​နောက် တရုတ်ကြားဝင်မှူဖြင့် ​ကြောင့် ၂၀၂၄ ဇန်နဝါရီ ၁၁ ရက်မှစ၍ ဟိုင်ဂင်သ​ဘောတူညီမှုဖြင့် ရပ်နားသွားခဲ့သည်။ ထိုသို့ရပ်နားပြီး ၅ လ​ကျော်အကြာတွင် ရှမ်းပြည်နယ်​မြောက်ပိုင်း၌ ​တော်လှန်​ရေးအဖွဲ့များ၏ ထိုးစစ်ပြန်လည်စတင်လာခြင်းဖြစ်သည်။

​တော်လှန်​ရေး တပ်ဖွဲ့ဝင်တစ်ဦးကလည်း ၁၀၂၇ စစ်ဆင်​ရေး ဒုတိယလှိုင်းပြန်စပြီ ဖြစ်​ကြောင်း​ရေးသားအသိ​ပေးထားသည်။

(​​မြောက်ပိုင်းညီ​နောင်မဟာမိတ် သုံး​ဖော် နှင့် မန္တ​လေး PDFတပ်ဖွဲ့ဝင်များ / ​ကျောက်မဲမြို့ ဇွန် ၂၅ ရက်မနက်မြင်ကွင်း။ဓါတ်ပုံ-AA ၊ MDY-PDF ၊ CJ)

ဆက်စပ်သတင်းများ

သတင်း

ရှမ်းပြည်နယ်မြောက်ပိုင်းကျောက်မဲမြို့တွင် နှစ်ရက်ဆက်တိုက်ပွဲပြင်းထန်နေကြောင်း သတင်းရရှိသည်။

သတင်း

ထီးချိုင့် နှင့် သပိတ်ကျင်းမြို့ကြား တကောင်းမြို့၊ အင်းနက်ကျေရွာရှိ စစ်‌ကောင်စီတပ်၏ ဆက်သွယ်ရေး တာဝါတိုင်ကုန်း စခန်းကို ကချင်လွတ်လပ်ရေးတပ်မတော်(KIA) နှင့် PDF ပူးပေါင်းတပ်ဖွဲ့က တိုက်ခိုက်သိမ်းယူလိုက်ကြောင်း မြေပြင်စစ်ရေးသတင်းရင်းမြစ်ကပြောသည်။

သတင်း

ကိုးကန့်တပ်မတော်(MNDAA)က အောက်ခြေတပ်ဖွဲ့များအား ထိုးစစ်ဆင်ခြင်းမပြုဘဲ ခုခံမှုသာ ပြုလုပ်ရန် ယခုလကုန်ပိုင်းအထိ အပစ်ရပ်စဲရေးညွှန်ကြားမှု ပြုလုပ်ထားသော်လည်း ယနေ့(ဇူလိုင် ၂၁)နံနက်တွင် လားရှိုးမြို့၌ တိုက်ပွဲများ ပြင်းထန်နေသည်ဟု ဒေသခံများက အသိပေးထားသည်။

သတင်း

စစ်ကိုင်းတိုင်း၊ ဒီပဲယင်းနှင့် ရေဦးမြို့ပေါ်ရှိ စစ်ကောင်စီတပ်စွဲရာ နေရာများ တိုက်ခိုက်ခံရကြောင်း သတင်းရရှိသည်။