Connect with us

Hi, what are you looking for?

သတင်း

စစ်ကောင်စီ ရွေးကောက်ပွဲကို ထောက်ခံပံ့ပိုးခြင်းအလျဥ်းမပြုရန် နိုင်ငံတကာအား မြန်မာသံအမတ်ကြီး တိုက်တွန်း

စစ်တပ်၏ စီမံခန့်ခွဲမှု ညံ့ဖျင်းခြင်းကြောင့် ပြည်သူများမှာ နေ့စဉ်နှင့်အမျှ ဒုက္ခဆင်းရဲခံစားနေရ

ကုလသမဂ္ဂအစည်းအဝေး၌ မြန်မာသံအမတ်ကြီး ဦးကျော်မိုးထွန်း မိန့်ခွန်းပြောကြားနေစဥ်။ ဓာတ်ပုံ - မြန်မာအမြဲတမ်းကိုယ်စားလှယ်ရုံး

အီယိုရီ/People’s Spring

အာဏာသိမ်းစစ်တပ်မှ​ ကျင်းပရန် စီစဥ်နေသည်ဆိုသော ရွေးကောက်ပွဲကို ထောက်ခံပံ့ပိုးခြင်း အလျဉ်းမပြုရန် နိုင်ငံတကာအသိုက်အဝန်းအား ကုလသမဂ္ဂဆိုင်ရာ မြန်မာသံအမတ်ကြီးဦးကျော်မိုးထွန်းက တိုက်တွန်းလိုက်သည်။

ကုလသမဂ္ဂဌာနချုပ်၌ ကျင်းပနေဆဲ အစည်းအဝေးတစ်ခုတွင် မြန်မာသံအမတ်ကြီးက တိုက်တွန်းလိုက်ခြင်းဖြစ်ပြီး မြန်မာနိုင်ငံ၏ လက်ရှိအခြေအနေမှာ စစ်တပ်၏ တရစပ်ဆိုးရွားသော လုပ်ရပ်များကြောင့် အလုံးစုံပျက်သုဉ်းနေပြီဖြစ်ကြောင်း အသိပေးပြောကြားသည်။

ကုလသမဂ္ဂအစည်းအဝေး၌ မြန်မာသံအမတ်ကြီး ဦးကျော်မိုးထွန်း မိန့်ခွန်းပြောကြားနေစဥ်။ ဓာတ်ပုံ – မြန်မာအမြဲတမ်းကိုယ်စားလှယ်ရုံး

မြန်မာပြည်သူများသည် စစ်တပ်မှကျင်းပမည်ဟု ကြွေးကြော်လျက်ရှိသော မည်သည့် ရွေးကောက်ပွဲမဆို လွတ်လပ်၊ မျှတ၍ အားလုံးပါဝင်သည့် ရွေးကောက်ပွဲတစ်ရပ် ဖြစ်မည်ဟု မယူဆသကဲ့သို့ ပြဿနာအတွက် အဖြေတစ်ခုအဖြစ်လည်း မရှုမြင်ကြောင်းလည်း သံအမတ်ကြီးက ကုလသမဂ္ဂအဖွဲ့ဝင်နိုင်ငံများကို ရှင်းပြသည်။ စစ်တပ်၏ ရွေးကောက်ပွဲမှာ ပြည်သူများ၏ ခံစားနေရသည့်ဒုက္ခ ပိုမိုများပြား၍ ရှည်ကြာစေမည်သာ ဖြစ်မည်ဟု သံအမတ်ကြီးက ထပ်လောင်းပြောကြားသည်။

Public Service Announcement

Public Service Announcement

မျက်မှောက် နိုင်ငံရေးနှင့် စစ်ရေးအခြေအနေများအပေါ် အမျိုးသားညီညွတ်ရေးအတိုင်ပင်ခံကောင်စီ(NUCC)က သြဂုတ် ၁၆ရက်တွင် ထုတ်ပြန်ရာ၌လည်း အကြမ်းဖက်စစ်အုပ်စုမှ ကြိုးပမ်းနေသော တရားမဝင် အတုအယောင်ရွေးကောက်ပွဲ ကျင်းပခြင်းသည် အလွန်အမင်းရှုပ်ထွေးသော နိုင်ငံရေး အခြေအနေများသို့ ရောက်ရှိစေမည်ဟု ဖော်ပြထားသည်။ ထိုသို့ဖြစ်ပေါ်ခဲ့ပါက အကြမ်းဖက်စစ်အုပ်စု သာမက အားပေးထောက်ခံခဲ့သော နိုင်ငံများ၊ ပြည်တွင်းပြည်ပ အဖွဲ့အစည်းများတွင်ပါ တာဝန်ရှိမည်ဟု NUCC က သတိပေးထုတ်ပြန််ခဲ့သည်။

အာဏာသိမ်းစစ်တပ်သည် ရက်စက်ကြမ်းကြုတ်မှုများကို ဆက်လက် ကျူးလွန်လျက်ရှိပြီး ၎င်း၏ စီမံခန့်ခွဲမှု ညံ့ဖျင်းခြင်းကြောင့် ပြည်သူများသည် နေ့စဉ်နှင့်အမျှ အကြောင်းချင်းရာ တစ်ခုမဟုတ်တစ်ခုကြောင့် ဒုက္ခဆင်းရဲခံစားနေရကြောင်း သံအမတ်ကြီးဦးကျော်မိုးထွန်းက ကုလသမဂ္ဂအစည်းအဝေး၌ ပြောသည်။

ဆက်စပ်သတင်းများ

သတင်းဆောင်းပါး

ထရမ့်ရဲ့ နိုင်ငံရေး ပြိုင်ဘက်တွေကို စုံစမ်းဖို့ ရှေ့တန်းကနေ လှုပ်ရှားခဲ့ကြတဲ့ အမေရိကန် တရားရေးဌာန ထိပ်တန်း အရာရှိကြီး သုံးဦးဟာ ဒီမိုကရက်တွေ လွှတ်တော် ကြီးကြပ်ရေး အာဏာကို ပြန်လည် ရယူလာတဲ့ သက်တမ်းဝက် ရွေးကောက်ပွဲ အပြီး ရက်ပိုင်းအတွင်း တစ်ဦးပြီးတစ်ဦး ရာထူးကနေ ထွက်ခွာသွားကြပါပြီ။

နိုင်ငံတကာ

မဲမသမာမှု၊ မဲခိုးမှုတွေကြောင့်သာ ဝန်ကြီးချုပ် ဘင်ဂျမင် နေတန်ညာဟုဟာ အစ္စရေး ရွေးကောက်ပွဲမှာ ပြတ်ပြတ်သားသား အနိုင်မရခဲ့တာ ဖြစ်တယ်လို့ သူ့ရဲ့ ပါတီက စွပ်စွဲ ပြောကြားလိုက်ပါတယ်။

နိုင်ငံတကာ

ကနဦး မဲရေတွက်မှု ရလဒ်တွေအရ အစ္စရေး ရွေးကောက်ပွဲဟာ ကြိုတင် မျှော်လင့်ထားတဲ့အတိုင်း တိတိကျကျ အဖြေမပေါ်ဘဲ ကျဉ်းထဲကျပ်ထဲ အခြေအနေမျိုး ကြုံလာမယ့် ရလဒ်ဆီ ဦးတည်နေကြောင်း သိရပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

Facebook