Connect with us

Hi, what are you looking for?

သတင်း

ဧရာဝတီမြစ်ရိုးတလျှောက် စစ်ကြောင်းထိုးရာမှာ ဒေသခံတွေကို စစ်ကောင်စီတပ်လမ်းပြခိုင်း

မန္တလေးနန်းတွင်းက တိုင်းစစ်ဌာနချုပ်ဆီ ရှော့တိုက်ဒုံးနဲ့ပစ်မှတ်ထားတိုက်ခိုက်ခံရပြီးနောက် ဧရာဝတီမြစ်ကြောင်းတလျှောက် ရွာတွေကို စစ်ကောင်စီက စစ်ကြောင်းထိုးရာမှာ ဒေသခံတွေကို လမ်းပြအဖြစ် ဖမ်းဆီးခေါ်ဆောင်သွားတာရှိတယ်လို့ စုံစမ်းသိရပါတယ်။

၂၀၁၈ ခုနှစ်အတွင်း စစ်တပ်ရဲ့ စစ်ရေးလေ့ကျင့်မှုမြင်ကွင်း(ပုံဟောင်း)

ဆိုင်းမင်း/People’s Spring

မန္တလေးနန်းတွင်းက တိုင်းစစ်ဌာနချုပ်ဆီ ရှော့တိုက်ဒုံးနဲ့ပစ်မှတ်ထားတိုက်ခိုက်ခံရပြီးနောက် ဧရာဝတီမြစ်ကြောင်းတလျှောက် ရွာတွေကို စစ်ကောင်စီက စစ်ကြောင်းထိုးရာမှာ ဒေသခံတွေကို လမ်းပြအဖြစ် ဖမ်းဆီးခေါ်ဆောင်သွားတာရှိတယ်လို့ စုံစမ်းသိရပါတယ်။

တိုင်းစစ်ဌာနချုပ် ရှော့တိုက်ဒုံးနဲ့ပစ်ခတ်ခံရတဲ့ စက်တင်ဘာလ ၃ ရက်မှာပဲ မန္တလေးမြို့နဲ့ ၅ မိုင်ခန့်အကွာက ဧရာဝတီမြစ်ကြောင်းတလျှောက် ရွာတွေကို စစ်ကောင်စီက စစ်ကြောင်းထိုးခဲ့တာပါ။

Public Service Announcement

Public Service Announcement

နန်းတွင်းဆီ ရှော့တိုက်ဒုံးနဲ့ပစ်ခတ်တဲ့နေရာဟာ ဧရာဝတီမြစ်ရိုးက ရွာတွေ ဖြစ်တယ်လို့ စစ်ကောင်စီဘက်က ယူဆထားတာလည်းဖြစ်ပါတယ်။

စက်တင်ဘာလ ၃ ရက်ကစတင်ပြီး ဧရာဝတီမြစ်အရှေ့ဘက်ကမ်း မန္တလေးတိုင်းထဲက အာလောင် ၊ နန်းတော်ကျွန်း ၊ ဉဒေါင်း ၊ သပြေသာ ၊ ပုဂံတပ် ၊ သမင်ခြံတောင်/မြောက်၊ စွန်းလွန်းရွာတွေကို ခြေလျင်စစ်ကြောင်းထိုးနေတာလို့်သိရပါတယ်။

” သူတို့ရွာစဥ်ပတ်နေတာ၊ ဒေသခံတွေကိုဖမ်းပြီး သူတို့သွားမယ့်လမ်းရဲ့ ရှေ့ကနေ လမ်းပြအနေနဲ့လျှောက်ခိုင်း လမ်းတဝက်လောက်မှပြန်လွှတ်ပေးတာ” လို့ ဒေသခံတစ်ဦးကပြောပါတယ်။

စစ်ကောင်စီစစ်ကြောင်းဟာ အင်အား ၄၀ ခန့်ပါပြီး အာလောင်နဲ့ နန်းတော်ကျွန်းကျေးရွာကြားရှိ စွန်းလွန်းကျေးရွာမှာ အထိုင်ချထားတယ်လို့ သိရပါတယ်။

စက်တင်ဘာလ ၅ ရက်အထိ စစ်ကြောင်းထိုးနေဆဲ ဖြစ်ပြီး ဒေသခံတွေကို စစ်ဆေး မေးမြန်းတာတွေ ပြုလုပ်တယ်လို့ သိရပါတယ်။

စစ်ကောင်စီဝါဒဖြန့် တယ်လီဂရမ်အချို့မှာတော့ ရှော့တိုက်ဒုံးပစ်ခတ်မှုမှာပါဝင်သူအချို့ကို ဖမ်းမိထားတယ်လို့ ဝါဒဖြန့်နေကြပေမယ့် သီးခြားအတည်မပြုနိုင်သေးပါဘူး။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်းမှာ သံချပ်ကာတပ်ရဲ့ ဒုတိယစစ်ဆင်ရေးကွပ်ကဲရေးမှူး ဗိုလ်မှူးကြီး ဖမ်းဆီးခံရပြီးနောက် စစ်ကိုင်းမြို့နယ်အနောက်ခြမ်းက ကျေးရွာတွေကို အာဏာသိမ်းစစ်တပ်က ရက်သတ္တပတ်ကျော်ကြာ စစ်ကြောင်းထိုးနေလို့ ပြည်သူတွေ ထွက်ပြေးတိမ်းရှောင်နေရပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook