ဟာနာဆန်/People’s Spring
မကွေးတိုင်း၊ ချောက်မြို့နယ်၊ ဆူးတောရွာ၌ တပ်စွဲထားသော စစ်ကောင်စီတပ် တိုက်ခိုက်ခံရကြောင်း သတင်းရရှိသည်။
ဇူလိုင် ၂ဝ ရက် ည ၈နာရီခွဲခန့်က ချောက်မြို့နယ်၊ မြေပဒုံကျေးရွာအုပ်စု၊ ဆူးတောရွာ၌ အင်အား ၃ဝကျော်ဖြင့် တပ်စွဲထားသော စစ်ကောင်စီတပ်အား သွားရောက်တိုက်ခိုက်ရာ အရာရှိတစ်ဦးအပါအဝင် စစ်ကောင်စီတပ်သားများ ထိခိုက်သေဆုံးမှုရှိကြောင်း Chauk Guerilla Force(CGF) အဖွဲ့၏တာဝန်ခံ ကိုဘကွန်းက ပြောသည်။
“သူတို့နဲ့ မီတာ ၅၀အတွင်းပဲ ခြားတာ။ တိုက်ပွဲက ၄၅ မိနစ်လောက်ကြာတယ်။ အရာရှိ တစ်ဉီး အပါအဝင် ၁၀ဦးသေဆုံးတယ်။ ထိခိုက်ဒဏ်ရာ ရရှိသူများတယ်။ ထိခိုက်သေဆုံးတာတွေက တိုက်ပွဲဖော်ဆောင်တဲ့ ရဲဘော်တွေရဲ့ မျက်မြင်ပါဗျ။”ဟု CGFတာဝန်ခံ ကိုဘကွန်းက ပြောသည်။
Public Service Announcement
သို့သော် စစ်ကောင်စီဘက်က ထိခိုက်သေဆုံးမှုကိုမူ လူထုနေဦးက သီးခြားအတည်ပြုနိုင်ခြင်း မရှိသေးပေ။
အဆိုပါ စစ်ဆင်ရေးကို Chauk Guerilla Force(CGF)နှင့် People Defense Force Chauk(ချောက်ပကဖ)၊ မြိုင်ပကဖ၊ Oak Owe UG ပြောက်ကျားတပ်ဖွဲ့၊ အာဠာဝကပြောက်ကျားအဖွဲ့၊ Bagan Bo Cho အဖွဲ့၊ YRF တပ်ရင်း ၁၂ တို့က ပူးပေါင်းတိုက်ခိုက်ခဲ့ခြင်းဟု ဆိုသည်။
ယခုဇူလိုင်အတွင်း၌ပင် ချောက်မြို့နယ်ရှိ စစ်ကောင်စီတပ်လက်အောက်ခံ ရပ်ကျေးအုပ်ချုပ်ရေးမှူးအချို့လည်း ပစ်ခတ်ခံရပြီး သေဆုံးမှုများရှိနေသည်။
