မွန်ပြည်နယ်၊ ရေးမြို့နယ်တွင် စစ်ကောင်စီတပ်၏ စခန်းကုန်းတစ်ခုကို ထိုးစစ်ဆင်တိုက်ခိုက်လျှက်ရှိရာ တော်လှန်ရေးရဲဘော်တစ်ဦးကျဆုံးခဲ့ကြောင်း ဒေါနစစ်ကြောင်း ၂၊ ရေးပြောက်ကျားတပ်ဖွဲ့(YGF)မှ တာဝန်ရှိသူတစ်ဦးက ပြောသည်။
ရေးမြို့နယ်၊ အမှတ်(၈)ပြည်ထောင်စုလမ်းပိုင်း၊ စံပြရွာရှိ စစ်ကောင်စီတပ်စခန်းကုန်းကို ယမန်နေ့(အောက်တိုဘာလ ၁၇)ရက်တွင် တော်လှန်ရေးတပ်ဖွဲ့များက ဝင်ရောက်စီးနင်းတိုက်ခိုက်နေခြင်းဖြစ်ပြီး ယနေ့အထိ စစ်ဆိုင်ထားဆဲဖြစ်ကြောင်း YGF က ပြောသည်။
“မွန်ပြည်နယ်၊ ရေးမြို့နယ်၊ နှင်းစံကျေးရွာမှာရှိတဲ့ စခန်းကုန်းပါ။ အင်အား ၅၀ ခန့်ရှိပါတယ်။ ခုထိစစ်ဆိုင်ထားဆဲ”ဟု YGF မှ တာ ဝန်ရှိသူက အောက်တိုဘာလ ၁၈(ယနေ့)ညပိုင်းတွင် ပြောသည်။
Public Service Announcement
အထက်ပါ စစ်တပ်စခန်းကုန်းအား စီးနင်းမှုတွင် ရေးပြောက်ကျားတပ်ဖွဲ့(YGF)မှ ရဲဘော်မိုးကြိုး မြင့်မြတ်စွာကျဆုံးခဲ့ရာ မိသားစုနှင့်ထပ်တူ အလွန်ဝမ်းနည်းကြေကွဲရကြောင်း YGF က ဝမ်းနည်းမှတ်တမ်း ထုတ်ပြန်ထား သည်။
ယင်းတိုက်ပွဲတွင် စစ်ကောင်စီတပ်ဘက်မှလည်း ငါးဦးထက်မနည်းသေဆုံး၍ ထိခိုက်ဒဏ်ရာရသူများလည်း များပြားကြောင်း YGF မှ တာဝန်ရှိသူတစ်ဦးက ပြောသည်။
“မနေ့(အောက်တိုဘာလ ၁၇ ရက်)ကကြားသိရသလောက် ငါးဦးသေ အများအပြားဒဏ်ရာရ”ဟု စစ်ကောင်စီတပ်ဘက်မှ အခြေအနေကို ၎င်းက ဆက်ပြောသည်။
လက်ရှိအခြေအနေတွင် နှင်းစံကျေးရွာရှိ စစ် တပ်စခန်းကုန်းကို ဒေါနစစ်ကြောင်း ၂၊ ရေးပြောက်ကျားတပ်ဖွဲ့(YGF)နှင့် တော်လှန်ရေးတပ်ဖွဲ့များပူးပေါင်း၍ ထိုးစစ်ဆင်နေဆဲဖြစ်ပြီး တိုက်ပွဲရလဒ်များကို ပွဲပြီးမှသာ အသေးစိပ် အသိပေးသွားမည်ဟု YGF က ပြော သည်။
