သတိုး/People’s Spring
ရန်ကုန်မြို့ မြောက်ဥက္ကလာပမြို့နယ် ရွှေပေါက္ကံမြို့သစ်ရှိ စစ်ကောင်စီ၏ (၂၂)ရပ်ကွက်အုပ်ချုပ်ရေးမှူးရုံးကို လက်ပစ်ဗုံးနှစ်လုံးဖြင့် တိုက်ခိုက်ခဲ့ကြောင်း မြောက်ဥက္ကလာပမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူက လူထုနွေဦးသို့ ပြောသည်။
“ လက်ပစ်ဗုံးနှစ်လုံးကွဲအား ပြင်းတယ်။ လတ်တလော အုပ်ကြီးရှောသွားတယ်ကြားတယ်” ဟု ၎င်းက ပြောသည်။
Public Service Announcement
စက်တင်ဘာ ၁၆ ရက် ည ၈နာရီခွဲခန့်တွင် တိုက်ခိုက်မှုကို လုပ်ဆောင်ခဲ့ခြင်းဖြစ်ပြီး ပေါက်ကွဲမှုဖြစ်ပြီးနောက် စစ်ကောင်စီက အစစ်အဆေးပြုလုပ်ခဲ့သော်လည်း ရဲဘော်များဘေးကင်းရာသို့ရောက်ရှိပြီဟု ၎င်းက ပြောသည်။
“ အုံးသံကြားပြီး မီးတွေအကုန်ဖြတ်ပစ်လိုက်ပြီး ဆေးရုံကားသံတွေကြားရတယ်” ဟု ဒေသခံတစ်ဦးက ပြောသည်။
လက်ရှိအချိန်အထိ ပေါက်ကွဲမှုဖြစ်သည့်နေရာ၌ ပျူစောထီးအင်အားအများအပြားဖြင့် ကင်းလှည့်မှုများပြုလုပ်ကာ အစစ်အဆေးလုပ်နေကြောင်း ဒေသခံတစ်ဦးကလည်း ပြောသည်။
မြောက်ဥက္ကလာပမြို့နယ် ပြည်သူ့ကာကွယ်ရေးအဖွဲ့အနေဖြင့် မြို့ပြစစ်ဆင်ရေးများကို ဆက်လက်လုပ်ဆောင်သွားမည်ဖြစ်ပြီး ပြည်သူများအနေဖြင့်လည်း တတ်နိုင်သည့်ဘက်မှ ပါဝင်ပေးရန် အထက်ပါတာဝန်ရှိသူကမေတ္တာရပ်ခံထားသည်။
မြောက်ဥက္ကလာပမြို့နယ်ပကဖ အနေဖြင့် စက်တင်ဘာ ၆ ရက်ကလည်း Yangon UG People Army နှင့်အတူ စိန်ပန်းမြိုင် ယာဉ်ထိန်းရုံးရဲတန်းလျားအား ဖောက်ခွဲတိုက်ခိုက်မှုပြုလုပ်ခဲ့သေးသည်။
